Baile
Aoisghrúpaí
> 4 Bliain
Ainmneacha Gaeilge
Naíonraí
Ag úsáid Gaeilge le do pháistí
Ag tógáil páistí le Gaeilge taobh amuigh den Ghaeltacht
Ag Tógáil Páistí le Gaeilge sa Ghaeltacht
Tacaíocht, Seirbhísí agus Áiseanna
4 > 12 Bliain
Gaelscoileanna
Buntáistí Oideachais trí Ghaeilge
Coláistí Samhraidh
An Ghaelbhratach
Féilte
Tacaíocht, Seirbhísí agus Áiseanna
12 > 18 Bliain
Gaelcholáistí
Buntáistí Oideachais trí Ghaeilge
Coláistí Samhraidh
5 leid nuair atá tú ag dul chun na Gaeltachta
An Ghaelbhratach
Féilte
Ag úsáid d’ainm as Gaeilge
Tacaíocht, Seirbhísí agus Áiseanna
18 > 22 Bliain
Cumainn Ghaelacha & Aontais Mhac Léinn
Cúrsaí le Gaeilge ar an 3ú Leibhéal
Féilte
Tacaíocht, Seirbhísí agus Áiseanna
22+ Bliain
Gairmeacha le Gaeilge in Éirinn
Ag foghlaim na Gaeilge
Ranganna Gaeilge do Dhaoine Fásta
Glac Páirt sa Ghluaiseacht
Ciorcail Chomhrá | Caint & Comhrá
Féilte
Saoire sa Ghaeltacht
Tacaíocht, Seirbhísí agus Áiseanna
Ag labhairt Gaeilge le do gharpháistí
Pobal
Ciorcail Chomhrá | Caint & Comhrá
Sloinne
An Ghaeltacht
Grúpaí Pobail
Na Lárionaid Ghaeilge
Sloinne
Na Ceanneagraíochtaí
Féilte
Seachtain na Gaeilge le Energia
Imeachtaí Ardú Feasachta
Leabhair Ghaeilge
Podchraoltaí Gaeilge
An Chaint
Oifigigh Gaeilge i bhFeidhmeannacht na Seirbhíse Sláinte (FSS)
7 dtreoir le bheith níos sábháilte ar líne
Foghlaim
Ag foghlaim na Gaeilge
Naíonraí
Gaelcholáistí
Gaelscoileanna
An Ghaeilge i Scoileanna Béarla
Foghlaim Gaeilge mar dhuine fásta
Téarmaíocht agus Gramadach ar líne
Ranganna
Seirbhísí Gaeilge do Scoileanna
Cearta
Acht na dTeangacha Oifigiúla 2003
Cairt Eorpach do Theangacha Réigiúnacha & Mionlaigh
Straitéisí Gaeilge ó Thuaidh is ó Dheas
Seirbhísí ar fáil as Gaeilge
Glac Páirt sa Ghluaiseacht
Feachtasaíocht
Taighde Gaeilge
Ag úsáid Gaeilge le seirbhísí stáit
An Coimisinéir Teanga
6 fhorbairt teicneolaíoctha atá ó chainteoirí na Gaeilge
Fostaíocht
Gairmeacha le Gaeilge san Eoraip
Gairmeacha le Gaeilge in Éirinn
CV Samplach Gaeilge
Ag lorg poist leis an nGaeilge
Cé hiad na fostóirí Gaeilge is mó?
Comhairle agallaimh do phost le Gaeilge
Cúrsaí iarchéime Gaeilge do shaol an lae inniu
Cúrsaí bunchéime spéisiúla le Gaeilge
Folúntais
Físeáin: 'Do Ghairm le Gaeilge'
Leabhrán Ghairmeacha le Gaeilge
Nuacht
  • Baile
  • Náisiúnta
  • Faisnéis nua faoin nGaeilge sa teaghlach le fáil ó Dhaonáireamh 2021
<a-href="https://tuairisc.ie"-class="credit-tuairisc"-target="-blank"-rel="noopener-noreferrer"></a>-faisneis-nua-faoin-ngaeilge-sa-teaghlach-le-fail-o-dhaonaireamh-2021

Faisnéis nua faoin nGaeilge sa teaghlach le fáil ó Dhaonáireamh 2021

Tá plé á dhéanamh ag Tuismitheoirí na Gaeltachta leis an CSO faoi bhealach úr le heolas a fháil faoi líon na dteaghlach ina bhfuil an Ghaeilge ina príomhtheanga.

Beidh cruinniú ag an eagraíocht Tuismitheoirí na Gaeltachta le hionadaithe ón bPríomh-Oifig Staidrimh an mhí seo chugainn le plé a dhéanamh faoi conas eolas a fháil faoi líon na dteaghlach atá ag tógáil a gclann le Gaeilge agus na háiteanna ina bhfuil na teaghlaigh sin lonnaithe.

Deimhnigh an CSO go mbainfear as an daonáireamh a reáchtálfar sa bhliain 2021 faisnéis nua faoi theaghlaigh atá ag tógáil a gclann le Gaeilge.

Cé gur fhógair an CSO i mí Iúil nach mbeadh ceist shonrach faoin nGaeilge mar phríomhtheanga bhaile san áireamh sa daonáireamh sin, tá bealach faoi conas an t-eolas sin a bhailiú ó na ceisteanna a chuirfear in 2021 á phlé acu le Tuismitheoirí na Gaeltachta.

