Baile
Aoisghrúpaí
> 4 Bliain
Ainmneacha Gaeilge
Naíonraí
Ag úsáid Gaeilge le do pháistí
Ag tógáil páistí le Gaeilge taobh amuigh den Ghaeltacht
Ag Tógáil Páistí le Gaeilge sa Ghaeltacht
Tacaíocht, Seirbhísí agus Áiseanna
4 > 12 Bliain
Gaelscoileanna
Buntáistí Oideachais trí Ghaeilge
Coláistí Samhraidh
An Ghaelbhratach
Féilte
Tacaíocht, Seirbhísí agus Áiseanna
12 > 18 Bliain
Gaelcholáistí
Buntáistí Oideachais trí Ghaeilge
Coláistí Samhraidh
5 leid nuair atá tú ag dul chun na Gaeltachta
An Ghaelbhratach
Féilte
Ag úsáid d’ainm as Gaeilge
Tacaíocht, Seirbhísí agus Áiseanna
18 > 22 Bliain
Cumainn Ghaelacha & Aontais Mhac Léinn
Cúrsaí le Gaeilge ar an 3ú Leibhéal
Féilte
Tacaíocht, Seirbhísí agus Áiseanna
22+ Bliain
Gairmeacha le Gaeilge in Éirinn
Ag foghlaim na Gaeilge
Ranganna Gaeilge do Dhaoine Fásta
Glac Páirt sa Ghluaiseacht
Ciorcail Chomhrá | Caint & Comhrá
Féilte
Saoire sa Ghaeltacht
Tacaíocht, Seirbhísí agus Áiseanna
Ag labhairt Gaeilge le do gharpháistí
Pobal
Ciorcail Chomhrá | Caint & Comhrá
Sloinne
An Ghaeltacht
Grúpaí Pobail
Na Lárionaid Ghaeilge
Sloinne
Na Ceanneagraíochtaí
Féilte
Seachtain na Gaeilge le Energia
Imeachtaí Ardú Feasachta
Leabhair Ghaeilge
Podchraoltaí Gaeilge
An Chaint
Oifigigh Gaeilge i bhFeidhmeannacht na Seirbhíse Sláinte (FSS)
7 dtreoir le bheith níos sábháilte ar líne
Foghlaim
Ag foghlaim na Gaeilge
Naíonraí
Gaelcholáistí
Gaelscoileanna
An Ghaeilge i Scoileanna Béarla
Foghlaim Gaeilge mar dhuine fásta
Téarmaíocht agus Gramadach ar líne
Ranganna
Seirbhísí Gaeilge do Scoileanna
Cearta
Acht na dTeangacha Oifigiúla 2003
Cairt Eorpach do Theangacha Réigiúnacha & Mionlaigh
Straitéisí Gaeilge ó Thuaidh is ó Dheas
Seirbhísí ar fáil as Gaeilge
Glac Páirt sa Ghluaiseacht
Feachtasaíocht
Taighde Gaeilge
Ag úsáid Gaeilge le seirbhísí stáit
An Coimisinéir Teanga
6 fhorbairt teicneolaíoctha atá ó chainteoirí na Gaeilge
Fostaíocht
Gairmeacha le Gaeilge san Eoraip
Gairmeacha le Gaeilge in Éirinn
CV Samplach Gaeilge
Ag lorg poist leis an nGaeilge
Cé hiad na fostóirí Gaeilge is mó?
Comhairle agallaimh do phost le Gaeilge
Cúrsaí iarchéime Gaeilge do shaol an lae inniu
Cúrsaí bunchéime spéisiúla le Gaeilge
Folúntais
Físeáin: 'Do Ghairm le Gaeilge'
Leabhrán Ghairmeacha le Gaeilge
5 leid d'fhísagallaimh
Ceisteanna Coitianta
<a-href="https://tuairisc.ie"-class="credit-tuairisc"-target="-blank"-rel="noopener-noreferrer"></a>-mor-is-fiu-nach-bhfuil-stormont-ag-sodar-i-ndiaidh-shraid-downing

Mór is fiú nach bhfuil Stormont ag sodar i ndiaidh Shráid Downing

“Thiomáin mé tríocha míle chun mo shúile a thástáil.”

