Cláir spóirt agus cláir cheoil is mó a thuill lucht féachana do TG4 arís in 2020, de réir figiúirí atá curtha ar fáil do Tuairisc.ie.
As an 20 clár is mó a thuill lucht féachana ar TG4 in 2020, cluichí ab ea 18 acu agus ceolchoirmeacha an péire eile.
Ba é clúdach GAA BEO ar Chluiche Ceannais Peile AIB na gClubanna idir Cora Finne na Gaillimhe agus Cill Chua an Dúin an clár ba mhó a raibh daoine ag faire air ar TG4 in 2020.
177,200 duine ar an meán a bhí a d’fhéach ar an gcluiche ar an 19 Eanáir, sciar 17.6% den lucht féachana ar fad sa tír ag an am.
Bhí cluichí ceannais pheil na mban agus cluiche ceannais na sinsear idir Baile Átha Cliath agus Corcaigh ar an 20 Nollaig sa dara háit ar liosta 2020. 169,900 lucht féachana ar an meán a bhí ag Peil na mBan Beo an lá sin.
Bhí Cluiche Ceannais Iomána AIB na gClubanna idir Seamróga Bhaile Héil agus Buiríos Ó Luigheach sa tríú háit le lucht féachana 168,200 ar an meán.
Is sa cheathrú háit ar an liosta a bhí an clár is mó a thuill lucht féachana agus nach clár spóirt a bhí ann. D’fhéach 156,600 duine ar an meán ar an gceolchoirm The Dubliners – The Parting Glass Lá Nollag.
Ceolchoirm a bhí sa chlár ceoil eile a bhain áit amach is measc an 20 clár ba mhó lucht féachana. Bhí John Sheahan’s 80th Birthday Live from Vicar St sa 13ú áit agus lucht féachana 123,200 ar an meán ag an gclár.
Nuair a chuirtear cluichí agus ceolchoirmeacha as an áireamh, is é an clár faisnéise Liam O’Flynn – Píobaire is mó a mheall lucht féachana ar TG4 in 2020. D’fhéach 81,500 duine ar an meán ar an clár nuair a craoladh den chéad uair é mí Aibreáin. Ba é sin an clár ba mhó féachana ar sheinnteoir TG4 in 2020 chomh maith.
D’éirigh le clár faisnéise eile, Maureen O’Hara – Banríon Hollywood áit a bhaint amach ar liosta na gclár nach spórt a n-ábhar agus meánlucht féachana 73,300 ag an gclár Lá Nollag.
Bhí dhá scannán, Into the West agus Dirty Dancing ar an liosta chomh maith.
| Na cláir is mó lucht féachana | Dáta | Meán (000) | Sciar % | Aimsiú (000) | |
|---|---|---|---|---|---|
| 1 | GAA BEO AIB Club CC Peile na hÉireann – Cora Finne v Cill Chua | 1/19/2020 | 177.2 | 17.6 | 480.6 |
| 2 | Peil na mBan Craobh TG4 CC Sinsear – Áth Cliath v Corcaigh | 12/20/2020 | 169.9 | 21.2 | 369.3 |
| 3 | GAA BEO AIB Club CC Iomána na hÉireann – Na Seamróga Baile Héil v Buiríos Ó Luigheach | 1/19/2020 | 168.2 | 24.5 | 374.3 |
| 4 | The Dubliners – The Parting Glass | 12/25/2020 | 156.6 | 11.3 | 375.5 |
| 5 | GAA BEO Sraith Iomána Allianz – Tiobraid Árann v Port Láirge | 3/1/2020 | 150.0 | 21.3 | 355.6 |
| 6 | GAA BEO Sraith Iomána Allianz Iarbheo – Gaillimh v Corcaigh | 3/1/2020 | 148.2 | 17.3 | 294.7 |
| 7 | GAA BEO Sraith Iomána Allianz Iarbheo – Loch Garman v Cill Chainnigh | 2/16/2020 | 143.0 | 17.2 | 288.7 |
| 8 | GAA BEO AIB Club – CLC Iomána na hÉireann – Naomh Tomás v Buiríos Ó Luigheach | 1/5/2020 | 141.5 | 16.2 | 291.4 |
