Baile
Aoisghrúpaí
> 4 Bliain
Ainmneacha Gaeilge
Naíonraí
Ag úsáid Gaeilge le do pháistí
Ag tógáil páistí le Gaeilge taobh amuigh den Ghaeltacht
Ag Tógáil Páistí le Gaeilge sa Ghaeltacht
Tacaíocht, Seirbhísí agus Áiseanna
4 > 12 Bliain
Gaelscoileanna
Buntáistí Oideachais trí Ghaeilge
Coláistí Samhraidh
An Ghaelbhratach
Féilte
Tacaíocht, Seirbhísí agus Áiseanna
12 > 18 Bliain
Gaelcholáistí
Buntáistí Oideachais trí Ghaeilge
Coláistí Samhraidh
5 leid nuair atá tú ag dul chun na Gaeltachta
An Ghaelbhratach
Féilte
Ag úsáid d’ainm as Gaeilge
Tacaíocht, Seirbhísí agus Áiseanna
18 > 22 Bliain
Cumainn Ghaelacha & Aontais Mhac Léinn
Cúrsaí le Gaeilge ar an 3ú Leibhéal
Féilte
Tacaíocht, Seirbhísí agus Áiseanna
22+ Bliain
Gairmeacha le Gaeilge in Éirinn
Ag foghlaim na Gaeilge
Ranganna Gaeilge do Dhaoine Fásta
Glac Páirt sa Ghluaiseacht
Ciorcail Chomhrá | Caint & Comhrá
Féilte
Saoire sa Ghaeltacht
Tacaíocht, Seirbhísí agus Áiseanna
Ag labhairt Gaeilge le do gharpháistí
Pobal
Ciorcail Chomhrá | Caint & Comhrá
Sloinne
An Ghaeltacht
Grúpaí Pobail
Na Lárionaid Ghaeilge
Sloinne
Na Ceanneagraíochtaí
Féilte
Seachtain na Gaeilge le Energia
Imeachtaí Ardú Feasachta
Leabhair Ghaeilge
Podchraoltaí Gaeilge
An Chaint
Oifigigh Gaeilge i bhFeidhmeannacht na Seirbhíse Sláinte (FSS)
7 dtreoir le bheith níos sábháilte ar líne
Foghlaim
Ag foghlaim na Gaeilge
Naíonraí
Gaelcholáistí
Gaelscoileanna
An Ghaeilge i Scoileanna Béarla
Foghlaim Gaeilge mar dhuine fásta
Téarmaíocht agus Gramadach ar líne
Ranganna
Seirbhísí Gaeilge do Scoileanna
Cearta
Acht na dTeangacha Oifigiúla 2003
Cairt Eorpach do Theangacha Réigiúnacha & Mionlaigh
Straitéisí Gaeilge ó Thuaidh is ó Dheas
Seirbhísí ar fáil as Gaeilge
Glac Páirt sa Ghluaiseacht
Feachtasaíocht
Taighde Gaeilge
Ag úsáid Gaeilge le seirbhísí stáit
An Coimisinéir Teanga
6 fhorbairt teicneolaíoctha atá ó chainteoirí na Gaeilge
Fostaíocht
Gairmeacha le Gaeilge san Eoraip
Gairmeacha le Gaeilge in Éirinn
CV Samplach Gaeilge
Ag lorg poist leis an nGaeilge
Cé hiad na fostóirí Gaeilge is mó?
Comhairle agallaimh do phost le Gaeilge
Cúrsaí iarchéime Gaeilge do shaol an lae inniu
Cúrsaí bunchéime spéisiúla le Gaeilge
Folúntais
Físeáin: 'Do Ghairm le Gaeilge'
Leabhrán Ghairmeacha le Gaeilge
Nuacht
<a-href="https://nos.ie"-class="credit-nos"-target="-blank"-rel="noopener-noreferrer"></a>-ar-chul-an-albaim…

Ar chúl an albaim…

Full Circle is teideal d’albam úr J Majik (James Spratling), fear a bhain cáil amach mar léiritheoir ceoil druma is doird le linn na 90idí as rianta eisithe ar scoth na lipéad mar Metalheadz, Reinforced agus Mo’ Wax.

Taobh le leithéidí Marcus Intalex agus High Contrast, bhí Spratling i measc na léiritheoirí a thug ceol druma agus doird i dtreo níos anamúla, leachtaí ag tús an chéid seo. Bhain a shingil ‘Love Is Not A Game’, i dteannta Kathy Brown, cairt Top 50 na singlí amach in 2001, agus an bhliain chéanna ainmníodh athmheascán dochloíte Spratling de ‘Spaced Invader’ le Hatiras mar Rian na Bliana ag na UK Drum & Bass Awards.

Spreagtha ag oíche a chaith sé sa chlub oíche druma agus doird Rupture in London anuraidh, nuair a bhlais Spratling d’atmaisféar nach bhfaca sé ó na 90idí, is sár-albam é Full Circle a thugann ómós d’fhuaim dhraíochtúil ceoil jungle/D&B na 90idí. Fear ag aimsiú na cúise gur thosnaigh sé i mbun ceol a chumadh an chéad lá riamh atá le clos – tar éis dá leanaí, a bhí tar éis é a Ghoogláil, fiafraí dó cén fáth ná raibh aon rud eisithe le deich mbliana aige.

