Baile
Aoisghrúpaí
> 4 Bliain
Ainmneacha Gaeilge
Naíonraí
Ag úsáid Gaeilge le do pháistí
Ag tógáil páistí le Gaeilge taobh amuigh den Ghaeltacht
Ag Tógáil Páistí le Gaeilge sa Ghaeltacht
Tacaíocht, Seirbhísí agus Áiseanna
4 > 12 Bliain
Gaelscoileanna
Buntáistí Oideachais trí Ghaeilge
Coláistí Samhraidh
An Ghaelbhratach
Féilte
Tacaíocht, Seirbhísí agus Áiseanna
12 > 18 Bliain
Gaelcholáistí
Buntáistí Oideachais trí Ghaeilge
Coláistí Samhraidh
5 leid nuair atá tú ag dul chun na Gaeltachta
An Ghaelbhratach
Féilte
Ag úsáid d’ainm as Gaeilge
Tacaíocht, Seirbhísí agus Áiseanna
18 > 22 Bliain
Cumainn Ghaelacha & Aontais Mhac Léinn
Cúrsaí le Gaeilge ar an 3ú Leibhéal
Féilte
Tacaíocht, Seirbhísí agus Áiseanna
22+ Bliain
Gairmeacha le Gaeilge in Éirinn
Ag foghlaim na Gaeilge
Ranganna Gaeilge do Dhaoine Fásta
Glac Páirt sa Ghluaiseacht
Ciorcail Chomhrá | Caint & Comhrá
Féilte
Saoire sa Ghaeltacht
Tacaíocht, Seirbhísí agus Áiseanna
Ag labhairt Gaeilge le do gharpháistí
Pobal
Ciorcail Chomhrá | Caint & Comhrá
Sloinne
An Ghaeltacht
Grúpaí Pobail
Na Lárionaid Ghaeilge
Sloinne
Na Ceanneagraíochtaí
Féilte
Seachtain na Gaeilge le Energia
Imeachtaí Ardú Feasachta
Leabhair Ghaeilge
Podchraoltaí Gaeilge
An Chaint
Oifigigh Gaeilge i bhFeidhmeannacht na Seirbhíse Sláinte (FSS)
7 dtreoir le bheith níos sábháilte ar líne
Foghlaim
Ag foghlaim na Gaeilge
Naíonraí
Gaelcholáistí
Gaelscoileanna
An Ghaeilge i Scoileanna Béarla
Foghlaim Gaeilge mar dhuine fásta
Téarmaíocht agus Gramadach ar líne
Ranganna
Seirbhísí Gaeilge do Scoileanna
Cearta
Acht na dTeangacha Oifigiúla 2003
Cairt Eorpach do Theangacha Réigiúnacha & Mionlaigh
Straitéisí Gaeilge ó Thuaidh is ó Dheas
Seirbhísí ar fáil as Gaeilge
Glac Páirt sa Ghluaiseacht
Feachtasaíocht
Taighde Gaeilge
Ag úsáid Gaeilge le seirbhísí stáit
An Coimisinéir Teanga
6 fhorbairt teicneolaíoctha atá ó chainteoirí na Gaeilge
Fostaíocht
Gairmeacha le Gaeilge san Eoraip
Gairmeacha le Gaeilge in Éirinn
CV Samplach Gaeilge
Ag lorg poist leis an nGaeilge
Cé hiad na fostóirí Gaeilge is mó?
Comhairle agallaimh do phost le Gaeilge
Cúrsaí iarchéime Gaeilge do shaol an lae inniu
Cúrsaí bunchéime spéisiúla le Gaeilge
Folúntais
Físeáin: 'Do Ghairm le Gaeilge'
Leabhrán Ghairmeacha le Gaeilge
Nuacht
<a-href="https://nos.ie"-class="credit-nos"-target="-blank"-rel="noopener-noreferrer"></a>-pop-up-i-gcorcaigh-+-4-imeacht-eile!

Pop Up i gCorcaigh + 4 imeacht eile!

Pop Up Gaeltacht // An Balla, Corcaigh, Dé hAoine 25 Deireadh Fómhair @ 20:00

Beidh snagcheol go leor le clos ó dheas i gCorcaigh mar a bhíonn go hiondúil timpeall an ama seo den bhliain agus an fhéile cheoil ag díriú ar an stíl sin faoi lán tseoil.

Má bhíonn sibh sa taobh sin tíre, ar chúis amháin nó eile, bí ar an eolas faoi Phop Up Gaeltacht Chorcaí agus ócáid mhí Dheireadh Fómhair! Buailfidh lucht labhartha na teanga le chéile in An Balla, Cúirt Hanover, tráthnóna Aoine. Mura féidir leat a bheith i láthair, beidh tú in ann grianghraif ón ócáid a fheiscint ar a gcuid leathanach ar na meáin shóisialta – Instagram agus Facebook.


Éigse Chluainín // Cluainín, Co. Liatroma, 25-28 Deireadh Fómhair

An bhfuil trácht cloiste agaibh ar Éigse Chluainín? Is i gContae Liatroma a bheidh a leithéid ar bun – féile a mhairfidh ar feadh ceithre lá, an deireadh seachtaine fada seo romhainn! Tá meascán mearaí d’ócáidí le bheith ar bun sa taobh sin tíre.

