Baile
Aoisghrúpaí
> 4 Bliain
Ainmneacha Gaeilge
Naíonraí
Ag úsáid Gaeilge le do pháistí
Ag tógáil páistí le Gaeilge taobh amuigh den Ghaeltacht
Ag Tógáil Páistí le Gaeilge sa Ghaeltacht
Tacaíocht, Seirbhísí agus Áiseanna
4 > 12 Bliain
Gaelscoileanna
Buntáistí Oideachais trí Ghaeilge
Coláistí Samhraidh
An Ghaelbhratach
Féilte
Tacaíocht, Seirbhísí agus Áiseanna
12 > 18 Bliain
Gaelcholáistí
Buntáistí Oideachais trí Ghaeilge
Coláistí Samhraidh
5 leid nuair atá tú ag dul chun na Gaeltachta
An Ghaelbhratach
Féilte
Ag úsáid d’ainm as Gaeilge
Tacaíocht, Seirbhísí agus Áiseanna
18 > 22 Bliain
Cumainn Ghaelacha & Aontais Mhac Léinn
Cúrsaí le Gaeilge ar an 3ú Leibhéal
Féilte
Tacaíocht, Seirbhísí agus Áiseanna
22+ Bliain
Gairmeacha le Gaeilge in Éirinn
Ag foghlaim na Gaeilge
Ranganna Gaeilge do Dhaoine Fásta
Glac Páirt sa Ghluaiseacht
Ciorcail Chomhrá | Caint & Comhrá
Féilte
Saoire sa Ghaeltacht
Tacaíocht, Seirbhísí agus Áiseanna
Ag labhairt Gaeilge le do gharpháistí
Pobal
Ciorcail Chomhrá | Caint & Comhrá
Sloinne
An Ghaeltacht
Grúpaí Pobail
Na Lárionaid Ghaeilge
Sloinne
Na Ceanneagraíochtaí
Féilte
Seachtain na Gaeilge le Energia
Imeachtaí Ardú Feasachta
Leabhair Ghaeilge
Podchraoltaí Gaeilge
An Chaint
Oifigigh Gaeilge i bhFeidhmeannacht na Seirbhíse Sláinte (FSS)
7 dtreoir le bheith níos sábháilte ar líne
Foghlaim
Ag foghlaim na Gaeilge
Naíonraí
Gaelcholáistí
Gaelscoileanna
An Ghaeilge i Scoileanna Béarla
Foghlaim Gaeilge mar dhuine fásta
Téarmaíocht agus Gramadach ar líne
Ranganna
Seirbhísí Gaeilge do Scoileanna
Cearta
Acht na dTeangacha Oifigiúla 2003
Cairt Eorpach do Theangacha Réigiúnacha & Mionlaigh
Straitéisí Gaeilge ó Thuaidh is ó Dheas
Seirbhísí ar fáil as Gaeilge
Glac Páirt sa Ghluaiseacht
Feachtasaíocht
Taighde Gaeilge
Ag úsáid Gaeilge le seirbhísí stáit
An Coimisinéir Teanga
6 fhorbairt teicneolaíoctha atá ó chainteoirí na Gaeilge
Fostaíocht
Gairmeacha le Gaeilge san Eoraip
Gairmeacha le Gaeilge in Éirinn
CV Samplach Gaeilge
Ag lorg poist leis an nGaeilge
Cé hiad na fostóirí Gaeilge is mó?
Comhairle agallaimh do phost le Gaeilge
Cúrsaí iarchéime Gaeilge do shaol an lae inniu
Cúrsaí bunchéime spéisiúla le Gaeilge
Folúntais
Físeáin: 'Do Ghairm le Gaeilge'
Leabhrán Ghairmeacha le Gaeilge
5 leid d'fhísagallaimh
Ceisteanna Coitianta
<a-href="https://tuairisc.ie"-class="credit-tuairisc"-target="-blank"-rel="noopener-noreferrer"></a>-cecil-maguire-1930-2020:-ealaiontoir-a-tharraing-go-leor-pictiur-de-chonamara,-d’arainn-agus-de-mhuintir-na-gceantar-sin

Cecil Maguire 1930-2020: Ealaíontóir a tharraing go leor pictiúr de Chonamara, d’Árainn agus de mhuintir na gceantar sin

Tá Cecil Maguire – ealaíontóir a tharraing go leor pictiúr de Chonamara, d’Árainn agus de mhuintir na gceantar sin – ar shlí na fírinne. I measc na n-imeachtaí a léirigh sé ina shaothar tá Rásaí Iomaí, Seó Capaillíní an Chlocháin agus na geallta báid i gCloch na Rón.

Bhí spéis faoi leith aige sna báid seoil agus tá húicéirí agus báid mhóra eile le feiceáil i go leor dá shaothar. Rinne sé pictiúir de roinnt de na báid is mó cáil i gConamara. Bhí taispeántais leis i nGaillimh, i mBaile Átha Cliath agus i mBéal Feirste agus bíonn tóir ar a shaothair ag ceantanna agus íoctar praghsanna móra orthu.

