Baile
Aoisghrúpaí
> 4 Bliain
Ainmneacha Gaeilge
Naíonraí
Ag úsáid Gaeilge le do pháistí
Ag tógáil páistí le Gaeilge taobh amuigh den Ghaeltacht
Ag Tógáil Páistí le Gaeilge sa Ghaeltacht
Tacaíocht, Seirbhísí agus Áiseanna
4 > 12 Bliain
Gaelscoileanna
Buntáistí Oideachais trí Ghaeilge
Coláistí Samhraidh
An Ghaelbhratach
Féilte
Tacaíocht, Seirbhísí agus Áiseanna
12 > 18 Bliain
Gaelcholáistí
Buntáistí Oideachais trí Ghaeilge
Coláistí Samhraidh
5 leid nuair atá tú ag dul chun na Gaeltachta
An Ghaelbhratach
Féilte
Ag úsáid d’ainm as Gaeilge
Tacaíocht, Seirbhísí agus Áiseanna
18 > 22 Bliain
Cumainn Ghaelacha & Aontais Mhac Léinn
Cúrsaí le Gaeilge ar an 3ú Leibhéal
Féilte
Tacaíocht, Seirbhísí agus Áiseanna
22+ Bliain
Gairmeacha le Gaeilge in Éirinn
Ag foghlaim na Gaeilge
Ranganna Gaeilge do Dhaoine Fásta
Glac Páirt sa Ghluaiseacht
Ciorcail Chomhrá | Caint & Comhrá
Féilte
Saoire sa Ghaeltacht
Tacaíocht, Seirbhísí agus Áiseanna
Ag labhairt Gaeilge le do gharpháistí
Pobal
Ar díol agus ar cíos sa Ghaeltacht
10 bhFáth le Clárú don Eolaire Gnó
Ciorcail Chomhrá | Caint & Comhrá
Sloinnte
An Ghaeltacht
Grúpaí Pobail
Na Lárionaid Ghaeilge
Na Ceanneagraíochtaí
Féilte
Seachtain na Gaeilge le Energia
Imeachtaí Ardú Feasachta
Leabhair Ghaeilge
An Chaint
Oifigigh Gaeilge i bhFeidhmeannacht na Seirbhíse Sláinte (FSS)
7 dtreoir le bheith níos sábháilte ar líne
Foghlaim
Ag foghlaim na Gaeilge
Naíonraí
Gaelcholáistí
Gaelscoileanna
An Ghaeilge i Scoileanna Béarla
Foghlaim Gaeilge mar dhuine fásta
Téarmaíocht agus Gramadach ar líne
Ranganna
Seirbhísí Gaeilge do Scoileanna
Cearta
Acht na dTeangacha Oifigiúla 2003
Cairt Eorpach do Theangacha Réigiúnacha & Mionlaigh
Straitéisí Gaeilge ó Thuaidh is ó Dheas
Seirbhísí ar fáil as Gaeilge
Glac Páirt sa Ghluaiseacht
Feachtasaíocht
Taighde Gaeilge
Ag úsáid Gaeilge le seirbhísí stáit
An Coimisinéir Teanga
6 fhorbairt teicneolaíoctha atá ó chainteoirí na Gaeilge
Fostaíocht
Gairmeacha le Gaeilge san Eoraip
Gairmeacha le Gaeilge in Éirinn
CV Samplach Gaeilge
Ag lorg poist leis an nGaeilge
Cé hiad na fostóirí Gaeilge is mó?
Comhairle agallaimh do phost le Gaeilge
Cúrsaí iarchéime Gaeilge do shaol an lae inniu
Cúrsaí bunchéime spéisiúla le Gaeilge
Folúntais
Físeáin: ‘Do Ghairm le Gaeilge’
Leabhrán Ghairmeacha le Gaeilge
5 leid d’fhísagallaimh
Ceisteanna Coitianta
a-gcead-chruinniu-ag-teachtai-nuathofa-an-tionoil,-ach-an-dup-ag-bagairt-bac-ar-cheann-comhairle-a-thoghadh

