Baile
Aoisghrúpaí
> 4 Bliain
Ainmneacha Gaeilge
Naíonraí
Ag úsáid Gaeilge le do pháistí
Ag tógáil páistí le Gaeilge taobh amuigh den Ghaeltacht
Ag Tógáil Páistí le Gaeilge sa Ghaeltacht
Tacaíocht, Seirbhísí agus Áiseanna
4 > 12 Bliain
Gaelscoileanna
Buntáistí Oideachais trí Ghaeilge
Coláistí Samhraidh
An Ghaelbhratach
Féilte
Tacaíocht, Seirbhísí agus Áiseanna
12 > 18 Bliain
Gaelcholáistí
Buntáistí Oideachais trí Ghaeilge
Coláistí Samhraidh
5 leid nuair atá tú ag dul chun na Gaeltachta
An Ghaelbhratach
Féilte
Ag úsáid d’ainm as Gaeilge
Tacaíocht, Seirbhísí agus Áiseanna
18 > 22 Bliain
Cumainn Ghaelacha & Aontais Mhac Léinn
Cúrsaí le Gaeilge ar an 3ú Leibhéal
Féilte
Tacaíocht, Seirbhísí agus Áiseanna
22+ Bliain
Gairmeacha le Gaeilge in Éirinn
Ag foghlaim na Gaeilge
Ranganna Gaeilge do Dhaoine Fásta
Glac Páirt sa Ghluaiseacht
Ciorcail Chomhrá | Caint & Comhrá
Féilte
Saoire sa Ghaeltacht
Tacaíocht, Seirbhísí agus Áiseanna
Ag labhairt Gaeilge le do gharpháistí
Pobal
Ciorcail Chomhrá | Caint & Comhrá
Sloinne
An Ghaeltacht
Grúpaí Pobail
Na Lárionaid Ghaeilge
Sloinne
Na Ceanneagraíochtaí
Féilte
Seachtain na Gaeilge le Energia
Imeachtaí Ardú Feasachta
Leabhair Ghaeilge
Podchraoltaí Gaeilge
An Chaint
Oifigigh Gaeilge i bhFeidhmeannacht na Seirbhíse Sláinte (FSS)
7 dtreoir le bheith níos sábháilte ar líne
Foghlaim
Ag foghlaim na Gaeilge
Naíonraí
Gaelcholáistí
Gaelscoileanna
An Ghaeilge i Scoileanna Béarla
Foghlaim Gaeilge mar dhuine fásta
Téarmaíocht agus Gramadach ar líne
Ranganna
Seirbhísí Gaeilge do Scoileanna
Cearta
Acht na dTeangacha Oifigiúla 2003
Cairt Eorpach do Theangacha Réigiúnacha & Mionlaigh
Straitéisí Gaeilge ó Thuaidh is ó Dheas
Seirbhísí ar fáil as Gaeilge
Glac Páirt sa Ghluaiseacht
Feachtasaíocht
Taighde Gaeilge
Ag úsáid Gaeilge le seirbhísí stáit
An Coimisinéir Teanga
6 fhorbairt teicneolaíoctha atá ó chainteoirí na Gaeilge
Fostaíocht
Gairmeacha le Gaeilge san Eoraip
Gairmeacha le Gaeilge in Éirinn
CV Samplach Gaeilge
Ag lorg poist leis an nGaeilge
Cé hiad na fostóirí Gaeilge is mó?
Comhairle agallaimh do phost le Gaeilge
Cúrsaí iarchéime Gaeilge do shaol an lae inniu
Cúrsaí bunchéime spéisiúla le Gaeilge
Folúntais
Físeáin: 'Do Ghairm le Gaeilge'
Leabhrán Ghairmeacha le Gaeilge
Nuacht
  • Baile
  • Idirnáisiúnta
  • Díomá ar lucht scannáin nár roghnaíodh scannán Gaeilge le cur chun cinn do na gradaim Oscar
<a-href="https://tuairisc.ie"-class="credit-tuairisc"-target="-blank"-rel="noopener-noreferrer"></a>-dioma-ar-lucht-scannain-nar-roghnaiodh-scannan-gaeilge-le-cur-chun-cinn-do-na-gradaim-oscar

Díomá ar lucht scannáin nár roghnaíodh scannán Gaeilge le cur chun cinn do na gradaim Oscar

Tá lucht déanta an chéad fhadscannáin Ghaeilge a rinneadh faoin scéim Cine4 míshásta nár roghnaigh IFTA scannán Gaeilge le cur san iomaíocht ar son na hÉireann do ghradaim Oscar na bliana seo chugainn.