| 9 | GAA BEO Sraith Peil Allianz – Gaillimh v Áth Cliath | 10/25/2020 | 139.9 | 19.0 | 353.6 |
| 10 | GAA BEO Sraith Peil Allianz – Dún na nGall v Tír Eoghain | 10/18/2020 | 129.4 | 16.2 | 304.6 |
| 11 | GAA BEO Sraith Iomána Allianz – Gaillimh v Tiobraid Árann | 3/8/2020 | 127.8 | 17.5 | 323.3 |
| 12 | GAA BEO Sraith Iomána Allianz – Port Láirge v Corcaigh | 1/26/2020 | 124.5 | 18.97 | 297.2 |
| 13 | John Sheahan’s 80th Birthday Live from Vicar St | 3/17/2020 | 123.2 | 7.77 | 330.9 |
| 14 | GAA BEO Sraith Iomána Allianz Iarbheo – Cill Chainnigh v Áth Cliath | 1/26/2020 | 118.7 | 15.84 | 265.2 |
| 15 | GAA BEO Club CC Iomána Chorcaí – Fánaithe an Ghleanna v Carraig Dubh | 10/4/2020 | 109.4 | 11.67 | 286.1 |
| 16 | GAA BEO Sraith Allianz Peil – Gaillimh v Maigh Eo | 10/18/2020 | 107.4 | 18.24 | 286.0 |
| 17 | GAA BEO AIB Club CLC Iomána na hÉireann – Sleacht Néill v Na Seamróga Baile Héil | 1/5/2020 | 103.8 | 16.8 | 244.9 |
| 18 | GAA BEO Club CC Peile na Mí – Gaeil Colmcille v Ráth Tó | 10/4/2020 | 102.8 | 12.9 | 234.0 |
| 19 | GAA BEO AIB Club CLC Peile na hÉireann – Cill Chua v Baile Buadáin Naomh Éanna | 1/4/2020 | 102.0 | 14.86 | 222.5 |
| 20 | All Ireland Gold 2004 – CC Iomána na Mumhan – Port Láirge v Corcaigh | 4/12/2020 | 97.4 | 10.4 | 205.1 |
| Na cláir is mó lucht féachana (gan spórt) | Dáta | Meán (000) | Sciar % | Aimsiú (000) | |
|---|---|---|---|---|---|
| 1 | The Dubliners – The Parting Glass | 12/25/2020 | 156.6 | 11.3 | 375.5 |
| 2 | John Sheahan’s 80th Birthday Live from Vicar St | 3/17/2020 | 123.2 | 7.8 | 330.9 |
| 3 | Seo é Joe Dolan | 7/28/2020 | 90.9 | 7.6 | 205.4 |
| 4 | Come all you Dreamers – Christy Moore with Declan Sinnot | 8/2/2020 | 86.7 | 9.1 | 232.6 |
| 5 | Come all you Dreamers – Christy Moore with Declan Sinnott | 12/27/2020 | 85.8 | 11.2 | 317.0 |
| 6 | Opry – Na Duets 3 | 3/21/2020 | 83.9 | 5.4 | 173.1 |
| 7 | Liam O’Flynn – Píobaire | 4/12/2020 | 81.5 | 6.0 | 225.9 |
| 8 | Ceiliúradh na Féile Pádraig | 3/17/2020 | 75.4 | 8.8 | 157.3 |
| 9 | Laochra Gael 18 Iggy Clarke | 3/29/2020 | 74.2 | 9.5 | 155.1 |
| 10 | Mike Denver – Live From Castlebar | 8/4/2020 | 74.2 | 6.5 | 276.0 |
| 11 | Maureen O’Hara – Banríon Hollywood | 12/25/2020 | 73.3 | 5.0 | 201.1 |
| 12 | Michael English -Live from INEC | 8/18/2020 | 69.2 | 6.25 | 196.2 |
| 13 | Opry le Daniel 10 | 10/3/2020 | 68.6 | 5.27 | 183.3 |
| 14 | Into the West | 12/26/2020 | 68.2 | 5.59 | 222.6 |
| 15 | Opry le Daniel 7 | 6/23/2020 | 67.9 | 5.34 | 136.3 |
| 16 | Fleadh 2020 – Lean leis an gceol | 8/8/2020 | 67.5 | 6.86 | 143.1 |
| 17 | Dirty Dancing | 12/24/2020 | 67.1 | 5.75 | 283.6 |
| 18 | Opry le Daniel 10 | 10/24/2020 | 66.9 | 4.6 | 165.3 |
| 19 | Opry le Daniel – Togha Sraith 9 | 12/5/2020 | 66.4 | 5.03 | 160.5 |
| 20 | Opry le Daniel 8 | 5/12/2020 | 65.8 | 5.04 | 146.5 |
