Baile
Aoisghrúpaí
> 4 Bliain
Ainmneacha Gaeilge
Naíonraí
Ag úsáid Gaeilge le do pháistí
Ag tógáil páistí le Gaeilge taobh amuigh den Ghaeltacht
Ag Tógáil Páistí le Gaeilge sa Ghaeltacht
Tacaíocht, Seirbhísí agus Áiseanna
4 > 12 Bliain
Gaelscoileanna
Buntáistí Oideachais trí Ghaeilge
Coláistí Samhraidh
An Ghaelbhratach
Féilte
Tacaíocht, Seirbhísí agus Áiseanna
12 > 18 Bliain
Gaelcholáistí
Buntáistí Oideachais trí Ghaeilge
Coláistí Samhraidh
5 leid nuair atá tú ag dul chun na Gaeltachta
An Ghaelbhratach
Féilte
Ag úsáid d’ainm as Gaeilge
Tacaíocht, Seirbhísí agus Áiseanna
18 > 22 Bliain
Cumainn Ghaelacha & Aontais Mhac Léinn
Cúrsaí le Gaeilge ar an 3ú Leibhéal
Féilte
Tacaíocht, Seirbhísí agus Áiseanna
22+ Bliain
Gairmeacha le Gaeilge in Éirinn
Ag foghlaim na Gaeilge
Ranganna Gaeilge do Dhaoine Fásta
Glac Páirt sa Ghluaiseacht
Ciorcail Chomhrá | Caint & Comhrá
Féilte
Saoire sa Ghaeltacht
Tacaíocht, Seirbhísí agus Áiseanna
Ag labhairt Gaeilge le do gharpháistí
Pobal
Ar díol agus ar cíos sa Ghaeltacht
10 bhFáth le Clárú don Eolaire Gnó
Ciorcail Chomhrá | Caint & Comhrá
Sloinnte
An Ghaeltacht
Grúpaí Pobail
Na Lárionaid Ghaeilge
Na Ceanneagraíochtaí
Féilte
Seachtain na Gaeilge le Energia
Imeachtaí Ardú Feasachta
Leabhair Ghaeilge
An Chaint
Oifigigh Gaeilge i bhFeidhmeannacht na Seirbhíse Sláinte (FSS)
7 dtreoir le bheith níos sábháilte ar líne
Foghlaim
Ag foghlaim na Gaeilge
Naíonraí
Gaelcholáistí
Gaelscoileanna
An Ghaeilge i Scoileanna Béarla
Foghlaim Gaeilge mar dhuine fásta
Téarmaíocht agus Gramadach ar líne
Ranganna
Seirbhísí Gaeilge do Scoileanna
Cearta
Acht na dTeangacha Oifigiúla 2003
Cairt Eorpach do Theangacha Réigiúnacha & Mionlaigh
Straitéisí Gaeilge ó Thuaidh is ó Dheas
Seirbhísí ar fáil as Gaeilge
Glac Páirt sa Ghluaiseacht
Feachtasaíocht
Taighde Gaeilge
Ag úsáid Gaeilge le seirbhísí stáit
An Coimisinéir Teanga
6 fhorbairt teicneolaíoctha atá ó chainteoirí na Gaeilge
Fostaíocht
Gairmeacha le Gaeilge san Eoraip
Gairmeacha le Gaeilge in Éirinn
CV Samplach Gaeilge
Ag lorg poist leis an nGaeilge
Cé hiad na fostóirí Gaeilge is mó?
Comhairle agallaimh do phost le Gaeilge
Cúrsaí iarchéime Gaeilge do shaol an lae inniu
Cúrsaí bunchéime spéisiúla le Gaeilge
Folúntais
Físeáin: ‘Do Ghairm le Gaeilge’
Leabhrán Ghairmeacha le Gaeilge
5 leid d’fhísagallaimh
Ceisteanna Coitianta
airgead-breise-curtha-ar-fail-le-daoine-breise-a-earcu-chun-an-tacht-teanga-a-chur-i-bhfeidhm

Airgead breise curtha ar fáil le daoine breise a earcú chun an tAcht Teanga a chur i bhfeidhm

Tuairisc
| Tuairisc.ie | , ,

Tá maoiniú nua á chur ar fáil sa Bhuiséad le daoine breise a earcú sa státchóras chun dlús a chur le feidhmiú an Bhille Teanga atá le hachtú roimh dheireadh na bliana.

D’fhógair Aire Stáit na Gaeltachta go bhfuil maoiniú breise €200,000 le cur ar fáil don Choimisinéir Teanga faoi Bhuiséad 2022.