Rugadh Cecil Maguire sa Lorgain, i gContae Ard Mhacha, sa mbliain 1930. D’fhreastail sé ar Choláiste na Banríona i mBéal Feirste agus ina dhiaidh sin chaith sé blianta ag múineadh an Bhéarla sa gcoláiste dara leibhéal ar an Lorgain.

Bhí sé ag péinteáil le linn an ama sin agus d’éirigh sé as an múinteoireacht i 1981 le díriú ar an ealaín go lánaimseartha.

Ba i nDánlann Uí Chionnaith i nGaillimh a bhí a chéad taispeántas aige sa mbliain 1970, agus bhí roinnt taispeántas eile aige ansin i rith na 1970idí.

Dúirt Tom Kenny na dánlainne sin go raibh stíl faoi leith le sonrú ina chuid pictiúr an tráth úd agus go mbíodh an-tóir orthu i measc mhuintir na Gaillimhe. Rinne Maguire go leor pictiúr de chathair na Gaillimhe sna 1970idí, chomh maith le cinn d’Árainn agus d’áiteanna sa Tuaisceart. Bhí pictiúr leis de járbhaithe ar Inis Mór i measc na bpictiúr a taispeánadh i nDánlann Uí Chionnaith i 1970.

Ar na pictiúir eile a rinne sé d’oileáin Árann agus dá muintir sna 1970idí agus sna 1980idí, tá cinn den phobal ag teacht amach ón Aifreann ar Inis Meáin i 1986 agus ceann de scata ban ag an gcéibh i gCill Rónáin i 1971. Ar cheann de na chéad phictiúir a rinne sé de Chonamara tá ceann de Sheó Capaillíní an Chlocháin.

Chaith Cecil Maguire go leor ama i gCloch na Rón i dtuaisceart Conamara ó na 1960idí ar aghaidh agus ba mhinic leis radharcanna den bhaile sin agus an ceantar máguaird a chur ar chanbhás. I measc na radharc sin, tá mórshiúl Corpus Christi i 1974 agus sochraid ag Reilig an Ghoirtín. Léiríodh an-spéis i bpictiúr a rinne sé de mhuintir na háite ag tarraingt ar Shéipéal Cloch na Rón le haghaidh Aifreann an Domhnaigh nuair a cuireadh ar ceant é i mBaile Átha Cliath sa mbliain 2006.

Ba mhór an líon pictiúr a rinne sé de na geallta báid a bhíonn i gCloch na Rón chuile mhí Iúil agus de na húicéirí agus báid mhóra eile le balla na céibhe ansin.

Dúirt Michael King, duine de lucht eagraithe na ngeallta i gCloch na Rón, gur thacaigh Cecil Maguire i gcónaí leis an imeacht sin.

Sa mbliain 1986 rinne sé pictiúr den ‘American Mór’ faoi lán seoil agus ceann den ‘Tónaí’ an bhliain dár gcionn. Tá pictiúir ann a rinne sé den ‘Hunter’ agus den ‘Volunteer’ freisin.

Níl sé éasca báid a thaispeáint ar chanbhás faoi lán seoil, a deir Tom Kenny, ach d’éirigh le Cecil Maguire sin a dhéanamh go paiteanta.

Rinne sé pictiúir go leor de dhaoine ar an bhfarraige i gcurachaí freisin, ina measc ceann de chaoirigh á dtabhairt i gcurach go hInis Leacan amach ó Chloch na Rón agus ceann d’iascairí amach ó Árainn.

Bhí aithne mhaith ag an ealaíontóir Rosie McGurran – arb as Béal Feirste di ó dhúchas ach a bhfuil cónaí uirthi i gCloch na Rón le 20 bliain – ar Cecil Maguire. Ba bhreá leis bheith ag péinteáil agus radharc aige ar an bhfarraige óna árasán in aice na céibhe i gCloch na Rón, a dúirt Rosie.

Taifead luachmhar atá ina chuid pictiúr ar an saol i gCloch na Rón agus ar an gcaoi ar athraigh an saol sin le breis is caoga bliain anuas, a dúirt sí.

Baineann Cecil Maguire, a dúirt Rosie McGurran, le traidisiún láidir de phéintéirí as tuaisceart na tíre, ar nós Charles Lamb, Paul Henry agus Daniel O’Neill a bhí faoi dhraíocht ag Conamara agus a rinne pictiúir dhraíochta den cheantar.

Bhásaigh bean Cecil Maguire, Mona, roinnt blianta ó shin. Bhí triúr iníonacha acu – Denise, Amanda agus Sian.

Níos mó

Ciarán Ó Cualáin

Cláraigh do nuachtlitir PEIG

  • Conradh na Gaeilge
  • Foras na Gaeilge