Beidh an dráma Medea, (thuas, a rabhas ag trácht air an tseachtain seo caite), le feiscint; eagrófar Pop Up Gaeltacht i dtábhairne Hegarty’s; seolfar leabhair éagsúla agus beidh ranganna Gaeilge ar bun chomh maith. Mar chuid de Chabaret Chluainín, ar an Satharn, cloisfear ón gceoltóir Sive (príomh-íomhá), Grooveline, Acabella agus Máirtín Mac Con Iomaire. Tá siúlóid treoraithe beartaithe chomh maith, mar aon le seisiúin chócaireachta!

Tá an clár ina iomláine le feisicnt ach cuairt a thabhairt ar theglenscentre.com


Comóradh 50 bliain ar Shéamus Ó Grianna, ‘Máire’ // Rann na Feirste, Co. Dhún na nGall, 25-28 Deireadh Fómhair

Is in Áislann Rann na Feirste a bheidh comóradh á dhéanamh ar shaol agus ar shaothar an scríbhneora Séamus Ó Grianna, nó ‘Máire’ mar a thug sé air féin. Cailleadh an t-údar 50 bliain ó shin in 1969. I rith an deireadh seachtaine fada seo, bí ag súil le hoíche mhór dhrámaíochta ar an Aoine! Beidh aos óg na háite ar ardán, mar aon le Noel Ó Gallachóir le seó nuascríofa faoi shaol Mháire, agus cuirfidh Aisteoirí Rann na Feirste dráma bunaithe ar ghearrscéal dá chuid i láthair na ndaoine.

Nochtfar leac chuimhneacháin ag oscailt oifigiúil na féile, agus cloisfear léachtaí faoin bhfear é féin ó Chathal Goan, an tOllamh Nollaig Mac Congáil, an Dr. Tony Mac Ruairí agus Róise Ní Bhaoill, i measc daoine eile. Ní díreach caint a chloisfear ach ceol chomh maith, Dé Sathairn – le Muintir Uí Dhomhnaill: Tríona, Máighréad agus a gcuid cairde. Mura bhfuil sé ar bhur gcumas dul ó thuaidh, gheobhaidh sibh léargas ar Shéamus ar chlár faisnéise atá curtha le chéile ag Damien Ó Dónaill agus a chraolfar ar RTÉ Raidió na Gaeltachta inniu (Dé hAoine 25 DF) ag 14:00.


Seoladh albaim, Nicole Ní Dhubhshláine agus Kyle Macaulay // The Cobblestone, BÁC, Dé hAoine 25 Deireadh Fómhair @ 20:00

Is i gColáiste na hOllscoile i gCorcaigh a mhúnlaigh Nicole Ní Dhubhshláine agus Kyle Macaulay a gcaidreamh ceoil agus anois tá an bheirt tagtha le chéile chun a gcéad albam a sheoladh.

Is ó Chorca Dhuibhne do Nicole agus is as Dún na nGall do Kyle, agus stíleanna na n-áiteanna sin le sonrú ar rianta an dlúthdhiosca Barra Taoide/High Tides. Ní leo féin atá siad, le haoicheoltóirí agus cairde móra ina dteannta, leithéidí Hamish Napier, Colm Broderick, Paul McClure agus Lucia MacPartlin. Seoladh an t-albam i gCorcaigh i rith na seachtaine agus chuig Baile Átha Cliath a rachaidh siad Dé hAoine, mar a seolfar é i dtábhairne The Cobblestone i Margadh na Feirme; as sin chuig An Daingean leo, áit a mbeidh seoladh acu i dtigh tábhairne na Cúirte ar an 1 Samhain agus i Seisiún Fhánada i nDún na nGall i lár na míosa seo chugainn. Ádh mór orthu.


Comórtas Ceoil – The Fiddler of Dooney // Eaglais Mheitidisteach, Sráid an Fhíona, Sligeach, Dé Sathairn 26 DF @ 11:00 (sóisear); Dé Domhnaigh 27 DF @ 14:00 (sinsear)

Uair sa bhliain bronntar aitheantais ar fhidléirí a bhfuil cumas thar na bearta iontu ó thaobh an cheoil de. Is mar chuid den gcomórtas ar a dtugtar The Fiddler of Dooney a dhéantar amhlaidh.

Comórtas a eagraítear i Sligeach atá i gceist agus atá ainmnithe i ndiaidh an dáin a chum W.B. Yeats, a raibh ceangal mór aige leis an gcontae. Tá dhá chraobh i gceist agus dá réir bronnfar duaiseanna orthu siúd a bheidh buach i rannóg na sinsear agus na sóisear. Tá Cathal Hayden, Bríd Harper, Séamus agus Manus McGuire i measc na mbuaiteoirí le blianta beaga anuas. Cé a thabharfaidh an svae leo i mbliana? Neosfaidh an aimsir… gach rath ar na hiomaitheoirí ar fad!

Níos mó

Cláraigh do nuachtlitir PEIG

  • Conradh na Gaeilge
  • Foras na Gaeilge