Baile
Aoisghrúpaí
> 4 Bliain
Ainmneacha Gaeilge
Naíonraí
Ag úsáid Gaeilge le do pháistí
Ag tógáil páistí le Gaeilge taobh amuigh den Ghaeltacht
Ag Tógáil Páistí le Gaeilge sa Ghaeltacht
Tacaíocht, Seirbhísí agus Áiseanna
4 > 12 Bliain
Gaelscoileanna
Buntáistí Oideachais trí Ghaeilge
Coláistí Samhraidh
An Ghaelbhratach
Féilte
Tacaíocht, Seirbhísí agus Áiseanna
12 > 18 Bliain
Gaelcholáistí
Buntáistí Oideachais trí Ghaeilge
Coláistí Samhraidh
5 leid nuair atá tú ag dul chun na Gaeltachta
An Ghaelbhratach
Féilte
Ag úsáid d’ainm as Gaeilge
Tacaíocht, Seirbhísí agus Áiseanna
18 > 22 Bliain
Cumainn Ghaelacha & Aontais Mhac Léinn
Cúrsaí le Gaeilge ar an 3ú Leibhéal
Féilte
Tacaíocht, Seirbhísí agus Áiseanna
22+ Bliain
Gairmeacha le Gaeilge in Éirinn
Ag foghlaim na Gaeilge
Ranganna Gaeilge do Dhaoine Fásta
Glac Páirt sa Ghluaiseacht
Ciorcail Chomhrá | Caint & Comhrá
Féilte
Saoire sa Ghaeltacht
Tacaíocht, Seirbhísí agus Áiseanna
Ag labhairt Gaeilge le do gharpháistí
Pobal
Ciorcail Chomhrá | Caint & Comhrá
Sloinne
An Ghaeltacht
Grúpaí Pobail
Na Lárionaid Ghaeilge
Sloinne
Na Ceanneagraíochtaí
Féilte
Seachtain na Gaeilge le Energia
Imeachtaí Ardú Feasachta
Leabhair Ghaeilge
Podchraoltaí Gaeilge
An Chaint
Oifigigh Gaeilge i bhFeidhmeannacht na Seirbhíse Sláinte (FSS)
7 dtreoir le bheith níos sábháilte ar líne
Foghlaim
Ag foghlaim na Gaeilge
Naíonraí
Gaelcholáistí
Gaelscoileanna
An Ghaeilge i Scoileanna Béarla
Foghlaim Gaeilge mar dhuine fásta
Téarmaíocht agus Gramadach ar líne
Ranganna
Seirbhísí Gaeilge do Scoileanna
Cearta
Acht na dTeangacha Oifigiúla 2003
Cairt Eorpach do Theangacha Réigiúnacha & Mionlaigh
Straitéisí Gaeilge ó Thuaidh is ó Dheas
Seirbhísí ar fáil as Gaeilge
Glac Páirt sa Ghluaiseacht
Feachtasaíocht
Taighde Gaeilge
Ag úsáid Gaeilge le seirbhísí stáit
An Coimisinéir Teanga
6 fhorbairt teicneolaíoctha atá ó chainteoirí na Gaeilge
Fostaíocht
Gairmeacha le Gaeilge san Eoraip
Gairmeacha le Gaeilge in Éirinn
CV Samplach Gaeilge
Ag lorg poist leis an nGaeilge
Cé hiad na fostóirí Gaeilge is mó?
Comhairle agallaimh do phost le Gaeilge
Cúrsaí iarchéime Gaeilge do shaol an lae inniu
Cúrsaí bunchéime spéisiúla le Gaeilge
Folúntais
Físeáin: 'Do Ghairm le Gaeilge'
Leabhrán Ghairmeacha le Gaeilge
Nuacht
  • Baile
  • Náisiúnta
  • Na chéad sonraí ar fáil faoi ghrúpa oibre an achta Ghaeilge i gcainteanna Stormont
<div-class="credit-tuairisc"></div>-na-chead-sonrai-ar-fail-faoi-ghrupa-oibre-an-achta-ghaeilge-i-gcainteanna-stormont

Na chéad sonraí ar fáil faoi ghrúpa oibre an achta Ghaeilge i gcainteanna Stormont

Tá na chéad sonraí ar fáil i dtaobh an ghrúpa oibre speisialta a rachaidh i mbun plé faoi chás an achta Ghaeilge ó thuaidh féachaint an féidir teacht ar réiteach faoin gceist atá ina dris chosáin mhór roimh athbhunú fheidhmeannas Stormont.

Tá an grúpa – a bheidh ag plé le ceisteanna comhionannais, teanga agus féiniúlachta – ar cheann de chúig ghrúpa oibre atá á mbunú mar chuid den bhabhta nua cainteanna polaitiúla ó thuaidh.

Meastar gur ar cheist na reachtaíochta Gaeilge agus ceist an chomhionannais phósta is mó a dhíreoidh an grúpa. Beidh cás na hUltaise san áireamh sa chaint chomh maith.

