Baile
Aoisghrúpaí
> 4 Bliain
Ainmneacha Gaeilge
Naíonraí
Ag úsáid Gaeilge le do pháistí
Ag tógáil páistí le Gaeilge taobh amuigh den Ghaeltacht
Ag Tógáil Páistí le Gaeilge sa Ghaeltacht
Tacaíocht, Seirbhísí agus Áiseanna
4 > 12 Bliain
Gaelscoileanna
Buntáistí Oideachais trí Ghaeilge
Coláistí Samhraidh
An Ghaelbhratach
Féilte
Tacaíocht, Seirbhísí agus Áiseanna
12 > 18 Bliain
Gaelcholáistí
Buntáistí Oideachais trí Ghaeilge
Coláistí Samhraidh
5 leid nuair atá tú ag dul chun na Gaeltachta
An Ghaelbhratach
Féilte
Ag úsáid d’ainm as Gaeilge
Tacaíocht, Seirbhísí agus Áiseanna
18 > 22 Bliain
Cumainn Ghaelacha & Aontais Mhac Léinn
Cúrsaí le Gaeilge ar an 3ú Leibhéal
Féilte
Tacaíocht, Seirbhísí agus Áiseanna
22+ Bliain
Gairmeacha le Gaeilge in Éirinn
Ag foghlaim na Gaeilge
Ranganna Gaeilge do Dhaoine Fásta
Glac Páirt sa Ghluaiseacht
Ciorcail Chomhrá | Caint & Comhrá
Féilte
Saoire sa Ghaeltacht
Tacaíocht, Seirbhísí agus Áiseanna
Ag labhairt Gaeilge le do gharpháistí
Pobal
Ciorcail Chomhrá | Caint & Comhrá
Sloinne
An Ghaeltacht
Grúpaí Pobail
Na Lárionaid Ghaeilge
Sloinne
Na Ceanneagraíochtaí
Féilte
Seachtain na Gaeilge le Energia
Imeachtaí Ardú Feasachta
Leabhair Ghaeilge
Podchraoltaí Gaeilge
An Chaint
Oifigigh Gaeilge i bhFeidhmeannacht na Seirbhíse Sláinte (FSS)
7 dtreoir le bheith níos sábháilte ar líne
Foghlaim
Ag foghlaim na Gaeilge
Naíonraí
Gaelcholáistí
Gaelscoileanna
An Ghaeilge i Scoileanna Béarla
Foghlaim Gaeilge mar dhuine fásta
Téarmaíocht agus Gramadach ar líne
Ranganna
Seirbhísí Gaeilge do Scoileanna
Cearta
Acht na dTeangacha Oifigiúla 2003
Cairt Eorpach do Theangacha Réigiúnacha & Mionlaigh
Straitéisí Gaeilge ó Thuaidh is ó Dheas
Seirbhísí ar fáil as Gaeilge
Glac Páirt sa Ghluaiseacht
Feachtasaíocht
Taighde Gaeilge
Ag úsáid Gaeilge le seirbhísí stáit
An Coimisinéir Teanga
6 fhorbairt teicneolaíoctha atá ó chainteoirí na Gaeilge
Fostaíocht
Gairmeacha le Gaeilge san Eoraip
Gairmeacha le Gaeilge in Éirinn
CV Samplach Gaeilge
Ag lorg poist leis an nGaeilge
Cé hiad na fostóirí Gaeilge is mó?
Comhairle agallaimh do phost le Gaeilge
Cúrsaí iarchéime Gaeilge do shaol an lae inniu
Cúrsaí bunchéime spéisiúla le Gaeilge
Folúntais
Físeáin: 'Do Ghairm le Gaeilge'
Leabhrán Ghairmeacha le Gaeilge
Nuacht
  • Baile
  • Náisiúnta
  • Ba cheart bunús eolaíoch a bheith le leasuithe ar chóras na díolúine, ní ‘tacaíocht an phobail’ –Ó Duibhir
<a-href="https://tuairisc.ie"-class="credit-tuairisc"-target="-blank"-rel="noopener-noreferrer"></a>-ba-cheart-bunus-eolaioch-a-bheith-le-leasuithe-ar-choras-na-dioluine,-ni-‘tacaiocht-an-phobail’-–o-duibhir

Ba cheart bunús eolaíoch a bheith le leasuithe ar chóras na díolúine, ní ‘tacaíocht an phobail’ –Ó Duibhir

Tá ráite ag an saineolaí oideachais an tOllamh Pádraig Ó Duibhir go bhfuil dualgas ar an Roinn Oideachais a léiriú go bhfuil “bunús oideachasúil, eolaíoch” leis an gcóras nua díolúintí atá le tabhairt isteach acu agus nach bhfuil sé “maith go leor” a rá go bhfuil an córas sin ag teacht le tuairimí an phobail.

