Baile
Aoisghrúpaí
> 4 Bliain
Ainmneacha Gaeilge
Naíonraí
Ag úsáid Gaeilge le do pháistí
Ag tógáil páistí le Gaeilge taobh amuigh den Ghaeltacht
Ag Tógáil Páistí le Gaeilge sa Ghaeltacht
Tacaíocht, Seirbhísí agus Áiseanna
4 > 12 Bliain
Gaelscoileanna
Buntáistí Oideachais trí Ghaeilge
Coláistí Samhraidh
An Ghaelbhratach
Féilte
Tacaíocht, Seirbhísí agus Áiseanna
12 > 18 Bliain
Gaelcholáistí
Buntáistí Oideachais trí Ghaeilge
Coláistí Samhraidh
5 leid nuair atá tú ag dul chun na Gaeltachta
An Ghaelbhratach
Féilte
Ag úsáid d’ainm as Gaeilge
Tacaíocht, Seirbhísí agus Áiseanna
18 > 22 Bliain
Cumainn Ghaelacha & Aontais Mhac Léinn
Cúrsaí le Gaeilge ar an 3ú Leibhéal
Féilte
Tacaíocht, Seirbhísí agus Áiseanna
22+ Bliain
Gairmeacha le Gaeilge in Éirinn
Ag foghlaim na Gaeilge
Ranganna Gaeilge do Dhaoine Fásta
Glac Páirt sa Ghluaiseacht
Ciorcail Chomhrá | Caint & Comhrá
Féilte
Saoire sa Ghaeltacht
Tacaíocht, Seirbhísí agus Áiseanna
Ag labhairt Gaeilge le do gharpháistí
Pobal
Ciorcail Chomhrá | Caint & Comhrá
Sloinne
An Ghaeltacht
Grúpaí Pobail
Na Lárionaid Ghaeilge
Sloinne
Na Ceanneagraíochtaí
Féilte
Seachtain na Gaeilge le Energia
Imeachtaí Ardú Feasachta
Leabhair Ghaeilge
An Chaint
Oifigigh Gaeilge i bhFeidhmeannacht na Seirbhíse Sláinte (FSS)
7 dtreoir le bheith níos sábháilte ar líne
Foghlaim
Ag foghlaim na Gaeilge
Naíonraí
Gaelcholáistí
Gaelscoileanna
An Ghaeilge i Scoileanna Béarla
Foghlaim Gaeilge mar dhuine fásta
Téarmaíocht agus Gramadach ar líne
Ranganna
Seirbhísí Gaeilge do Scoileanna
Cearta
Acht na dTeangacha Oifigiúla 2003
Cairt Eorpach do Theangacha Réigiúnacha & Mionlaigh
Straitéisí Gaeilge ó Thuaidh is ó Dheas
Seirbhísí ar fáil as Gaeilge
Glac Páirt sa Ghluaiseacht
Feachtasaíocht
Taighde Gaeilge
Ag úsáid Gaeilge le seirbhísí stáit
An Coimisinéir Teanga
6 fhorbairt teicneolaíoctha atá ó chainteoirí na Gaeilge
Fostaíocht
Gairmeacha le Gaeilge san Eoraip
Gairmeacha le Gaeilge in Éirinn
CV Samplach Gaeilge
Ag lorg poist leis an nGaeilge
Cé hiad na fostóirí Gaeilge is mó?
Comhairle agallaimh do phost le Gaeilge
Cúrsaí iarchéime Gaeilge do shaol an lae inniu
Cúrsaí bunchéime spéisiúla le Gaeilge
Folúntais
Físeáin: 'Do Ghairm le Gaeilge'
Leabhrán Ghairmeacha le Gaeilge
5 leid d'fhísagallaimh
Ceisteanna Coitianta
<a-href="https://tuairisc.ie"-class="credit-tuairisc"-target="-blank"-rel="noopener-noreferrer"></a>-‘go-raibh-maith-agat,-a-dhaid,-as-an-saol-maith-a-chaith-tu’-–-sochraid-‘laoch-mor-na-heireann’-john-hume

‘Go raibh maith agat, a Dhaid, as an saol maith a chaith tú’ – sochraid ‘laoch mór na hÉireann’ John Hume

Dúradh ag aifreann sochraide John Hume inniu go raibh daoine ann nach mbeadh beo in aon chor murach “fís agus obair” iarcheannaire an SDLP.

“Ná bíodh dul amú ar aon duine, tá daoine beo inniu nach mbeadh beo ar chor ar bith murach an fhís a bhí ag John agus an obair a rinne sé. D’fhéadfadh aon duine againn a bheith i gceist,” arsa an tAthair Paul Farren, ceiliúraí Aifreann na sochraide.

Le linn an aifrinn in Ardeaglais Naomh Eugene i nDoire, dúirt an tAthair Farren nár loic riamh ar an gcreideamh a bhí ag John Hume sa tsíocháin ná ina chumas féin a chur ina luí ar dhaoine eile gurb í an tsíocháin “an t-aon bhealach” chun cinn a bhí ann.

“Má bhí fear riamh ann a chaith a shaol agus a shláinte ar son a thíre, ba é John Hume an duine sin. Tá a fhios ag an saol mór é sin.”

“Is é an t-aon duine ar domhan é ar bronnadh air Duais Nobel na Síochána, Duais Síochána Gandhi agus Duais Síochána Martin Luther King.

