Baile
Aoisghrúpaí
> 4 Bliain
Ainmneacha Gaeilge
Naíonraí
Ag úsáid Gaeilge le do pháistí
Ag tógáil páistí le Gaeilge taobh amuigh den Ghaeltacht
Ag Tógáil Páistí le Gaeilge sa Ghaeltacht
Tacaíocht, Seirbhísí agus Áiseanna
4 > 12 Bliain
Gaelscoileanna
Buntáistí Oideachais trí Ghaeilge
Coláistí Samhraidh
An Ghaelbhratach
Féilte
Tacaíocht, Seirbhísí agus Áiseanna
12 > 18 Bliain
Gaelcholáistí
Buntáistí Oideachais trí Ghaeilge
Coláistí Samhraidh
5 leid nuair atá tú ag dul chun na Gaeltachta
An Ghaelbhratach
Féilte
Ag úsáid d’ainm as Gaeilge
Tacaíocht, Seirbhísí agus Áiseanna
18 > 22 Bliain
Cumainn Ghaelacha & Aontais Mhac Léinn
Cúrsaí le Gaeilge ar an 3ú Leibhéal
Féilte
Tacaíocht, Seirbhísí agus Áiseanna
22+ Bliain
Gairmeacha le Gaeilge in Éirinn
Ag foghlaim na Gaeilge
Ranganna Gaeilge do Dhaoine Fásta
Glac Páirt sa Ghluaiseacht
Ciorcail Chomhrá | Caint & Comhrá
Féilte
Saoire sa Ghaeltacht
Tacaíocht, Seirbhísí agus Áiseanna
Ag labhairt Gaeilge le do gharpháistí
Pobal
Ciorcail Chomhrá | Caint & Comhrá
Sloinne
An Ghaeltacht
Grúpaí Pobail
Na Lárionaid Ghaeilge
Sloinne
Na Ceanneagraíochtaí
Féilte
Seachtain na Gaeilge le Energia
Imeachtaí Ardú Feasachta
Leabhair Ghaeilge
Podchraoltaí Gaeilge
An Chaint
Oifigigh Gaeilge i bhFeidhmeannacht na Seirbhíse Sláinte (FSS)
7 dtreoir le bheith níos sábháilte ar líne
Foghlaim
Ag foghlaim na Gaeilge
Naíonraí
Gaelcholáistí
Gaelscoileanna
An Ghaeilge i Scoileanna Béarla
Foghlaim Gaeilge mar dhuine fásta
Téarmaíocht agus Gramadach ar líne
Ranganna
Seirbhísí Gaeilge do Scoileanna
Cearta
Acht na dTeangacha Oifigiúla 2003
Cairt Eorpach do Theangacha Réigiúnacha & Mionlaigh
Straitéisí Gaeilge ó Thuaidh is ó Dheas
Seirbhísí ar fáil as Gaeilge
Glac Páirt sa Ghluaiseacht
Feachtasaíocht
Taighde Gaeilge
Ag úsáid Gaeilge le seirbhísí stáit
An Coimisinéir Teanga
6 fhorbairt teicneolaíoctha atá ó chainteoirí na Gaeilge
Fostaíocht
Gairmeacha le Gaeilge san Eoraip
Gairmeacha le Gaeilge in Éirinn
CV Samplach Gaeilge
Ag lorg poist leis an nGaeilge
Cé hiad na fostóirí Gaeilge is mó?
Comhairle agallaimh do phost le Gaeilge
Cúrsaí iarchéime Gaeilge do shaol an lae inniu
Cúrsaí bunchéime spéisiúla le Gaeilge
Folúntais
Físeáin: 'Do Ghairm le Gaeilge'
Leabhrán Ghairmeacha le Gaeilge
Nuacht
  • Baile
  • Colúin
  • Joe Kennedy III ag dul i dtreo toghchán Seanaid in Massachusetts
<a-href="https://tuairisc.ie"-class="credit-tuairisc"-target="-blank"-rel="noopener-noreferrer"></a>-joe-kennedy-iii-ag-dul-i-dtreo-toghchan-seanaid-in-massachusetts

Joe Kennedy III ag dul i dtreo toghchán Seanaid in Massachusetts

Is dóigh go bhfuil na sáiteáin a caitheadh lena uncail beagnach 60 bliain ó shin meabhraithe do Joe Kennedy III faoin tráth seo dá shaol. Ní haon dochar dó an t-eolas sin a bheith aige agus é ag tabhairt leidí go mbeidh sé ag fiach ar shuíochán i Seanad Stáit Aontaithe Mheiriceá an chéad bhliain eile. Amárach a dhéanfaidh sé an fógra oifigiúil.

Meabhraíodh dó sna nuachtáin i mBostún, fiú san Boston Globe, nuachtán a bhfuil cáil an liobrálachais air, nach bhfuil sé de cheart aige a bheith ag fiach ar shuíochán Seanaid ar an gcúis gur Cinnéideach é. Bheadh ar Joe Kennedy III, Seanadóir sóisearach pháirtí na nDaonlathach féin in Massachussets, Ed Markey, a chur as a bhróga i dtosach. Ní fhéadfaidh Joe Kennedy 3 dul san iomaíocht faoi bhratach na nDaonlathach i dtoghchán an tSeanaid in Massachusetts in 2020 mura n-éireoidh leis Markey, Gael-Mheiriceánach eile atá 73 anois, a leagan sna réamhbhabhtaí.

Tá cosúlachtaí idir é seo agus 1962.

Dúradh amach díreach le Ted Kennedy – Edward Moore Kennedy mar a baisteadh air – an uair sin nach raibh tada le maíomh aige ach an cháil a bhí ar a ainm. Bhí sé ina iomaíocht taobh istigh den Pháirtí Daonlathach in Massachusetts agus iarrthóir le roghnú leis an suíochán a bhíodh ag John F. Kennedy a líonadh. Bhí seisean an tráth sin ina Uachtarán san Teach Bán.

