Baile
Aoisghrúpaí
> 4 Bliain
Ainmneacha Gaeilge
Naíonraí
Ag úsáid Gaeilge le do pháistí
Ag tógáil páistí le Gaeilge taobh amuigh den Ghaeltacht
Ag Tógáil Páistí le Gaeilge sa Ghaeltacht
Tacaíocht, Seirbhísí agus Áiseanna
4 > 12 Bliain
Gaelscoileanna
Buntáistí Oideachais trí Ghaeilge
Coláistí Samhraidh
An Ghaelbhratach
Féilte
Tacaíocht, Seirbhísí agus Áiseanna
12 > 18 Bliain
Gaelcholáistí
Buntáistí Oideachais trí Ghaeilge
Coláistí Samhraidh
5 leid nuair atá tú ag dul chun na Gaeltachta
An Ghaelbhratach
Féilte
Ag úsáid d’ainm as Gaeilge
Tacaíocht, Seirbhísí agus Áiseanna
18 > 22 Bliain
Cumainn Ghaelacha & Aontais Mhac Léinn
Cúrsaí le Gaeilge ar an 3ú Leibhéal
Féilte
Tacaíocht, Seirbhísí agus Áiseanna
22+ Bliain
Gairmeacha le Gaeilge in Éirinn
Ag foghlaim na Gaeilge
Ranganna Gaeilge do Dhaoine Fásta
Glac Páirt sa Ghluaiseacht
Ciorcail Chomhrá | Caint & Comhrá
Féilte
Saoire sa Ghaeltacht
Tacaíocht, Seirbhísí agus Áiseanna
Ag labhairt Gaeilge le do gharpháistí
Pobal
Ciorcail Chomhrá | Caint & Comhrá
Sloinne
An Ghaeltacht
Grúpaí Pobail
Na Lárionaid Ghaeilge
Sloinne
Na Ceanneagraíochtaí
Féilte
Seachtain na Gaeilge le Energia
Imeachtaí Ardú Feasachta
Leabhair Ghaeilge
Podchraoltaí Gaeilge
An Chaint
Oifigigh Gaeilge i bhFeidhmeannacht na Seirbhíse Sláinte (FSS)
7 dtreoir le bheith níos sábháilte ar líne
Foghlaim
Ag foghlaim na Gaeilge
Naíonraí
Gaelcholáistí
Gaelscoileanna
An Ghaeilge i Scoileanna Béarla
Foghlaim Gaeilge mar dhuine fásta
Téarmaíocht agus Gramadach ar líne
Ranganna
Seirbhísí Gaeilge do Scoileanna
Cearta
Acht na dTeangacha Oifigiúla 2003
Cairt Eorpach do Theangacha Réigiúnacha & Mionlaigh
Straitéisí Gaeilge ó Thuaidh is ó Dheas
Seirbhísí ar fáil as Gaeilge
Glac Páirt sa Ghluaiseacht
Feachtasaíocht
Taighde Gaeilge
Ag úsáid Gaeilge le seirbhísí stáit
An Coimisinéir Teanga
6 fhorbairt teicneolaíoctha atá ó chainteoirí na Gaeilge
Fostaíocht
Gairmeacha le Gaeilge san Eoraip
Gairmeacha le Gaeilge in Éirinn
CV Samplach Gaeilge
Ag lorg poist leis an nGaeilge
Cé hiad na fostóirí Gaeilge is mó?
Comhairle agallaimh do phost le Gaeilge
Cúrsaí iarchéime Gaeilge do shaol an lae inniu
Cúrsaí bunchéime spéisiúla le Gaeilge
Folúntais
Físeáin: 'Do Ghairm le Gaeilge'
Leabhrán Ghairmeacha le Gaeilge
5 leid d'fhísagallaimh
Ceisteanna Coitianta
<a-href="https://tuairisc.ie"-class="credit-tuairisc"-target="-blank"-rel="noopener-noreferrer"></a>-52-fostai-breise-a-lorg-ag-udaras-na-gaeltachta-chun-a-gcuid-oibre-a-dheanamh-‘go-heifeachtach’

52 fostaí breise á lorg ag Údarás na Gaeltachta chun a gcuid oibre a dhéanamh ‘go héifeachtach’

Theastódh 52 ball foirne breise ó Údarás na Gaeltachta chun obair na heagraíochta a chur i gcrích.

Príomhfheidhmeannach an Údaráis, Mícheál Ó hÉanaigh,  a thug an méid sin le fios do bhord na heagraíochta ag cruinniú a bhí acu anuraidh.

De réir miontuairiscí cruinnithe atá faighte ag Tuairisc.ie faoin Acht Um Shaoráil Faisnéise, dúirt Stiúrthóir Seirbhísí Corparáideacha an Údaráis ag an gcruinniú céanna gur fhág deacrachtaí buiséid na heagraíochta go raibh go leor ama á chaitheamh ag an bhfoireann ag iarraidh teacht ar fhoinsí maoinithe eile “in áit a bheith ag cur straitéis” an Údaráis féin i bhfeidhm.