Bhainfeadh an líne gáire as an lucht éisteachta ag geamaireacht nó scigdhráma.

Ach is mar chuid de dhráma polaitiúil a dúirt Dominic Cummings, comhairleoir speisialta Phríomh-Aire na Breataine, Boris Johnson, é. Agus níor chúis gháire é.

Ní foláir nó go raibh an nath polaitiúil ‘más ag míniú atá tú, tá ag teip ort’ ar intinn Cummings agus Johnson, is cuma cé chomh hábalta is atá siad mar bholscairí.

Bhí údar gearáin ag pobal Shasana roimhe sin faoin gcaoi a láimhseáil Johnson, faoi thionchar a chomhairleora Cummings, paindéim an chóróinvíris; dhiúltaigh siad treoracha an WHO a leanacht agus thóg sé rófhada orthu plean a chur i bhfeidhm. Nuair a tháinig sé chun solais gur thaistil Dominic Cummings agus a theaghlach ó Londain go Durham nuair a bhí gnáthdhaoine faoi dhianghlasáil baineadh croitheadh as tacaíocht an phobail do straitéis an rialtais.

Thairis sin cothaíodh ceisteanna faoi bhreithiúnas Boris Johnson a chosain iompar Cummings.

“Mór is fiú nach bhfuil sinne ag glacadh le treoir an dreama sin,” a dúirt aontachtach dílis liom. Vótóir agus ní polaiteoir é ach tá dlúthbhaint aige le Teachtaí Tionóil.

Bhí sé buartha nuair a bhris Stormont (agus Albain agus an Bhreatain Bheag) le ‘bí san airdeall’, polasaí sláinte poiblí doiléir Boris Johnson. Chinn an Chéad agus LeasChéad-Aire in Stormont, Arlene Foster agus Michelle O’Neill, go raibh cur chuige Johnson contúirteach agus chloígh siad leis an treoir do dhaoine fanacht sa bhaile.

Ag an am sin bhí imní ar aontachtaithe áirithe gur chontúirt do bhuanseasmhacht na Ríochta Aontaithe ab ea an difríocht idir cur chuige na Breataine (cur chuige Shasana i bhfírinne) agus leagan amach Stormont. I bhfianaise nuachtócáid Dominic Cummings sa rósghairdín ag Uimhir 10 Sráid Downing Dé Luain, agus cur chuige Boris Johnson roimhe agus ina diaidh, tá siad buíoch beannachtach anois nach bhfuil siad sáinnithe san nead sin.

Is ar iarratas an Phríomh-Aire Johnson a glacadh an chéim annamh go labhródh comhairleoir neamhthofa ag nuachtócáid oifigiúil Uimhir 10. Léiriú gur thuig Johnson gur theip go hiomlán ar a iarracht féin réiteach a fháil ar an gconspóid faoi Cummings agus a léamh áirid ar na rialacha dianghlasála.

Tugtar creidiúint do Cummings as feachtas an reifrinn faoin mBreatimeacht a bhuachan. Maítear freisin gurb é príomhúdar na caithréime a bhí ag Johnson agus na Tóraithe san olltoghchán i mí na Nollag. Áirítear gur máistircheardaí ar mhanaí feachtasaíochta é, sárbholscaire.

Ba bheag dá chosúlacht a bhí ar a nuachtócáid – cé is moite den chleas a chonacthas fadó in The West Wing nuair a freagraíodh ceisteanna ad nauseam chun a dhul i bhfad scéil le hábhar agus iriseoirí a thuirsiú.