Beidh triúr ionadaithe ag na páirtithe go léir ar na grúpaí agus tá ionadaithe an SDLP ar an ngrúpa a bheidh ag plé cás na reachtaíochta Gaeilge fógartha cheana féin. Is iad sin an ball tofa tionóil do Lár Uladh Patsy McGlone, cainteoir Gaeilge aitheanta, Justin McNulty, an t-iarpheileadóir idirchontae a toghadh chun an tionóil don Iúr agus Ard Mhacha, agus Colin McGrath, cathaoirleach an pháirtí agus ball tofa don Dún Theas.

Is é an t-iar-státseirbhíseach sinsearach Peter Sweeney, iar-ardrúnaí ar an Roinn Cultúir, a bheidh mar chathaoirleach ar an gcoiste nua. D’éirigh Peter Sweeney as in 2016, tráth a raibh sé ina ardrúnaí ar an Roinn Oideachais.

Thosaigh sé ag obair sa státseirbhís i 1994 agus thug sé tréimshí ina leas-ardrúnaí sa Roinn Forbartha Régiúnaí agus in Oifig an Chéad-Aire agus an LeasChéad-Aire sular ceapadh ina ardrúnaí sa Roinn Cultúir, Ealaíon agus Fóillíochta é in 2006. D’fhan sé sa phost sin nó gur aistríodh é go dtí an Roinn Oideachais in 2010.

Tá taithí mhaith ag Sweeney ar a bheith ag plé le cuid de na polaiteoirí is mó a luaitear le meon frithGhaeilge sa DUP. Is iad na hairí cultúir a bhí ann le linn a thréimhse mar ardrúnaí sa roinn sin ná Edwin Poots, Gregory Campbell agus Nelson McCausland, triúr atá glan in aghaidh acht Gaeilge.

Bheadh taithí chomh maith ag Sweeney ar a bheith ag plé le hairí Gaeltachta agus oifigigh i roinn na Gaeltachta ag cruinnithe de chuid na Comhairle Aireachta Thuaidh/Theas agus a leithéid.

Pléifidh na grúpaí oibre nua le ceisteanna a bhí ina mbac go dtí seo ar na hiarrachtaí eile a rinneadh chun teacht ar fhuascailt ar an tsáinn pholaitiúil, ina measc ceist an achta Ghaeilge, ceisteanna comhionannais eile agus ceisteanna a bhaineann le struchtúir agus cur chuige Stormont. Pléifidh ceann de na grúpaí le conas feabhas a chur ar “inbhuanaitheacht, seasmhacht agus feidhmiú” na n-eagras trasteorann a bhfuil Foras na Gaeilge ar cheann acu.

Mhaígh Arlene Foster, ceannaire an DUP, nach mbeadh a páirtí féin ina bhac ar aon fhuascailt ar an tsáinn pholaitiúil atá ann ó thit Stormont mí Eanáir 2017.

“Dhearbhaigh vótóirí sna toghcháin áitiúla arís, rud a nglacann agus a dtacaíonn an DUP leis, gurb amhlaidh go bhfuil an pobal ag iarraidh ár rialtas i dTuaisceart Éireann ar ais agus é a bheith ag feidhmiú arís.

“Ní hiad an DUP a bheidh ina mbac roimh fhilleadh Stormont. Cé go mbíonn daoine áirithe ag iarraidh iad féin a chur i láthair mar lucht cosanta na gceart, beidh mise ag seasamh ar son chearta na ndaoine a bhfuil leasuithe ar an tseirbhís sláinte agus oideachais de dhíth orthu agus ar son rialtas áitiúil sa Tuaisceart.

“Aithníonn an DUP go gcaithfear déileáil le ceist na Gaeilge ach ní mór d’aon phacáiste a réiteofar a bheith cothrom agus tomhaiste,” a dúirt Arlene Foster.

Dúirt Mary Lou McDonald go raibh idirbheartaithe Shinn Féin faoi réir do na cainteanna.

“Teacht ar réiteach ar na ceisteanna atá uainne. Ní ceisteanna casta, achrannacha ná doréitithe iad seo. Is féidir teacht ar réiteach ach an toil pholaitiúil a bheith ann chuige sin. Is féidir teacht ar chomhréiteach ina dtabharfar aitheantas do chearta gach duine,” a dúirt sí.

“Is sa tslí sin a chruthóimid institiúidí iontaofa inmharthana a bheidh bunaithe ar an gcomhionannas agus ar an urraim do chách.

“Is sa tslí sin a thiocfaimid ar réiteach ar na ceisteanna is bun leis an tsáinn  pholaitiúil, ar a n-áirítear comhionannas pósta, cearta na mban, na gcainteoirí Gaeilge agus na n-íospartach.”

Dúirt McDonald gur theastaigh óna páirtí go n-éireodh leis na cainteanna agus chuige sin go gcaithfí “an comhionannas a aithint agus a chosaint”. Dúirt sí nár chóir go mbeadh aon chonspóid ag baint lena leithéid de ráiteas. Ba cheart go dtuigfí gur “caint chiallmhar” a bhí ann.

Níos mó
Nuacht – Tuairisc.ie | Tuairisc .ie

tuairisc.ie

Cláraigh do nuachtlitir PEIG

  • Conradh na Gaeilge
  • Foras na Gaeilge