“Buíochas as deis a thabhairt dom chun roinnt de
na ceirníní a spreag i mbun ceoil mé an chéad lá a roinnt libh,” a dúirt Spratling
agus é ag caint le NÓS, “cinn a bhí i gcúl mo chinn i gcónaí faid is a bhí an t-albam
nua á dhéanamh agam.”

“Theastaigh uaim go mbeadh aistear ceoil i gceist
le Full Circle, agus dá bharr sin is píosaí ceoil iad na cinn sa rogha
seo a thugann mise ar thuras. Táim ag éisteacht le cuid acu le tríocha bliain
anuas.”


1. The Black Dog – ‘Virtual’ (General Production
Records, 1991)

Ceann de na chéad cheirníní a cheannaigh mé riamh,
agus caithfidh go bhfuil éiste agam leis os cionn 100 uair. Bhí an rian seo ar
cheann de na cúiseanna dom titim i ngrá le ceol agus mé dhá bhliain déag
d’aois. Bhí an t-ádh liom go raibh meantóir agam a chuir ar an eolas mé faoin
gceol a bhí ag teacht as Detroit, Chicago agus an Ghearmáin ag an am. Is breá
liom an chumhacht a bhí ag an gceol teicneo a bhíodh a eisiúint ag an am sin
corraí a bhaint asat, agus chomh heachtrúil is a bhí na breaks,
buillí, a d’úsáidtí. Ba mhór an ionspráid Black Dog dom, agus ba chéim mhór
chun cinn í ‘Virtual’ ó thaobh úsáid na mbreaks agus dearadh fuaime de.


2. Inner City – ‘Good Life’ (10 Records, 1988)

Seoid ó stábla Kevin Saunderson. Ceann de na
ceirníní rince is fearr a eisíodh riamh, agus ceann de na chéad rianta sa
seánra house a bhain áit go hard i gcairt na singlí amach.  Rian a thugann ardú meanman duit, agus port a
bhfuil an-stíl ag baint leis. Bhíos i gcónaí ana-thógtha leis na rapanna
méarchláir atá le clos ar an gceirnín seo, agus tá an fhonnadóireacht gan
cháim. Tá gach gné den bport seo ceannródaíoch, is beidh sé ina mhór-rian go
deo.


3. Internal Affairs – ‘Shinin’ Down On Me’
(Reinforced, 1993)

Bhí Dego agus Marc Mac (4-Hero) cheirníní Reinforced freagrach as an oiread sin ceoil iontaigh idir tús agus lár na 90idí. Is dóigh liom go gcruthaítear rud fíorspeisialta ar an bport seo leis an amhránaíocht fhíneálta agus glór na sreang. B’fhurasta stíl shuaithinseach na beirte a aithint siar ag tús ré an cheoil jungle.


4. Deadmau5 – ‘Strobe’ (Mau5trap, 2009)

Domsa, tá an port seo ar cheann de na mór-rianta rince nua-aimseartha is fearr a chum éinne riamh. Ginias é Joel. Tá an lámh in uachtar aige thar an gcuid eile againn toisc a inniúlacht theicniúil agus cumas na cumadóireachta atá ann, rud nach bhfuil ceart ná cóir! Tugann rianta áirithe ar aistear thú, agus tá seo ar cheann de na cinn is fearr acu. Creidim dáiríre go dtabharfaidh an rian seo go domhan eile thú má scaoileann tú leis. Píosa ar féidir éisteacht is tú ag staidéar, ag machnamh, ag rince – pé rud is maith leat féin.


5. Truth – 
‘The End’ (Funky Groove Records, 1992)

Ceirnín álainn teicneo ó dhuine de mháistrí na
stíle, Mark Goddard. Ar nós rud as domhan eile. Tá na cordaí chomh teolaí, agus
tá an ceol féin lán dóchais. Rian iontach atá ina cheacht ann féin.


6. Pat Metheny & Lyle Mays – ‘September
Fifteenth’ (ECM, 1981)

Is breá liom snagcheol agus ceol atmaisféir. As
domhan eile don mbeirt seo. Táid ag tarraingt as tobar cruthaitheach a bhfuil
fáil ag na déithe ceoil amháin air. 
Domsa, duine é Lyle Mays de na pianódóirí is fearr atá fós linn.
Mholfainn d’éinne freastal ar cheolchoirm dá chuid, fiú muna dtaitníonn
snagcheol leat.

Tá an rian seo thar a bheith corraitheach,
beagáinín brónach fiú, ach tá dóchas ann, freisin, á fhágann sásta ag deireadh
an lae thú.


7. Apollo Two – ‘Atlantis (I Need You)’ (LTJ Bukem
Remix) (Good Looking Records, 1993)

Mór-rian jungle/D&B a leag síos an tslí a bheadh cúrsaí do thús na 90idí. Port é a spreag glúin léiritheoirí, mé féin san áireamh, chun ceol a dhéanamh a bhféadfaí casadh sa chlub chun daoine a chur ag rince a thabharfadh ar aistear ceoil thú, freisin, dá n-éistfeá leis ar na cluasáin nó sa mhótar.  Faoin am a thuirlingíonn na cordaí tar éis an tseolta isteach fada sin tá tú faoi gheasa cheana féin ag na buillí amen. Ceann é de na nóiméid i gceirnín D&B is fearr a thaitin liom riamh.


Éist le seinnliosta Spotify J Majik anseo.

Full Circle le J Majik le fáil anois ar cheirníní Infrared.

Níos mó

Cláraigh do nuachtlitir PEIG

  • Conradh na Gaeilge
  • Foras na Gaeilge