Rinneadh tástáil ar cheist ar leith faoin nGaeilge mar phríomhtheanga an teaghlaigh i suirbhé píolótach a reáchtáil an Phríomh-Oifig Staidrimh anuraidh ach cinneadh nach mbeadh sé cuí an cheist a chur san áireamh sa daonáireamh féin de bharr a laghad daoine a dúirt gurbh í an Ghaeilge teanga an tí acu.

Rinne Tuismitheoirí na Gaeltachta teagmháil leis an Phríomh-Oifig Staidrimh

lena ‘díomá’ a léiriú faoin scéala nach mbeadh ceist faoin nGaeilge sa teaghlach

san áireamh sa chéad daonáireamh eile. Dúirt an eagraíocht Ghaeltachta go raibh ‘imní’ orthu faoin bpróiseas tástála a bhain leis an gceist.

Ní raibh ach ceantar amháin atá aitheanta mar Ghaeltacht san áireamh sa suirbhé píolótach – Baile Chláir i gCo na Gaillimhe.

Thug an Phríomh-Oifig Staidrimh le fios go mbeidís “breá sásta oibriú as lámh a chéile le Tuismitheoirí na Gaeltachta” chun sonraí nua a chur ar fáil faoi theaghlaigh “ina dtugann idir thuismitheoirí agus pháistí le fios ar a bhfoirmeacha daonáirimh go labhraíonn siad Gaeilge”.

Beidh an t-eolas seo ar fáil mar thoradh ar cheist bhreise faoi chumas Gaeilge a chuirfear i nDaonáireamh 2021. Deir an Phríomh-Oifig Staidrimh gur “féidir na sonraí seo a chur ar fáil de réir ceantair gheografacha freisin, ceantair Ghaeltachta mar shampla, dá mbeadh gá leis”.

Agus í an cur fáilte roimh an scéala dúirt Sorcha Ní Chéilleachair, Ceannasaí Thuismitheoirí na Gaeltachta, go gcabhróidh an t-eolas go mór leo ina gcuid oibre cé “go mb’fhearr go mór” dá mbeadh an cheist a bhí beartaithe ar dtús faoi theanga an teaghlaigh san áireamh sa daonáireamh.

Deir Sorcha Ní Chéilleachair go bhfuil Tuismitheoirí na Gaeltachta agus an próiseas pleanála teanga i gcoitinne “ag obair i bhfolús” mar nach bhfuil aon “bhonnlíne” ann ó thaobh líon na dteaghlach atá ag tógáil a gclann le Gaeilge.

“Níl aon fhoinse eolais uile-Ghaeltachta nó náisiúnta ar fáil faoi líon na dteaghlach arbh í an Ghaeilge a dteanga baile agus nuair nach bhfuil sin ar fáil cá bhfios dúinn cé chomh maith nó chomh olc atá cúrsaí nó cén tionchar atá agus a bheidh ag obair na heagraíochta nó obair na pleanála teanga ar theaghlaigh?” a dúirt sí.

Mhol Sorcha Ní Chéilleachair an Phríomh-Oifig Staidrimh agus a dearcadh i leith na ceiste seo. “Thuig siad an imní agus díomá a bhí orainn agus tá iarrachtaí ar bun acu dá stuaim féin an t-eolas a chur ar fáil. Ní minic a léirítear an meas seo ar cheist na Gaeilge agus na Gaeltachta,” a dúirt sí.

Bhí amhras ar Thuismitheoirí na Gaeltachta faoi Bhaile Chláir a bheith ar an aon cheantar sa Ghaeltacht a bhí curtha san áireamh san suirbhé píolótach.

“Le tástáil cheart a dhéanamh ar cheist dá leithéid, táimidne den dtuairim go gcaithfí é a dhéanamh i gceantar a mbeadh líon ard go maith de chainteoirí laethúla Gaeilge ann. Baile Chláir an t-aon cheantar Gaeltachta a bhí san áireamh sa suirbhé píolótach agus cé go dtuigimid go bhfuil an-obair ar siúl sa cheantar sin, ní féidir a rá go bhfuil líon ard de chainteoirí laethúla Gaeilge ann faoi láthair,” a deir Ceannasaí Thuismitheoirí na Gaeltachta.

Mhínigh an Phríomh-Oifig Staidrimh gurb é “a bpríomhchuspóir” teacht “ar shamplaí atá ionadaíoch ar an daonra iomlán”. Míníodh go raibh nithe eile san áireamh chomh maith leis an nGaeilge agus ceantair á roghnú acu don suirbhé samplach.

Beidh ceist nua amháin faoin nGaeilge á cur i nDaonáireamh 2021 – focheist nua faoi líofacht na Gaeilge.

Sa daonáireamh mar atá, cuirtear ceist ar dhaoine an bhfuil Gaeilge acu agus cuirtear ceist eile faoi cé chomh minic is a labhraíonn siad í.

Sa chéad daonáireamh eile beidh focheist eile ann faoi labhairt na Gaeilge – ‘cé chomh maith is a labhraíonn tú í?’. Beidh trí rogha ag duine mar fhreagra ar an gceist sin ‘an-mhaith’, ‘go maith’ nó ‘ar éigean’.

Tá an CSO ag súil go gcuideoidh an cheist seo le tuiscint níos fearr a fháil “ar úsáid na teanga agus líofacht na teanga i measc an daonra”.

Níos mó

tuairisc.ie

Cláraigh do nuachtlitir PEIG

  • Conradh na Gaeilge
  • Foras na Gaeilge