Baile
Aoisghrúpaí
> 4 Bliain
Ainmneacha Gaeilge
Naíonraí
Ag úsáid Gaeilge le do pháistí
Ag tógáil páistí le Gaeilge taobh amuigh den Ghaeltacht
Ag Tógáil Páistí le Gaeilge sa Ghaeltacht
Tacaíocht, Seirbhísí agus Áiseanna
4 > 12 Bliain
Gaelscoileanna
Buntáistí Oideachais trí Ghaeilge
Coláistí Samhraidh
An Ghaelbhratach
Féilte
Tacaíocht, Seirbhísí agus Áiseanna
12 > 18 Bliain
Gaelcholáistí
Buntáistí Oideachais trí Ghaeilge
Coláistí Samhraidh
5 leid nuair atá tú ag dul chun na Gaeltachta
An Ghaelbhratach
Féilte
Ag úsáid d’ainm as Gaeilge
Tacaíocht, Seirbhísí agus Áiseanna
18 > 22 Bliain
Cumainn Ghaelacha & Aontais Mhac Léinn
Cúrsaí le Gaeilge ar an 3ú Leibhéal
Féilte
Tacaíocht, Seirbhísí agus Áiseanna
22+ Bliain
Gairmeacha le Gaeilge in Éirinn
Ag foghlaim na Gaeilge
Ranganna Gaeilge do Dhaoine Fásta
Glac Páirt sa Ghluaiseacht
Ciorcail Chomhrá | Caint & Comhrá
Féilte
Saoire sa Ghaeltacht
Tacaíocht, Seirbhísí agus Áiseanna
Ag labhairt Gaeilge le do gharpháistí
Pobal
Ciorcail Chomhrá | Caint & Comhrá
Sloinne
An Ghaeltacht
Grúpaí Pobail
Na Lárionaid Ghaeilge
Sloinne
Na Ceanneagraíochtaí
Féilte
Seachtain na Gaeilge le Energia
Imeachtaí Ardú Feasachta
Leabhair Ghaeilge
Podchraoltaí Gaeilge
An Chaint
Oifigigh Gaeilge i bhFeidhmeannacht na Seirbhíse Sláinte (FSS)
7 dtreoir le bheith níos sábháilte ar líne
Foghlaim
Ag foghlaim na Gaeilge
Naíonraí
Gaelcholáistí
Gaelscoileanna
An Ghaeilge i Scoileanna Béarla
Foghlaim Gaeilge mar dhuine fásta
Téarmaíocht agus Gramadach ar líne
Ranganna
Seirbhísí Gaeilge do Scoileanna
Cearta
Acht na dTeangacha Oifigiúla 2003
Cairt Eorpach do Theangacha Réigiúnacha & Mionlaigh
Straitéisí Gaeilge ó Thuaidh is ó Dheas
Seirbhísí ar fáil as Gaeilge
Glac Páirt sa Ghluaiseacht
Feachtasaíocht
Taighde Gaeilge
Ag úsáid Gaeilge le seirbhísí stáit
An Coimisinéir Teanga
6 fhorbairt teicneolaíoctha atá ó chainteoirí na Gaeilge
Fostaíocht
Gairmeacha le Gaeilge san Eoraip
Gairmeacha le Gaeilge in Éirinn
CV Samplach Gaeilge
Ag lorg poist leis an nGaeilge
Cé hiad na fostóirí Gaeilge is mó?
Comhairle agallaimh do phost le Gaeilge
Cúrsaí iarchéime Gaeilge do shaol an lae inniu
Cúrsaí bunchéime spéisiúla le Gaeilge
Folúntais
Físeáin: 'Do Ghairm le Gaeilge'
Leabhrán Ghairmeacha le Gaeilge
Nuacht
  • Baile
  • Idirnáisiúnta
  • May ag caitheamh cloch in aghaidh cuain agus an t-eiteach tugtha ag an DUP arís di
may-ag-caitheamh-cloch-in-aghaidh-cuain-agus-an-t-eiteach-tugtha-ag-an-dup-aris-di

May ag caitheamh cloch in aghaidh cuain agus an t-eiteach tugtha ag an DUP arís di

D’fhógair an DUP aréir nach mbeidís ag tacú leis an tríú hiarracht ag Theresa May an margadh Breatimeachta a aontaíodh leis an AE a chur tríd an bparlaimint in Westminster.

D’fhógair Príomh-Aire na Breataine tráthnóna inné go raibh fúithi éirí as roimh an gcéad bhabhta idirbheartaíochta eile leis an AE faoin mBreatimeacht agus súil aici go gcabhróidh a fógra léi a margadh a chur thar abhainn faoi dheireadh.

Ach cúpla uair ina dhiaidh sin bhuail an DUP buille mór ar an tseift is déanaí ag May dóthain vótaí a mhealladh don mhargadh a aontaíodh leis an Aontas Eorpach.

