Baile
Aoisghrúpaí
> 4 Bliain
Ainmneacha Gaeilge
Naíonraí
Ag úsáid Gaeilge le do pháistí
Ag tógáil páistí le Gaeilge taobh amuigh den Ghaeltacht
Ag Tógáil Páistí le Gaeilge sa Ghaeltacht
Tacaíocht, Seirbhísí agus Áiseanna
4 > 12 Bliain
Gaelscoileanna
Buntáistí Oideachais trí Ghaeilge
Coláistí Samhraidh
An Ghaelbhratach
Féilte
Tacaíocht, Seirbhísí agus Áiseanna
12 > 18 Bliain
Gaelcholáistí
Buntáistí Oideachais trí Ghaeilge
Coláistí Samhraidh
5 leid nuair atá tú ag dul chun na Gaeltachta
An Ghaelbhratach
Féilte
Ag úsáid d’ainm as Gaeilge
Tacaíocht, Seirbhísí agus Áiseanna
18 > 22 Bliain
Cumainn Ghaelacha & Aontais Mhac Léinn
Cúrsaí le Gaeilge ar an 3ú Leibhéal
Féilte
Tacaíocht, Seirbhísí agus Áiseanna
22+ Bliain
Gairmeacha le Gaeilge in Éirinn
Ag foghlaim na Gaeilge
Ranganna Gaeilge do Dhaoine Fásta
Glac Páirt sa Ghluaiseacht
Ciorcail Chomhrá | Caint & Comhrá
Féilte
Saoire sa Ghaeltacht
Tacaíocht, Seirbhísí agus Áiseanna
Ag labhairt Gaeilge le do gharpháistí
Pobal
Ciorcail Chomhrá | Caint & Comhrá
Sloinne
An Ghaeltacht
Grúpaí Pobail
Na Lárionaid Ghaeilge
Sloinne
Na Ceanneagraíochtaí
Féilte
Seachtain na Gaeilge le Energia
Imeachtaí Ardú Feasachta
Leabhair Ghaeilge
Podchraoltaí Gaeilge
An Chaint
Oifigigh Gaeilge i bhFeidhmeannacht na Seirbhíse Sláinte (FSS)
7 dtreoir le bheith níos sábháilte ar líne
Foghlaim
Ag foghlaim na Gaeilge
Naíonraí
Gaelcholáistí
Gaelscoileanna
An Ghaeilge i Scoileanna Béarla
Foghlaim Gaeilge mar dhuine fásta
Téarmaíocht agus Gramadach ar líne
Ranganna
Seirbhísí Gaeilge do Scoileanna
Cearta
Acht na dTeangacha Oifigiúla 2003
Cairt Eorpach do Theangacha Réigiúnacha & Mionlaigh
Straitéisí Gaeilge ó Thuaidh is ó Dheas
Seirbhísí ar fáil as Gaeilge
Glac Páirt sa Ghluaiseacht
Feachtasaíocht
Taighde Gaeilge
Ag úsáid Gaeilge le seirbhísí stáit
An Coimisinéir Teanga
6 fhorbairt teicneolaíoctha atá ó chainteoirí na Gaeilge
Fostaíocht
Gairmeacha le Gaeilge san Eoraip
Gairmeacha le Gaeilge in Éirinn
CV Samplach Gaeilge
Ag lorg poist leis an nGaeilge
Cé hiad na fostóirí Gaeilge is mó?
Comhairle agallaimh do phost le Gaeilge
Cúrsaí iarchéime Gaeilge do shaol an lae inniu
Cúrsaí bunchéime spéisiúla le Gaeilge
Folúntais
Físeáin: 'Do Ghairm le Gaeilge'
Leabhrán Ghairmeacha le Gaeilge
5 leid d'fhísagallaimh
Ceisteanna Coitianta
<a-href="https://tuairisc.ie"-class="credit-tuairisc"-target="-blank"-rel="noopener-noreferrer"></a>-bhlais-john-hume-‘den-tsiochain’-e-fein-i-ngaeltacht-dhun-na-ngall

Bhlais John Hume ‘den tsíocháin’ é féin i nGaeltacht Dhún na nGall

Ba go Gaeltacht Dhún na nGall a théadh John Hume ar feadh blianta fada chun “blaiseadh den tsíocháin” agus é thóir suaimhnis dó féin agus dá chomhluadar.