Dúirt an Príomhfheidhmeannach go raibh dualgas breise na pleanála teanga anois ar an Údarás.

Cé go raibh an dualgas sin á chomhlíonadh go “fonnmhar” acu, theastódh maoiniú agus foireann bhreise “le cúraimí reachtúla agus straitéis” na heagraíochta a chur i bhfeidhm “go héifeachtach”.

Dúirt an Príomhfheidhmeannach go raibh “an t-am ann” go raibh 156 duine ag obair in Údarás na Gaeltachta agus nach raibh fostaithe faoi láthair acu ach 89 duine. 52 duine breise a theastaigh, a dúirt ceannasaí an Údaráis.

“Is 141 fostaí buan, an líon fostaithe atá á éileamh chun dualgais agus straitéis na heagraíochta a bhaint amach agus tá an eagraíocht ag iarraidh go n-oibreofaí i dtreo na sprice sin,” a dúirt sé.

Thug an Príomhfheidhmeannach le fios chomh maith go raibh Comhairleoir fostaithe ag an Údarás chun Tuarascáil Pleanála d’Fhórsa Saothair a ullmhú a chuirfí faoi bhráid Roinn na Gaeltachta chun riachtanais fostaíochta na heagraíochta a léiriú.

Dúradh ag an gcruinniú de Bhord an Údaráis mí Iúil seo caite go raibh glactha anois leis go raibh ardú ar bhuiséad caipitil na heagraíochta fiontraíochta agus pleanála teanga ag teastáil go géar.

Bhí maoiniú breise  ag teastáil chun “cothabháil leanúnach” a dhéanamh ar mhaoin, ar fhoirgnimh agus ar chórais séarachais chun go mbeifí réidh le “deiseanna” cruthaithe post a thapú.

Mhaígh an Príomhfheidhmeannach go bhféadfaí 645 post breise a chruthú dá mbeadh an buiséad ar fáil chuige.

Dúradh chomh maith ag an gcruinniú go raibh “easnamh ar an gcuntas reatha le roinnt blianta anuas” de bharr titim ar an dteacht isteach ó chíos mar gheall ar dhíol maoine agus de bharr íocaíochtaí pinsin agus cnapshuimeanna.

Dúirt an Stiúrthóir Seirbhísí Corparáideacha gur bhain an “brú” ar an gcaiteachas reatha le harduithe pá “mar a bhí leagtha síos sna comhaontuithe pá (den chuid is mó)” agus leis an laghdú ar an dteacht isteach ó chíos.

Dúirt an Príomhfheidhmeannach  gur laghdú a tháinig ar an mbuiséad reatha nuair a chuirfí an boilsciú san áireamh.

Cé gur “cuidiú” an maoiniú breise a fuair an eagraíocht faoin gCiste Forbartha Fiontraíochta Réigiúnach agus an Coiste um Athghiniúint agus Forbairt Tuaithe in 2019, dúirt Mícheál Ó hÉanaigh nach raibh “dóthain” maoinithe fós ag an Údarás chun na tograí a bhí beartaithe aige a chur i gcrích.

D’aontaigh an bord go raibh “géarghá” le maoiniú agus foireann bhreise chun a chinntiú go bhféadfadh an eagraíocht a straitéis i leith na Gaeilge agus eacnamaíocht na Gaeltachta a chur i bhfeidhm.

Lean an plé faoin ngá le hardú buiséid ar aghaidh ag na cruinnithe eile a bhí ag bord an Údaráis in 2019.

€10 milliún an buiséad caipitil a ceadaíodh d’Údarás na Gaeltachta i mBuiséad 2020 a fógraíodh ag deireadh na bliana.

Méadú ab ea é ar an €9 milliún a fógraíodh sa bhuiséad agus sna meastacháin réamhbhuiséid an bhliain roimhe sin. Ach ó tharla gur tugadh €700,000 eile don eagraíocht in 2019 le caitheamh ar thograí caipitil, ní bheidh ach €300,000 níos mó le caitheamh acu in 2020.

€9.602 milliún an buiséad reatha a fógraíodh do riaradh na heagraíochta in 2020.

€16.5 milliún d’airgead caipitil a dúirt an tÚdarás a bhí riachtanach in 2020 agus €11.5 milliún a dúradh a bhí riachtanach mar bhuiséad reatha.

Nuair a fiafraíodh d’Údarás na Gaeltachta cheana faoin mbaol go mbeadh gá acu le ciorruithe a dhéanamh i mbliana, dúradh nach raibh aon ráiteas le déanamh acu faoin scéal “ag an tráth seo”.

Níos mó

tuairisc.ie

Cláraigh do nuachtlitir PEIG

  • Conradh na Gaeilge
  • Foras na Gaeilge