Baile
Aoisghrúpaí
> 4 Bliain
Ainmneacha Gaeilge
Naíonraí
Ag úsáid Gaeilge le do pháistí
Ag tógáil páistí le Gaeilge taobh amuigh den Ghaeltacht
Ag Tógáil Páistí le Gaeilge sa Ghaeltacht
Tacaíocht, Seirbhísí agus Áiseanna
4 > 12 Bliain
Gaelscoileanna
Buntáistí Oideachais trí Ghaeilge
Coláistí Samhraidh
An Ghaelbhratach
Féilte
Tacaíocht, Seirbhísí agus Áiseanna
12 > 18 Bliain
Gaelcholáistí
Buntáistí Oideachais trí Ghaeilge
Coláistí Samhraidh
5 leid nuair atá tú ag dul chun na Gaeltachta
An Ghaelbhratach
Féilte
Ag úsáid d’ainm as Gaeilge
Tacaíocht, Seirbhísí agus Áiseanna
18 > 22 Bliain
Cumainn Ghaelacha & Aontais Mhac Léinn
Cúrsaí le Gaeilge ar an 3ú Leibhéal
Féilte
Tacaíocht, Seirbhísí agus Áiseanna
22+ Bliain
Gairmeacha le Gaeilge in Éirinn
Ag foghlaim na Gaeilge
Ranganna Gaeilge do Dhaoine Fásta
Glac Páirt sa Ghluaiseacht
Ciorcail Chomhrá | Caint & Comhrá
Féilte
Saoire sa Ghaeltacht
Tacaíocht, Seirbhísí agus Áiseanna
Ag labhairt Gaeilge le do gharpháistí
Pobal
Ciorcail Chomhrá | Caint & Comhrá
Sloinne
An Ghaeltacht
Grúpaí Pobail
Na Lárionaid Ghaeilge
Sloinne
Na Ceanneagraíochtaí
Féilte
Seachtain na Gaeilge le Energia
Imeachtaí Ardú Feasachta
Leabhair Ghaeilge
Podchraoltaí Gaeilge
An Chaint
Oifigigh Gaeilge i bhFeidhmeannacht na Seirbhíse Sláinte (FSS)
7 dtreoir le bheith níos sábháilte ar líne
Foghlaim
Ag foghlaim na Gaeilge
Naíonraí
Gaelcholáistí
Gaelscoileanna
An Ghaeilge i Scoileanna Béarla
Foghlaim Gaeilge mar dhuine fásta
Téarmaíocht agus Gramadach ar líne
Ranganna
Seirbhísí Gaeilge do Scoileanna
Cearta
Acht na dTeangacha Oifigiúla 2003
Cairt Eorpach do Theangacha Réigiúnacha & Mionlaigh
Straitéisí Gaeilge ó Thuaidh is ó Dheas
Seirbhísí ar fáil as Gaeilge
Glac Páirt sa Ghluaiseacht
Feachtasaíocht
Taighde Gaeilge
Ag úsáid Gaeilge le seirbhísí stáit
An Coimisinéir Teanga
6 fhorbairt teicneolaíoctha atá ó chainteoirí na Gaeilge
Fostaíocht
Gairmeacha le Gaeilge san Eoraip
Gairmeacha le Gaeilge in Éirinn
CV Samplach Gaeilge
Ag lorg poist leis an nGaeilge
Cé hiad na fostóirí Gaeilge is mó?
Comhairle agallaimh do phost le Gaeilge
Cúrsaí iarchéime Gaeilge do shaol an lae inniu
Cúrsaí bunchéime spéisiúla le Gaeilge
Folúntais
Físeáin: 'Do Ghairm le Gaeilge'
Leabhrán Ghairmeacha le Gaeilge
Nuacht
  • Baile
  • Greann
  • Naoi gcineál duine a chasfaidh ort ag Comórtas Peile na Gaeltachta
<a-href="https://tuairisc.ie"-class="credit-tuairisc"-target="-blank"-rel="noopener-noreferrer"></a>-naoi-gcineal-duine-a-chasfaidh-ort-ag-comortas-peile-na-gaeltachta

Naoi gcineál duine a chasfaidh ort ag Comórtas Peile na Gaeltachta

An ‘county man’ gur bhreá lena chroí a bheith ag imirt ach gur chuir an focar sin stop leis

Cé gurb é an t-imreoir is fearr ag an gclub le leathchéad bliain é níl sé ag imirt mar nár thug bainisteoir an chontae cead dó. Gan amhras thabharfadh sé a bhfuil de bhoinn uile-Éireann aige ach toggáil fiú ar feadh deich nóiméad le go mbuafadh sé dóibh é. Ach an bastard sin de bhainisteoir idirchontae ní thuigeann sé Gaeilge ná Gaeltacht agus tá sé fágtha anois ar an taobhlíne, a skinny tracksuit agus ankle socks fós air agus ablálaí daichead bliain d’aois ó na juniors istigh ina áit agus stánáil á tabhairt dóibh ag crowd anuas as Béal Feirste.