Níor dhúirt sé go raibh brón air agus ní raibh aon chuimhneamh aige ar éirí as. Bhí sé suite de nach raibh an dara rogha aige ach taisteal 260 míle ó Londain go Durham lena mhac ceithre bliana d’aois agus a bhean a bhí breoite tráth a raibh comharthaí sóirt Covid-19 ag cur as dó féin. Bhí an turas riachtanach mar go dtabharfadh duine muinteartha aire don bpáiste dá mbeadh sé féin agus a bhean róthinn don chúram.

Agus é ag iarraidh an nimh a bhaint as an gcáineadh faoi shárú na rialacha dianghlasála bhain cuid de fhreagraí Cummings geit as daoine. Ní ciotach go dtí iad. Rinne sé turas tríocha míle slí ó theach a mhuintire in Durham go dtí baile oidhreachta Barnard Castle ar bhruach abhainn an Tees, é ag seiceáil go mbeadh a amharc sách maith i ndiaidh Covid-19 le tabhairt faoin aistear ar ais go Londain. Bheadh leathadh súl ar éinne faoi dhuine a bheith ag tiomáint chun a radharc a thástáil, ach baineadh siar ar fad as a éisteoirí nuair a dúirt Cummings go raibh a bhean agus a mhac ceithre bliana d’aois sa charr freisin le haghaidh an tástáil súl neamhchoitianta sin.

I bhfianaise an turais tástála radhairc b’argóint in aisce i súile a lán é maíomh Boris Johnson gur mar thuismitheoir freagrach, grámhar a rinne Cummings cinneadh an t-aistear fada a thabhairt air féin.

Bhí na sluaite ar buile, iad ag fiafraí arb é brí na cainte sin nár dhea-thuismitheoirí iadsan a thug aire do pháistí agus iad breoite, cuachta isteach in árasáin bheaga.

An é nach gcloiseann Johnson agus Cummings a bhfuil á rá acu?

Nó an é nach dtuigeann siad céard a chloiseann na daoine a chloígh leis na rialacha agus a rinne íobairtí móra? Na daoine nach raibh in ann freastal ar shochraidí a muintire nó a bhí ag aonrú agus a ngaolta ag saothrú an bháis ina n-aonar?

Bhí súil ag Boris Johnson agus Dominic Cummings oíche Dé Luain go raibh a ndóthain déanta acu chun an chonspóid a shuaimhniú. Bhí siad ag brath air gur chabhair í nach raibh an Pharlaimint ina suí an tseachtain seo agus go n-éireodh na meáin as an scéal faoi dheireadh na seachtaine.

Bhí iarracht ar siúl chun aird a dhíriú ar cheisteanna eile agus scoileanna agus siopaí le hoscailt an mhí seo chugainn.

Is deacair a rá.

Ar an ngnáthbhealach bheadh Cummings imithe, ach ní gnáthpholaitíocht atá i réim.

Fiú má choinníonn sé a phost tá claig curtha sa mhiotas faoi ardéirim agus cumhacht Cummings agus tá an chuma ar an bPríomh-Aire Johnson go bhfuil sé lag agus ag brath an iomarca ar chomhairleoir.

Ní minic a deirtear é ach tá crot níos fearr ar Stormont ná ar Shráid Downing. Bíonn cur agus cúiteamh sa bhFeidhmeannas in Stormont ach ba í an umhlaíocht d’Uimhir a 10 an cháilíocht do státrúnaíocht i gcomhaireacht Boris Johnson.

Tá botúin déanta abhus (sna hionaid chúraim, mar shampla) agus níl siad ach ag foghlaim conas gnó an Fheidhmeannais a dhéanamh, ach is faoiseamh do dhaoine é cur chuige díláraithe Stormont.

Níos mó

Póilín Ní Chiaráin

Cláraigh do nuachtlitir PEIG

  • Conradh na Gaeilge
  • Foras na Gaeilge