Ag labhairt di le Tuairisc.ie, dúirt an léiritheoir de chuid Abú Media, Eileen Seoighe a léirigh Finky gur “údar díomá” é don chomhlacht nár roghnaíodh scannán Gaeilge le cur chun cinn do na gradaim Oscar.

“Is údar díomá é nár roghnaíodh scannán Gaeilge i mbliana agus nach bhfuil IFTA ag tacú le scannán atá déanta inár dteanga féin.

“Ní bhaineann sé le hAraibis nó Fraincis nó aon teanga ar leith ach ba chóir go mbeadh ardán á thabhairt do scannán Gaeilge ag na gradaim Oscar, go háirithe agus níos mó scannán Gaeilge á ndéanamh faoin scéim Cine4,” a dúirt Seoighe.

An scannán faisnéise Gaza a roghnaigh IFTA mar iontráil na hÉireann don scannán is fearr i dteanga eile seachas an Béarla d’Oscair na bliana seo chugainn. In Araibis den chuid is mó atá Gaza.

Ní hé seo an chéad uair ar roghnaigh IFTA scannán i dteanga eile seachas an Ghaeilge do na gradaim seo. An scannán As If I Am Not There atá sa tSeirbea-Chróitis den chuid is mó a roghnaíodh in 2014, agus scannán Spáinnise Viva a bhí mar iontráil ar son na hÉireann in 2017.

Anuraidh roghnaíodh Song of Granite, scannán Gaeilge faoi shaol agus saothar an amhránaí Joe Éinniú agus bhí An Bronntanas, agus Kings i measc na scannán Gaeilge eile a roghnaíodh le blianta beaga anuas.

Dúirt Áine Moriarty, príomhfheidhmeannach IFTA gur scannán álainn é Gaza. Mhol sí na scannánóirí as “scéal fíordhaonna agus mothálach” a chur i láthair, agus as “léargas grinn a thabhairt ar shaol mhuintir Gaza”.

Tá ráite ag Ardstiúrthóir TG4 Alan Esslemont cheana féin gurb é mian an stáisiúin gradam Oscar a bhuachan agus nach bhfuil aon chúis nach bhféadfaí sin a dhéanamh.

Ag tagairt don scéim ‘Cine 4’ a bhí Esslemont, an comhfhiontar idir TG4, Bord Scannán na hÉireann agus an BAI a bhfuil faoi dhá fhadscannán Gaeilge a sholáthar in aghaidh na bliana.

€1.2 milliún a chuirtear ar fáil d’aon scannán a n-éiríonn leis faoin scéim.

Tá ainm nua ar an rannóg a thugann aitheantas do na fadscannáin atá i dteangacha eile seachas an Béarla. ‘An Scannán is Fearr i dTeanga Eachtrannach’ an t-ainm a bhíodh ar an rannóg sin ach cinneadh ag cruinniú boird na ngradam Oscar níos túisce i mbliana gur an ‘Fadscannán Idirnáisiúnta is Fearr’ a thabharfaí ar an rannóg sin feasta.

Fógrófar na scannáin atá ainmnithe ar fhadliostaí na Oscar roimh dheireadh na bliana agus roghnófar na scannán a bheidh ar na gearrliostaí i mí Eanáir.

Beidh ócáid bhronnta na Oscar ar siúl in Amharclann Dolby, in Hollywood Los Angeles, in California ar an 9 Feabhra 2020.

Tá díomá orainn gur thóg IFTA an cinneadh gan scannán #Gaeilge a roghnú ar son na hÉireann do ghradam Oscar i mbliana.

— FINKY (@MiciFinky) October 4, 2019

Mór an trua nach bhfuil IFTA sásta tacaíocht a thabhairt do scéim Cine4 agus ardán domhanda a thabhairt d’earnáil na scannánaíochta Gaeilge. Ar scáth a chéile a mhaireann muid. pic.twitter.com/BSLc6x1cUP

— FINKY (@MiciFinky) October 4, 2019

Níos mó

tuairisc.ie

Cláraigh do nuachtlitir PEIG

  • Conradh na Gaeilge
  • Foras na Gaeilge