Baile
Aoisghrúpaí
> 4 Bliain
Ainmneacha Gaeilge
Naíonraí
Ag úsáid Gaeilge le do pháistí
Ag tógáil páistí le Gaeilge taobh amuigh den Ghaeltacht
Ag Tógáil Páistí le Gaeilge sa Ghaeltacht
Tacaíocht, Seirbhísí agus Áiseanna
4 > 12 Bliain
Gaelscoileanna
Buntáistí Oideachais trí Ghaeilge
Coláistí Samhraidh
An Ghaelbhratach
Féilte
Tacaíocht, Seirbhísí agus Áiseanna
12 > 18 Bliain
Gaelcholáistí
Buntáistí Oideachais trí Ghaeilge
Coláistí Samhraidh
5 leid nuair atá tú ag dul chun na Gaeltachta
An Ghaelbhratach
Féilte
Ag úsáid d’ainm as Gaeilge
Tacaíocht, Seirbhísí agus Áiseanna
18 > 22 Bliain
Cumainn Ghaelacha & Aontais Mhac Léinn
Cúrsaí le Gaeilge ar an 3ú Leibhéal
Féilte
Tacaíocht, Seirbhísí agus Áiseanna
22+ Bliain
Gairmeacha le Gaeilge in Éirinn
Ag foghlaim na Gaeilge
Ranganna Gaeilge do Dhaoine Fásta
Glac Páirt sa Ghluaiseacht
Ciorcail Chomhrá | Caint & Comhrá
Féilte
Saoire sa Ghaeltacht
Tacaíocht, Seirbhísí agus Áiseanna
Ag labhairt Gaeilge le do gharpháistí
Pobal
Ciorcail Chomhrá | Caint & Comhrá
Sloinne
An Ghaeltacht
Grúpaí Pobail
Na Lárionaid Ghaeilge
Sloinne
Na Ceanneagraíochtaí
Féilte
Seachtain na Gaeilge le Energia
Imeachtaí Ardú Feasachta
Leabhair Ghaeilge
Podchraoltaí Gaeilge
An Chaint
Oifigigh Gaeilge i bhFeidhmeannacht na Seirbhíse Sláinte (FSS)
7 dtreoir le bheith níos sábháilte ar líne
Foghlaim
Ag foghlaim na Gaeilge
Naíonraí
Gaelcholáistí
Gaelscoileanna
An Ghaeilge i Scoileanna Béarla
Foghlaim Gaeilge mar dhuine fásta
Téarmaíocht agus Gramadach ar líne
Ranganna
Seirbhísí Gaeilge do Scoileanna
Cearta
Acht na dTeangacha Oifigiúla 2003
Cairt Eorpach do Theangacha Réigiúnacha & Mionlaigh
Straitéisí Gaeilge ó Thuaidh is ó Dheas
Seirbhísí ar fáil as Gaeilge
Glac Páirt sa Ghluaiseacht
Feachtasaíocht
Taighde Gaeilge
Ag úsáid Gaeilge le seirbhísí stáit
An Coimisinéir Teanga
6 fhorbairt teicneolaíoctha atá ó chainteoirí na Gaeilge
Fostaíocht
Gairmeacha le Gaeilge san Eoraip
Gairmeacha le Gaeilge in Éirinn
CV Samplach Gaeilge
Ag lorg poist leis an nGaeilge
Cé hiad na fostóirí Gaeilge is mó?
Comhairle agallaimh do phost le Gaeilge
Cúrsaí iarchéime Gaeilge do shaol an lae inniu
Cúrsaí bunchéime spéisiúla le Gaeilge
Folúntais
Físeáin: 'Do Ghairm le Gaeilge'
Leabhrán Ghairmeacha le Gaeilge
Nuacht
  • Baile
  • Náisiúnta
  • Johnson v Hunt – gan ach beirt fágtha i dtoghchán ceannaireachta na dTóraithe
<a-href="https://tuairisc.ie"-class="credit-tuairisc"-target="-blank"-rel="noopener-noreferrer"></a>-johnson-v-hunt-–-gan-ach-beirt-fagtha-i-dtoghchan-ceannaireachta-na-dtoraithe

Johnson v Hunt – gan ach beirt fágtha i dtoghchán ceannaireachta na dTóraithe

Boris Johnson nó Jeremy Hunt an chéad Phríomh-Aire eile a bheidh ar an mBreatain 

Is iad Johnson agus Hunt an t-aon bheirt atá fágtha i dtoghchán ceannaireachta na dTóraithe i ndiaidh an cúigiú babhta vótála.

Díbríodh as an rás sa bhabhta sin tráthnóna Michael Gove agus dhá vóta idir é féin agus Hunt.

Beidh Johnson agus Hunt anois á fhéachaint le chéile as seo go ceann míosa agus iad ag dul ó cheann ceann na tíre ag iarraidh vótaí a mhealladh ó bhaill a bpáirtí.