“If your name was Edward Moore, your candidacy would be a joke,” a dúirt fear darbh ainm Eddie McCormack as South Boston amach díreach le Ted (Edward Moore) Kennedy i ndíospóireacht teilifíse. Mac dearthár ab ea Eddie McCormack le Cathaoirleach Theach na nIonadaithe in Washington san am sin, John McCormack, agus bhí sé ina Ard-Aighne i Stát Massachusetts. Tá an sáiteán sin a chaith McCormack le Ted Kennedy beo fós i stair na polaitíochta i mBostún.

Ní hiad na focail cheannann chéanna atá á rá amach anois ach tá cuid den bhrí chéanna leo.

Ní hionann an dá chás.

30 bliain d’aois ar éigean a bhí Ted Kennedy i 1962. Seachas a bheith bainteach le feachtais a bheirt deartháireacha, ní raibh aon bhlas le maíomh aige as a chuid oibre don phobal. Tharla sé freisin go raibh sé admhaithe aige gur éirigh leis i scrúdú in Ollscoil Harvard de bharr a chuid caimiléireachta: bhí cóipeáil déanta aige ar fhreagraí. Beag beann air sin uilig, fuair Ted Kennedy a dhá oiread vótaí le McCormack san olltoghchán agus toghadh ina Sheanadóir é.

Ar ndóigh, an ginealas céanna atá go smior i Joe Kennedy III, an fear atá ag cuimhneamh ar chéim eile a ghlacadh. Is garmhac é Joe le hiarArd-Aighne Mheiriceá, Robert Kennedy, a feallmharaíodh in Los Angeles i 1968 agus é ag fiach ar ainmniúchán na nDaonlathach d’Uachtaránacht Mheiriceá. Bhí a athair, Joseph Kennedy 11, ina Fheisire Comhdhála do Mhassachusetts ó 1987 go dtí 1989. Tá Joe Kennedy III é féin ina Fheisire Comhdhála do Mhassachusetts ó 2013. Ar an Seanad – agus níos faide ná sin is dóigh – atá a chompás dírithe anois. Ocht mbliana déag agus fiche atá Joe Kennedy III.

Cé nach bhfuil aon ardstádas ag duine ar bith de na Cinnéidigh i bpolaitíocht Mheiriceá anois, tá aitheantas an-mhór ag an sloinne i gcónaí. Maireann cuid den draíocht a bhain leis an teaghlach agus tá scéal na gCinnéideach i mbéal chuid mhór den phobal fós, idir mhaith agus olc. Tá bás Shaoirse Kennedy-Hill, in aois a dá bhliain is fiche ag áras an teaghlaigh in Cape Cod mí ó shin, á chur anois leis na tragóidí eile a luaitear leis an teaghlach Gael-Mheiriceánach seo.

Ar ndóigh, tá an ciste mór airgid a bhunaigh sin-seanathair Joe Kennedy III (sean-Joseph Kennedy féin) acu go láidir i gcónaí. Ceaptar gur fiú cúpla scór milliún dollar Joe Kennedy III

Ní hé amháin go bhfuil buntáiste aige de bharr airgead a shin-seanathar ar thaobh na gCinnéideach, ach tá airgead ag teacht chuige freisin as uachtaí a shin-sin-seanathair ar an taobh eile, George Skakel. Ba é sin athair Ethel Skakel, bean chéile Robert Kennedy, an t-iarArd-Aighne a feallmharaíodh i 1968. Is é firinne an scéil, ach an oiread le go leor eile de na Cinnéidigh, nach mbeadh aon chall do Joe III aon lá oibre a dhéanamh an chuid eile dá shaol. Is díol spéise gurb í a mháthair mhór Ethel Skakel (bean chéile Bobby Kennedy), atá os cionn 90 bliain d’aois, an t-aon duine atá beo anois a bhí istigh i gcroílár an teaghlaigh sa tréimhse ar a dtugtaí ‘Camelot’ – ré órga na gCinnéideach. Ach thairis sin uilig, tá roinnt mhaith gníomhaíochta déanta ag Joe Kennedy III.

D’oibrigh sé mar ionchúisitheoir go dtí gur toghadh é ina Fheisire Comhdhála in 2013 agus d’oibrigh sé i measc na mbocht i Meiriceá Láir ar feadh cúpla bliain. Is cosúil go bhfuil luí láidir aige lena chúlra Éireannach agus cuireann sé suim in imeachtaí na nÉireannach in Massachusetts.

Ar an ardán náisiúnta, ba é a roghnaigh na Daonlathaigh le freagra a thabhairt ar óráid bhliantúil, nó ‘State of the Union’ an Uachtaráin Trump, anuraidh agus is mór an t-aitheantas é sin.

An éireoidh leis an gCinnéideach an Seanadóir Ed Markey a chur as a bhróga agus an éireodh leis suíochán Seanaid a bhuachan i mí na Samhna 2020?

Léirigh pobalbhreith amháin le deireanaí sa Boston Globe go bhfuil os cionn 40% den phobal fabhrach do Kennedy agus 25% fabhrach do Edmund Markey.

An bhfuil leide ar bith eile ag teastáil uaidh? Is ar éigean é.

Má éiríonn leis i measc na nDaonlathach, chuile sheans go dtabharfaidh Joe Kennedy III leis suíochán Seanaid in Massachusetts in 2020. Ina dhiaidh sin, cá bhfios?

Níos mó

Máirtín Ó Catháin

Cláraigh do nuachtlitir PEIG

  • Conradh na Gaeilge
  • Foras na Gaeilge