Dúradh i ráiteas an pháirtí aontachtaigh nach mbeifí “ag tacú” le margadh May rud a spreag caint go mb’fhéidir go mbeidís sásta staonadh ó vótáil.

Ach rinne leascheannaire an pháirtí Nigel Dodds beag is fiú láithreach nach mór den chaint sin nuair a chuir sé tvuít amach ag dearbhú nach dtarlódh a leithéid.

The DUP do not abstain on the Union. https://t.co/l4oSPj75V2

— Nigel Dodds (@NigelDoddsDUP) March 27, 2019

Dúirt an DUP nach dtacóidís leis an margadh toisc gan aon athrú a bheith déanta ar an gcúlstop, an polasaí árachais a cuireadh sa mhargadh ar mhaithe le teorainn chrua in Éirinn a sheachaint. Ní ar leas shláine na Ríochta Aontaithe a bheadh an margadh dá bharr, a dúradar.

Idir an dá linn, dhiúltaigh feisirí parlaiminte in Westminster aréir do gach ceann de hocht gcinn de mholtaí faoi shocruithe eile mar mhalairt ar mhargadh imeachta Theresa May.

Vótaí táscacha a bhí i vótaí na hoíche aréir, is é sin vótaí a raibh sé i gceist go dtabharfaidís tásc nó tuairisc ar mhianta na bhfeisirí i dtaobh an Bhreatimeachta.

Is amhlaidh, áfach, gur chuir na vótaí leis an éiginnteacht faoi mhianta lucht Westminster nuair a diúltaíodh dóibh ar fad.

Bhí na vótaí ann toisc gur vótáil feisirí Dé Luain go nglacfaidís féin smacht inné ar chlár oibre na parlaiminte d’fhonn fuascailt a fháil ar sháinn an Bhreatimeacht trí theacht ar phlean a mbeadh tacaíocht thraspháirtí ann dó.

Is léir gur theip ar an iarracht sin.

Ar na socruithe éagsúla ar dhiúltaigh na feisirí dóibh, bhí go bhfanfaí sa mhargadh aonair agus san aontas custam, go mbeadh an dara reifreann ann faoin mBreatimeacht, go ndéanfaí Airteagal 50 a aisghairm agus an Breatimeacht a chur ar ceal.

Cheadaigh Theresa May saorvóta d’fheisirí na dTóraithe ach chuir ceannaire pháirtí an Lucht Oibre an fuip i bhfeidhm ar fheisirí an pháirtí sin i gcás vótaí áirithe, ina measc an vóta faoin dara reifreann, an vóta faoi aontas custam agus an vóta ar pholasaí Breatimeachta an Lucht Oibre.

Tá Theresa May meáite i gcónaí ar a plean féin a chur faoi bhráid na parlaiminte den tríú huair.

320 vóta a theastódh ó Theresa May in Westminster chun go nglacfaí lena margadh agus meastar go bhfuil sí gann 50 vóta nó mar sin go fóill. Cé go bhfuil sé i gceist anois ag cuid de na Breatimeachtóirí is diongbháilte ina páirtí féin, ina measc Boris Johnson agus Iain Duncan Smith, tacú léi, tá an chuma ar an scéal gur ag snámh in aghaidh easa atá May i gcónaí.

Tuairiscítear nár éirigh léi ach timpeall 20 duine ar fad ina páirtí féin a mhealladh ó champa na mBreatimeachtóirí is diongbháilte agus go bhfuil i gceist ag thart ar 30 duine eile acu vótáil ina coinne arís.

Fágann sin agus diúltú an DUP go mbeadh gá fós aici le cuid mhaith vótaí a mhealladh ó fheisirí Pháirtí an Lucht Oibre. Maidir le feisirí an Lucht Oibre agus feisirí neamhspleácha níor éirigh léi ach seachtar acu a mhealladh cheana. Anuas air sin, tá roinnt feisirí, seisear nó seachtar, ina páirtí féin a bhfuil an dara reifreann uathu agus nach mbeidh sásta vótáil do mhargadh ar bith dá réir. Tá thart ar dhosaen feisirí eile i bpáirtí May a bhfuil ráite go láidir acu nach bhfuil aon athrú intinne i ndán dóibh.

 Mura nglactar le margadh May cuirfear an Breatimeacht siar go dtí an 12 Aibreáin agus beidh ar an Ríocht Aontaithe plean eile a chur faoi bhráid an AE roimh an lá sin agus cinneadh a dhéanamh faoi pháirt a ghlacadh sna toghcháin Eorpacha.

Níos mó
Nuacht – Tuairisc.ie | Tuairisc .ie

tuairisc.ie

Cláraigh do nuachtlitir PEIG

  • Conradh na Gaeilge
  • Foras na Gaeilge