Agus é ag caint ag sochraid a athar, labhair John Jr faoin ngrá a bhí ag John Hume do Dhún na nGall agus go háirithe don Bhun Beag i nGaoth Dobhair agus ina dhiaidh sin do Bhun an Phobail.

“Fear a bhí ann a raibh gean a chroí aige do Dhún na nGall agus chaith sé go leor dá chuid saoire san mBun Beag agus sa gCaisleán Nua/Bun an Phobail, mar a bhfaigheadh sé deis dearmad a dhéanamh ar a chuid oibre agus sos a ghlacadh. Ansin a d’fhaigheadh sé an deis faoi dheireadh a scíste a ligean agus an ciúnas agus an tsíocháin a bhí ag dul dó a bhlaiseadh.”

Sula bhfuair siad teach saoire i mBun an Phobail in Inis Eoghain, chaith John agus Pat Hume na blianta ag teacht ar saoire go dtí an Bun Beag lena bpáistí.

Ghabh John Hume Jr a bhuíochas le muintir Dhoire agus Dhún na nGall as a gcineáltas lena athair, as é á threorú “lena neamhspleáchas a chosaint” agus as a bheith “mánla séimh leis nuair a bhíodh sé suaite”. Dúirt an mac gurbh “iontach go deo an bronntanas é cairdeas na ndaoine sin don chlann ar fad”.

“Beimid buíoch go deo do na daoine ar fad a chuidigh linn leis na blianta,” a dúirt sé.

Pictiúr: Stephen Latimer Photography / RollingNews.ie / POOL

Bhí Seán Donlon, iar-ambasadóir de chuid na hÉireann, ar dhuine acu siúd a luaigh an tseachtain seo a thábhachtaí agus a bhí Dún na nGall i scéal John Hume agus scéal an pháirtí a bhunaigh sé, an SDLP.

“Bhí caidreamh gairmiúil an-dlúth eadrainn sna 1970idí nuair a bhí mise i mo thoscaire neamhoifigiúil ag Baile Átha Cliath chuig páirtithe polaitiúla an Tuaiscirt.

“Le go mbeadh sé níos éasca an caidreamh sin a chothú sna samhraí achrannacha sin, théimis ar saoire le chéile lenár dteaghlaigh óga go dtí An Bun Beag i nDún na nGall, áit a bhí ina thearmann ag an tráth sin ag go leor de pholaiteoirí an SDLP agus a lucht tacaíochta. Ba mhór an onóir domsa a bheith i mo bhreathnóir Bhaile Átha Cliath ag cruinnithe Pharlaimint an Bhuna Bhig.

“Mar a tharlaíonn i gcúrsaí taidhleoireachta go hiondúil, bhíodh spraoi againn freisin. Chuamar ar bhád go hoileán Ghabhla, dhreapamar an Earagail, bhíodh picnicí againn ar thrá ghalánta Mhachaire Gathlán agus is iomaí seisiún amhránaíochta a bhíodh againn go han-déanach in óstán Ghaoth Dobhair. Ba é John Hume croí na cuideachta ag na seisiúin sin agus ba é a tharraing Seamus Heaney, Brian Friel agus Seamus Deane ansin, an triúr a bhunaigh grúpa Field Day ina dhiaidh sin.

“Is mór eile ó shaol an cheoil, na litríochta, na hailtireachta agus an dlí a chaith tamall inár dteannta ag na seisiúin sin.”

Níos mó

tuairisc.ie

Cláraigh do nuachtlitir PEIG

  • Conradh na Gaeilge
  • Foras na Gaeilge