An t-imreoir atá absolutely usheless ach a bheidh ina chaptaen mar dhea má bhuann a fhoireann toisc gurb é an t-aon duine a bhfuil cúpla focal Gaeilge aige le speech a thabhairt

Draftáladh isteach ó na juniors ar maidin é agus aimsíodh geansaí mór a dhóthain dó faoi dheireadh. Is beag aithne atá ag na leaideanna eile air fiú, ach tá sé i lár an aonaigh anois agus é ‘an-sásta glacadh le Corn an Aire’ ar son an pharóiste, paróiste nár cloiseadh aon fhocal Gaeilge ann ó tháinig fear an deontais ón Údarás ar cuairt acu cúpla bliain ó shin. Cuireadh amach an lá sin chomh maith é.

An leaid atá chomh sásta céanna go mbuaileadh a fhoireann sa chéad round

Is ar éigean gur cuimhin leis faoin tráth seo cé hiad a fhoireann. Ná cá bhfuil sé ag fanacht. Ná cén t-am ar fhág sé an marquee aréir. Ná an raibh sé sa marquee aréir. A leithéid de weekend ina dhiaidh sin féin agus níl sé thart fós! Ar chuala tú go raibh cóisir le bheith sna chalets thiar nuair a dhúnfaidh an beár? B’fhéidir go mbeadh couch acu chomh maith.

An réalta óg nach bhfuil fáil air

Imreoir óg nach féidir leis imirt mar go bhfuil sé ag déanamh na hArdteiste agus pé scéal é tá sé ‘istigh’ le mionúir an chontae, nó ar ‘extended training panel’ mhionúir an chontae chun a bheith beacht faoi. Insíonn sé a scéal do chách ar eagla go gceapfaí nach bhfuil sé maith a dhóthain fós. Deir sé go mb’fhéidir go n-imreodh sé má bhaineann siad an final amach. Is í fírinne an scéil nach bhfuil seans faoin spéir go gcuimhneofaí ar é a thosú murach na freeanna.

An ball den choiste náisiúnta

De réir dheasghnátha aisteacha seanbhunaithe an chomórtais ní mór caitheamh leis an mball den Choiste Náisiúnta amhail is gur rí é. Seachain go gcuirfeadh sé a lámh ina phóca. Agus seachain go gcuirfeá ceist air céard é go baileach a dhéanann an Coiste Náisiúnta. Níl sa bhall den choiste náisiúnta, ach sampla amháin de na cineálacha éagsúla daoine a bhíonn ‘ag obair’ nó ‘ar dualgas’ ag an gComórtas. Ar shlí is amaitéarach é an ball den choiste náisiúnta i gcomparáid le leithéidí ‘An boc sin ó Údarás na Gaeltachta’ ar laoch na gcéad Oireachtas agus na míle cruinniú boird é.

An fear ar cuimhin leis chuile chic de chuile chomórtas ó 1969

An cúilín a fuair Dara Ó Cinnéide in aghaidh na gaoithe ón taobhlíne ar an bhFairche i 1995. Nach raibh sé ina sheasamh chomh gar dó agus atá sé dhuitse anois? Óráid Willie Joe. Is cuimhin leis chuile fhocal de chomh maith is dá mbeadh sé ag seasamh os bhur gcomhair á rá anois. Dromaid in 2001? Nárbh é is measa a bhí ite ag na míoltóga?

Máirtín Beag McHugh agus an ‘three in a row’. Bhí sé ag na trí cinn acu agus tuige nach mbeadh, nach raibh sé ag chuile chomórtas beo ó 1969?

An Cailín Gaelach

Cuirtear gach saghas ceiste ar an gCailín Gaelach, seachas an ceann is tábhachtaí: Why?

An seanleaid a chuireann ábhairín beag an iomarca suime sa chomórtas ‘Cailín Gaelach’

‘M’anam ach go rabhadar go maith i mbliana agus iad sách meabhrach freisin cuid acu,’ a deir An Seanleaid a Chuireann Ábhairín Beag an Iomarca Suime sa Chomórtas ‘Cailín Gaelach’, agus a bholg ag brú isteach an chabhantair sa Marquee.

©INPHO/Bryan Keane

Na Laochra Gael Óga

Tá an ceart céanna ag Na Laochra Gael Óga a bheith sa chomórtas is atá ag gach duine eile. Tá siad gach pioc chomh Gaelach leis an dream eile, agus níos Gaelaí go mór ná cuid acu. Is i gcathracha móra na hÉireann a thabharfar an Ghaeilge slán. Is fíor do na Laochra Gael Óga gach ceann de na ráitis sin agus ar chraiceann do chluaise ná habair a mhalairt leo más fút an deoch sin a ordú sula ndúnfaidh an beár. Aithneoidh tú na Laochra Gael Óga chomh maith mar gur Gaeilge amháin a thagann as a mbéal. ‘A réiteoir, chiceáil sé mé lena bhróg pheile. In ainm Dé, a réiteoir, sin cailís nimhneach!’

Níos mó

tuairisc.ie

Cláraigh do nuachtlitir PEIG

  • Conradh na Gaeilge
  • Foras na Gaeilge