“Rinne an Pápa Benedict XVI Ceannridire ar Ord an Phápa Naomh Gréagóir Mór de.

“Lena linn sin go léir, thar aon rud eile, fear ab ea John a bhí mórtasach gurbh as Doire dó.”

Dúirt an tAthair Farren gurb í an sprioc a bhí ag John Hume ná go mbeadh rath ar a bhaile dúchais agus ar mhuintir Dhoire. Beidh áit ag John Hume agus a bhean, Pat, “i stair na hÉireann”, arsa an tAthair Farren.

“Laoch mór na hÉireann” ab ea John Hume, ar sé.

Dúirt John Hume Jr, mac John Hume nárbh “aon dóithín é achoimre a dhéanamh ar shaol Dhaid i gcúpla nóiméad”.

“D’fhear nach raibh in ainm is a bheith aige ach an t-aon óráid inaistrithe amháin, rinne Daid go leor rudaí éagsúla le linn a shaoil.

Pictiúr: Stephen Latimer Photography / RollingNews.ie / POOL

“Chuir sé ag gáire, ag brionglóidí agus ag machnamh sinn agus uaireanta d’fhág sé sinn ag féachaint air agus ár gceann á thochas againn le teann iontais.

“Chomh maith leis sin, choimeád sé brabús nach beag le tionscal na seacláide in Éirinn ar feadh blianta. Yorkies, Crunchies, Creme Eggs, Double Deckers, Wispas, ní raibh ceann ar bith acu nár bhreá leis é.

“B’ait linn go minic gur chreid  fear a raibh sé d’éirim ann Duais Nobel a bhuachan gur lú an meáchan a chuirfeadh na Crunchies ort toisc iad a bheith lán d’aer,” arsa John Hume Jr.

Dá mbeadh a athair ansin, a dúirt sé, bheadh sé ag iarraidh ar dhaoine féachaint ar na gaiscí a dhéanann cúramóirí óga gach lá agus ar an meas mór a bhíonn acu ar chách.

“Seo iad na bunchlocha atá riachtanach do gach pobal. Ráineodh go dtabharfadh an tUrramach Martin Luther King polaitíocht an ghrá air. Go raibh maith agat, a Dhaid, as an saol maith a chaith tú,” arsa John Hume Jr.

Orthu siúd a bhí i láthair ag aifreann na sochraide, a raibh srianta dochta Covid-19 i bhfeidhm aici, bhí Uachtarán na hÉireann Micheál D Ó hUigínn, an Taoiseach Micheál Martin agus Céad-Aire agus LeasChéad-Aire an Tuaiscirt, Arlene Foster agus Michelle O’Neill.

Pictiúr: Stephen Latimer Photography / RollingNews.ie / POOL

Léadh amach teachtaireachtaí ómóis ó pholaiteoirí agus daoine aitheanta ar fud an domhain, ina measc An Pápa Proinsias, an Dalai Lama, Bill Clinton, Boris Johnson agus Bono.

Sa teachtaireacht ón bPápa a Proinsias a léadh amach ag tús an aifrinn, dúradh gur “údar bróin” don Phápa bás iarcheannaire an SDLP agus moladh a shaothar ar son na síochána.

Dúirt an Dalai Lama ina theachtaireacht siúd go mairfeadh teachtaireacht John Hume i dtaobh na síochána agus ról an neamhfhoréigin sa réiteach coinbhleachta.

“Saol fiúntach amach is amach a bhí aige,” arsa an Dalai Lama.

Dúirt Bill Clinton gurb ionann John Hume agus “Martin Luther King na hÉireann”.

Dúirt Príomh-Aire na Breataine Boris Johnson gur “fathach” ab ea John Hume mar pholaiteoir agus gur áit “níos sábháilte, níos láidre agus níos fearr” a bhí sa Tuaisceart de bharr a chuid oibre.

Léadh amach leagan ciorraithe de theachtaireacht ó phríomhamhránaí U2, Bono:

“Fathach a bhí á lorg againn agus fuaireamar fear a chuir go mór le saol an uile dhuine againn.

“Sárchumhachtaí a bhí á lorg againn agus fuaireamar grinneas smaointe, cineáltas agus diongbháilteacht.

“Réabhlóid a bhí á lorg againn agus fuaireamar í i hallaí pobail, le tae agus brioscaí agus cruinnithe déanach san oíche faoin sruthsholas.

“Idirbheartaí a bhí á lorg againn a thuig nach mbíonn an bua ag aon duine nó go mbíonn an bua ag cách agus gurb í an tsíocháin an t-aon bhua.

“Sonas a bhí uainn agus chualamar sin in amhrán fir a thug an-ghean dá bhaile agus gean níos mó fós dá bhean chóir.

“Ceannaire iontach a bhí á lorg againn agus fuaireamar seirbhíseach iontach.

” John Hume a fuaireamar,” arsa Bono.

Ag deireadh an aifrinn, dúirt an slua, a bhí teoranta de bharr an choróinvíris, Paidir Naomh Proinsias Assisi agus sheinn

Phil Coulter ‘The Town I Loved So Well’, an t-amhrán ab ansa le John Hume. 

Lasmuigh den Ardeaglais, tugadh bualadh bos mar chomhartha ómóis do John Hume agus a chónra á cur san eileatram dá thuras deireanach.

Níos mó

tuairisc.ie

Cláraigh do nuachtlitir PEIG

  • Conradh na Gaeilge
  • Foras na Gaeilge