Baile
Aoisghrúpaí
> 4 Bliain
Ainmneacha Gaeilge
Naíonraí
Ag úsáid Gaeilge le do pháistí
Ag tógáil páistí le Gaeilge taobh amuigh den Ghaeltacht
Ag Tógáil Páistí le Gaeilge sa Ghaeltacht
Tacaíocht, Seirbhísí agus Áiseanna
4 > 12 Bliain
Gaelscoileanna
Buntáistí Oideachais trí Ghaeilge
Coláistí Samhraidh
An Ghaelbhratach
Féilte
Tacaíocht, Seirbhísí agus Áiseanna
12 > 18 Bliain
Gaelcholáistí
Buntáistí Oideachais trí Ghaeilge
Coláistí Samhraidh
5 leid nuair atá tú ag dul chun na Gaeltachta
An Ghaelbhratach
Féilte
Ag úsáid d’ainm as Gaeilge
Tacaíocht, Seirbhísí agus Áiseanna
18 > 22 Bliain
Cumainn Ghaelacha & Aontais Mhac Léinn
Cúrsaí le Gaeilge ar an 3ú Leibhéal
Féilte
Tacaíocht, Seirbhísí agus Áiseanna
22+ Bliain
Gairmeacha le Gaeilge in Éirinn
Ag foghlaim na Gaeilge
Ranganna Gaeilge do Dhaoine Fásta
Glac Páirt sa Ghluaiseacht
Ciorcail Chomhrá | Caint & Comhrá
Féilte
Saoire sa Ghaeltacht
Tacaíocht, Seirbhísí agus Áiseanna
Ag labhairt Gaeilge le do gharpháistí
Pobal
Ciorcail Chomhrá | Caint & Comhrá
Sloinnte
An Ghaeltacht
Grúpaí Pobail
Na Lárionaid Ghaeilge
Sloinnte
Na Ceanneagraíochtaí
Féilte
Seachtain na Gaeilge le Energia
Imeachtaí Ardú Feasachta
Leabhair Ghaeilge
An Chaint
Oifigigh Gaeilge i bhFeidhmeannacht na Seirbhíse Sláinte (FSS)
7 dtreoir le bheith níos sábháilte ar líne
Foghlaim
Ag foghlaim na Gaeilge
Naíonraí
Gaelcholáistí
Gaelscoileanna
An Ghaeilge i Scoileanna Béarla
Foghlaim Gaeilge mar dhuine fásta
Téarmaíocht agus Gramadach ar líne
Ranganna
Seirbhísí Gaeilge do Scoileanna
Cearta
Acht na dTeangacha Oifigiúla 2003
Cairt Eorpach do Theangacha Réigiúnacha & Mionlaigh
Straitéisí Gaeilge ó Thuaidh is ó Dheas
Seirbhísí ar fáil as Gaeilge
Glac Páirt sa Ghluaiseacht
Feachtasaíocht
Taighde Gaeilge
Ag úsáid Gaeilge le seirbhísí stáit
An Coimisinéir Teanga
6 fhorbairt teicneolaíoctha atá ó chainteoirí na Gaeilge
Fostaíocht
Gairmeacha le Gaeilge san Eoraip
Gairmeacha le Gaeilge in Éirinn
CV Samplach Gaeilge
Ag lorg poist leis an nGaeilge
Cé hiad na fostóirí Gaeilge is mó?
Comhairle agallaimh do phost le Gaeilge
Cúrsaí iarchéime Gaeilge do shaol an lae inniu
Cúrsaí bunchéime spéisiúla le Gaeilge
Folúntais
Físeáin: 'Do Ghairm le Gaeilge'
Leabhrán Ghairmeacha le Gaeilge
5 leid d'fhísagallaimh
Ceisteanna Coitianta

Modhanna le feabhas a chur ar do chuid Gaeilge agus ar Ghaeilge do pháistí

Tá foghlaim na Gaeilge i mbéal an phobail arís agus muid ag caitheamh an-chuid ama sa bhaile ag iarraidh an leadrán a choinneáil uainn. Tá roinnt daoine atá i ndiaidh filleadh ar an nGaeilge mar gheall ar an am breise seo in éineacht leis na páistí a bhíonn á foghlaim go leanúnach ar scoil.

Seo ceithre bhealach a mholann muid le feabhas a chur ar do chuid Gaeilge agus ar Ghaeilge do pháistí ag an am céanna.

Labhair

Is í an ghné is tábhachtaí d’aon teanga ná an cumas cumarsáid a dhéanamh ó bhéal. Tá líon ollmhór roghanna ann an Ghaeilge a labhairt faoi láthair agus seo thíos cúpla ceann acu.