Is é Johnson rogha láidir na cotiantacha i gcónaí agus meastar gur ar éigean a chuirfear dá bhuille é.

160 vóta a fuair Johnson, an t-iar-rúnaí gnóthaí eachtracha, 75 a fuair Michael Gove an rúnaí timpeallachta agus 77 a fuair Jeremy Hunt.

Feisirí parlaiminte amháin a bhí ag vótáil sa toghchán go n-uige seo ach cuirfear tús an tseachtain seo chugainn le ballóid phoist i measc an thart ar 160,000 ball páirtí a roghnóidh an chéad cheannaire eile ar na Tóraithe.

Tá cuma dhochloíte ar Johnson le tamall agus údar iontais a bheadh ann murab é a bheidh ag déanamh ar uimhir 10 Shráid Downing an mhí seo chugainn.

Beidh lucht tacaíochta Hunt ag súil go gcuirfear breis brú feasta ar Johnson agus go mbeidh sé níos deacra aige cruacheisteanna a sheachaint agus gan fágtha sa rás ach beirt.

Cé go raibh an rúnaí timpeallachta Michael Gove taobh thiar den rúnaí gnóthaí eachtracha Jeremy Hunt sa chéad trí bhabhta vótála, d’imigh Gove oiread na fríde chun cinn ar Hunt sa cheathrú bhabhta ar maidin. D’éirigh le Hunt dul oiread na fríde chun cinn ar Gove arís tráthnóna agus scéalta sa treis go raibh cabhair aige ó lucht tacaíochta Johnson a thug a vótaí ‘ar iasacht’ dó le fáil réidh le Gove.

Meastar go raibh Johnson agus a lucht tacaíochta ag súil go mór gur Jeremy Hunt, a thiocfadh sa dara háit seachas an rúnaí timpeallachta, Michael Gove.

Tá a dhintiúir mar Bhreatimeachtóir diongbháilte cruthaithe go maith ag Gove agus bhí sé féin agus Johnson lárnach sa bhfeachtas reifrinn ar son an Bhreatimeachta.

Chomh maith leis tá nimh sna fheoil ag Johnson agus Gove dá chéile ó chuir Gove iarracht Johnson faoin gceannaireacht go tóin poill in 2016.

Cúpla uair an chloig roimh an spriocam d’ainmniúcháin sa toghchán deireanach sin, d’fhógair Gove, a bhí ina chathaoirleach ar fheachtas Johnson, go raibh faoi fhéin seasamh don cheannaireacht.

Mhol Hunt níos túisce inniu vótáil dó siúd chun go mbeadh aontas seachas coimhlint sa pháirtí.

Deirtear coitainta nach polaiteoir rómhealltach é Jeremy Hunt agus é ábhairín leamh agus neamhanamúil ina chur chuige. Is ón gcáil sin a fuair sé a leasainm óna chéilí comhraic, Theresa-in-trousers, nó ‘Tit’.

Deir a lucht tacaíochta gur polaiteoir stuama lách é a bhfuil taithí mhaith ar an idirbheartaíocht aige.

Bhí Hunt tráth ag iarraidh fanacht san AE ach in ainneoin a cháil mar dhuine nach bhfuil chomh neamhscrupallach le leithéidí Johnson, ní raibh aon fhadhb aige iompú ina Bhreatimeachtóir diongbháilte.

Fógrófar an ceannaire nua an tseachtain dár tús an 22 Iúil.

An Breatimeacht an t-ábhar cainte is mó sa toghchán ceannaireachta.

Tá ráite ag Jeremy Hunt nach gcuirfeadh sé síneadh ama eile ar an mBreatimeacht as an áireamh dá mba ghá a leithéid chun bailchríoch a chur ar mhargadh.

Tá ráite ag Boris Johnson, atá i bhfad chun tosaigh i rás na dTóraithe, go bhfuil sé meáite air go bhfágfadh an Bhreatain an AE faoi Shamhain.

Inné, dúirt Dominic Raab, an t-iar-rúnaí Breatimeachta, gur fhéach Johnson sa dá shúil air agus gur gheall sé dó go gcuirfeadh sé an Breatimeacht i bhfeidhm faoi Shamhain, ba chuma margadh a bheith déanta nó gan aon mhargadh a bheith déanta.

Deir daoine eile nach bhfuil aon gheallúint chinnte phoiblí tugtha ag Johnson i dtaobh na ceiste seo agus gur duine luaineach go maith é nárbh náir leis a intinn a athrú dá mba ghá.

Tuairiscítear chomh maith go bhfuil teachtaireachtaí éagsúla tugtha ag Johnson do dhaoine éagsúla ina pháirtí, ag brath ar dhearcadh na ndaoine sin faoin mBreatimeacht.

Níos mó

tuairisc.ie

Cláraigh do nuachtlitir PEIG

  • Conradh na Gaeilge
  • Foras na Gaeilge