Fógraíodh chomh maith €500,000 breise do Roinn na Gaeltachta féin. Tuigtear do Tuairisc.ie go mbainfear úsáid as cuid den mhaoiniú sin chun breis foirne a earcú san aonad in oifigí na Roinne sna Forbacha atá ag plé leis an Acht Teanga.

Agus é ag labhairt ag preasócáid faoin mbuiséad inniu, dúirt an tAire Stáit Jack Chambers go raibh an t-airgead breise á fhógairt chun cabhrú leis an gCoimisinéir Teanga na dualgais bhreise a bheidh air nuair a achtófar an Bille Teanga nua a chomhlíonadh.

“Is féidir liom a fhógairt inniu go gcuirfear acmhainní breise ar fáil do mo Roinn féin agus d’Oifig an Choimisinéara Teanga araon in 2022 chun an reachtaíocht nua seo a chur i bhfeidhm agus chun a chumasú don Choimisinéir a chuid córas monatóireachta a neartú.”

Dúirt an Coimisinéir Teanga, Rónán Ó Domhnaill le Tuairisc.ie go bhfáilteodh sé roimh aon ardú ar bhuiséad a oifige agus gur “tús a bheadh ann leis an infheistíocht riachtanach bhreise a bheidh ag teastáil go leanúnach chun monatóireacht a dhéanamh ar an acht leasaithe”.

Nuair a thiocfaidh an t-acht nua i bhfeidhm, beidh dualgas ar an gCoimisinéir Teanga monatóireacht a dhéanamh ar achtanna eile seachas Acht na dTeangacha Oifigiúla lena dheimhniú go mbeifear ag cloí leis an méid atá iontu i dtaobh na Gaeilge.

Go dtí seo, ní raibh sé de chumhacht ag an gCoimisinéir fiosrúcháin a dhéanamh faoi achtanna eile ach sa chás go raibh gearán faighte ag a oifig.

Beidh ar an gCoimisinéir Teanga freisin an bhreis is 600 comhlacht poiblí a thagann faoi scáth Acht na dTeangacha Oifigiúla a chur ar an eolas maidir leis na dualgais nua a bheidh orthu faoin acht nua.

I measc na ndualgas breise a bheidh ar chomhlachtaí poiblí, leagfar síos gur cainteoirí Gaeilge a bheidh i 20% d’earcaigh nua na seirbhíse poiblí faoin mbliain 2030. Chomh maith leis sin, beidh ar gach oifig agus seirbhís stáit sa Ghaeltacht a bheith ábalta feidhmiú trí Ghaeilge agus beidh ar chomhlachtaí poiblí 20% dá bhfógraíocht a dhéanamh i nGaeilge gach bliain.

Chomh maith leis sin, beidh dualgas reachtúil ar chomhlachtaí poiblí aon ábhar margaíochta a scaipeann siad ar an bpobal a bheith i nGaeilge nó i mBéarla agus i nGaeilge agus beidh orthu a bheith in ann déileáil leis an síneadh fada in ainmneacha daoine.

Dúirt an tAire Stáit Chambers inniu go bhfuil súil aige go gcuirfear tús le Céim an tSeanaid, an chéad chéim eile in aistear an bhille trí Thithe an Oireachtais, ag tús mhí na Samhna.

Rinne an tAire Stáit cosaint freisin ar an méid a cuireadh ar fáil d’earnáil na Gaeilge sa bhuiséad a fógraíodh inné agus dúirt gur méadú 9% a bhí ann ón méid a cuireadh ar fáil i mBuiséad 2021.

Dúirt Conradh na Gaeilge gur ábhar díomá dóibhsean an méadú beag a bhí tagtha ar bhuiséad Fhoras na Gaeilge agus Údarás na Gaeltachta, ach dúirt an tAire Stáit gur fhág an €1.5 milliún breise a chuirfí ar fáil don Údarás in 2022 go raibh méadú 60% ar an maoiniú a bhí ag an eagraíocht sin i gcomparáid le 2019.

“Tugadh méadú suntasach breise don Údarás i mbliana le dul i ngleic leis na fadhbanna a chruthaigh an phaindéim dá gcuid cliantchomhlachtaí,” a dúirt an tAire Stáit.

“Tá an t-allúntas méadaithe sin coinnithe ag an Údarás sa mBuiséad seo – rud a dhéanfaidh difríocht ollmhór don eagraíocht agus iad ag pleanáil do na blianta amach romhainn.”

Níos mó

Cláraigh do nuachtlitir PEIG

  • Conradh na Gaeilge
  • Foras na Gaeilge