Dúirt Ó Duibhir nach bhfuil cruthaithe go dtí seo ag an Roinn go bhfuil bunús eolaíoch leis na leasuithe atá molta ar chóras na diolúine don Ghaeilge agus gur cheart dá réir an tuarascáil faoin gcinneadh a fhoilsiú sular seolfar na ciorcláin nua i dtaobh an chórais amach go dtí na scoileanna.

Tá conspóid faoi na leasuithe a d’fhógair an tAire Oidechais, Joe McHugh, le déanaí ar chóras dhíolúine na Gaeilge, leasuithe atá le cur i bhfeidhm an mhí seo chugainn.

Deir saineolaithe áirithe  gur a thuilleadh díolúintí a bheidh mar thoradh ar na leasuithe.

Mar fhreagra ar an gcáineadh atá déanta ar an gcóras nua, dúirt an Roinn Oideachais le Tuairisc.ie go bhfuil ag teacht cuid mhór” lena raibh le rá ag an mbreis is 11,000 duine a d’fhreagair suirbhé na Roinne faoin díolúine.

Dúirt an tOllamh Ó Duibhir, a chreideann go raibh an suirbhé sin claonta i dtreo mholtaí na Roinne, le Tuairisc.ie gur dóigh leis nach bhfuil sé “maith go leor” a rá gur thacaigh formhór na ndaoine a ghlac páirt sa chomhairliúchán leis na hathruithe. “Bunús oideachasúil, eolaíoch” a theastaigh don athrú, a dúirt sé.

Toisc nach bhfuil an tuarascáil chomhairliúcháin feicthe ag an bpobal go fóill, deir an tOllamh Ó Duibhir nach fios an ndearnadh athbhreithniú ar bhonn oideachasúil agus eolaíoch ar an gcóras mar a bhí. Ní léir ach oiread, a dúirt sé, ar scrúdaíodh cén réiteach ab fhearr a bhí ann do scoláirí a bhfuil riachtanais speisialta oideachais acu.

Tá achainí déanta arís ag an Ollamh Ó Duibhir, leas-dhéan Institiúid Oideachais Ollscoil Chathair Bhaile Átha Cliath, ar an Roinn Oideachais an tuarascáil a fhoilsiú an tseachtain seo sula rachaidh na treoracha nua amach go dtí na scoileanna.

Tá ráite ag an Roinn Oideachais go bhfoilseofar an tuarascáil a d’eascair as an phróiseas chomhairliúchán a reáchtáil an Roinn Oideachais faoi chóras na ndíolúintí sa chéad dá sheachtain den mhí seo chugainn.

Cuirfear na ciorcláin agus na treoirlínte nua maidir le díolúine na Gaeilge amach chuig na scoileanna ag an am céanna.

Maíonn an Roinn Oideachais gur rud “annamh” agus “eisceachtúil” a bheidh feasta i ndíolúine ó staidéar na Gaeilge de bharr na n-athruithe ar an chóras. Ach teastaíonn ‘cruinnmhíniú’ ó oifigigh na Roinne ar a bhfuil i gceist acu le ‘annamh’ agus ‘eisceachtúil, dar leis an Olamh Ó Duibhir.

Dar le Ó Duibhir agus a chomhghleacaithe in SEALBHÚ, Lárionad Taighde DCU um Fhoghlaim agus Teagasc na Gaeilge, a chuir aighneacht isteach mar chuid den phróiseas comhairliúchán, go mbeadh gá le díolúine ó staidéar na Gaeilge i gcásanna annamh agus eisceachtúla, rud a tharlódh i gcás 2% nó 3% de dhaltaí ardteiste, dar leo.

8-9% de dhaltaí a bhí ag fáil díolúine faoin gcóras atá á leasú ag an Roinn, ach measann Ó Duibhir agus na saineolaithe eile go dtiocfaidh ardú ar an bhfigiúr sin faoin gcóras nua.”

Níos mó

tuairisc.ie

Cláraigh do nuachtlitir PEIG

  • Conradh na Gaeilge
  • Foras na Gaeilge