  1. Freastail ar Chiorcal Comhrá – bíonn grúpaí comhrá Zoom á reáchtáil ag eagraíochtaí ar fud na cruinne faoi láthair. Is féidir teacht ar 70 Ciorcal Comhrá ar ár suíomh inniu.
  2. Bíodh ‘An Chaint’ agat – is feachtas é seo atá dírithe ar dhaoine a chur ag machnamh faoi úsáid na Gaeilge ina saol féin.
  3. Labhair lena chéile sa bhaile ar feadh maidine / lae – bíodh an misneach agat comhrá trí Ghaeilge a bheith agat sa bhaile. “Cleachtadh a dhéanann máistreacht” mar a deirtear.

Léigh

Is í an léitheoireacht ceann de na modhanna is éifeachtaí ó thaobh foghlaim aon teanga de do dhaoine fásta agus do pháistí araon. Tá an t-ádh linn na laethanta seo go bhfuil an méid sin acmhainní agus áiseanna léitheoireachta i nGaeilge ar fáil dúinn. Seo thíos cúpla sampla atá oiriúnach duit agus do pháistí a chuirfidh go mór leis an bhfoghlaim.

  1. An Prionsa Beag – scéal cáiliúil do pháistí aistrithe go Gaeilge ag Eoghan Mac Giolla Bhríde
  2. Bliain na nAmhrán – leabhar álainn ina bhfuil ‘amhráin agus rannta faoi cheithre shéasúr na bliana.’
  3. Foclóiropedia – leabhar mór maisithe a théann ar aistear teanga ‘ó arán go zú.’

Éist

Is í an éisteacht bunchloch na foghlama teanga agus cabhraíonn sí go mór linn focail a thuiscint agus a chur lenár stór focal féin. Tá líon mór áiseanna éisteachta ar fáil trí Ghaeilge agus molann muid úsáid a bhaint astu ar mhaithe le foghlaim chomhtháite a spreagadh. Seo thíos 3 áis éisteachta a mholann muid duit úsáid a chuirfidh le d’fhoghlaim fhéin agus foghlaim do pháistí.

  1. Podchraoladh Nuacht Mhall – podchraoladh úr ar leith ina léitear scéalta nuachta go mall i gcanúintí éagsúla na Gaeilge. Áis an-mhaith a chabhróidh go mór le foghlaim na foghraíochta agus na tuisceana.
  2. Leighleat.com – suíomh gréasáin den chéad scoth inar féidir scéalta a roghnú agus an téacs a leanúint agus é á léamh amach ag an am céanna. Áis fhíorúsáideach don duine fásta agus don duine óg atá forbartha ag an gComhairle um Oideachais Gaeltachta agus Gaelscolaíochta (COGG)
  3. Idir Mise agus Tusa – Sraith drámaíochta de chuid Meon Eile ‘ina bhfuil 10 n-agallamh beirte nuachumtha curtha i láthair ag páistí bunscoile ó achan chearn de Chúige Uladh.’ Sraith bhríomhar spleodrach í a bheadh an-mhaith don fhoghlaim éisteachta.

Scríobh

Ná déanaimis dearmad faoin tábhacht atá ag an scríbhneoireacht d’fhoghlaim teangacha go háirithe ó thaobh an litrithe de. Cabhraíonn an cleachtadh go mór linn scríbhneoireacht mhaith a sholáthar agus chun an intinn a chur ar an eolas faoi na modhanna is fearr le tabhairt faoi. Seo cúpla modh le feabhas a chur ar do chuid Gaeilge agus ar Ghaeilge do pháistí tríd an scríbhneoireacht.

  1. Turas na Scríbhneoireachta – sraith áiseanna é Turas na Scríbhneoireachta atá curtha le chéile ag an CCEA ó thuaidh. Tugtar cur síos céim ar chéim ar conas cineálacha éagsúla scríbhneoireachta a dhéanamh agus chun dea-chleachtais a leanúint agus tú á déanamh.
  2. Cleachtadh lena chéile – níl áis ag teastáil ón gceann seo. Níl gá ach ábhar a roghnú agus tús a chur leis an scríbhneoireacht! Déan 5 abairt i ndiaidh a chéile ar dtús agus ansin téigh siar  chun na botúin / rudaí maithe a aimsiú.
  3. Comórtais Scríbhneoireachta – bíonn eagraíochtaí éagsúla fud fad na tíre ag cur comórtas ar siúl do ghearrscéalta, filíocht agus eile. Is deis iontach í seo do chuid cumas sa scríbhneoireacht a léiriú don domhan mór. Coinnigh súil ar shuíomhanna gréasáin Áras Scríbhneoirí na hÉireann agus Leabhair Pháistí Éireann do thuilleadh eolais.

Léigh tuilleadh ábhar ó PEIG.ie anseo

Cláraigh do nuachtlitir PEIG

  • Conradh na Gaeilge
  • Foras na Gaeilge