A gcéad chruinniú ag Teachtaí nuathofa an Tionóil, ach an DUP ag bagairt bac ar Cheann Comhairle a thoghadh

| Tuairisc.ie | ,

Tá a gcéad chruinniú le bheith ag Teachtaí Thionól Stormont inniu i ndiaidh thoghchán stairiúil na seachtaine seo caite, ach ní léir go vótálfaidh an DUP chun Ceann Comhairle nua a thoghadh.

Dúirt Jeffrey Donaldson, ceannaire an DUP, gur maidin inniu a dhéanfaidh a pháirtí cinneadh faoi spéicéir a ainmniú.

Beidh Teachtaí an pháirtí i láthair in Stormont chun an rolla a shíniú, a dúirt Donaldson.

Tá toghadh an spéicéara ar an gcéad chúram atá ar na Teachtaí nuathofa agus is gá tacaíocht trasphobail chun an post a líonadh.

Ní bheadh an Tionól in ann feidhmiú ceal spéicéara.

Dúirt ceannaire Shinn Féin sa Tuaisceart, Michelle O’Neill nach raibh sé “sách maith” go raibh an tsochaí “i ngreim” ag an DUP.

Ní fhéadfaí glacadh le seasamh Jeffrey Donaldson agus a pháirtí, a dúirt O’Neill.

Deir an DUP nach bhfillfidh siad ar roinnt na cumhachta nó go ndéanfar na leasuithe atá uathu ar an bPrótacal iarBhreatimeachta.

Tá leisce orthu chomh maith dul i mbun rialtais le Sinn Féin agus an chéad-aireacht ag Michelle O’Neill, ceannaire an pháirtí sin.

Tá O’Neill i dteideal na céad-aireachta mar go bhfuil Sinn Féin ar an bpáirtí is mó sa Tionól i ndiaidh an toghcháin ach caithfidh an DUP tacú lena ceapachán agus leaschéad-aire a ainmniú iad chun go n-athbhunófaí an Feidhmeannas. 

Dúirt leascheannaire Pháirtí na Comhghuaillíochta, Stephen Farry go raibh “dualgas” ar an DUP spéicéir a ainmniú.

“D’uireasa spéicéir is ar éigean go dtarlóidh aon rud in aon chor. 

“Ó thaobh fheidhmiú an Tionóil, tá an dlí soiléir a dhóthain, is é an chéad chúram atá ar an Tionól spéicéir a thoghadh agus ina éagmais bheadh bac ar gach rud eile.

“Tá dualgas ar an DUP duine a chur in áit ionas gur féidir ar a laghad cuid d’fheidhmeanna bunúsacha an Tionóil a chur i gcrích. Bheadh sé thar a bheith mífhreagrach gan a leithéid a dhéanamh. 

“Tá muintir an Tuaiscirt ina bhfichillíní arís i gcluiche polaitiúil i bhfad níos mó,” arsa Farry. 

Dúirt ceannaire an UUP, Doug Beattie, gurbh é an rud ba lú a bheifí ag súil leis ná go dtoghfaí spéicéir.

Tá brú á chur ag rialtais na hÉireann, na Breataine agus Stáit Aontaithe Mheiriceá ar an DUP filleadh ar roinnt na cumhachta.

Dhiúltaigh Príomh-Aire na Breataine Boris Johnson gealltanas a thabhairt don Taoiseach Micheál Martin an tseachtain seo nach ndéanfaidh Rialtas na Breataine cinneadh aontaobhach an Prótacal iarBhreatimeachta a chur ar ceal.

Dúradh go raibh scéal an Phrótacail ag éirí “an-tromchúiseach”, go raibh dochar á dhéanamh do Chomhaontú Aoine an Chéasta agus gur léirigh toghchán Stormont nach bhféadfaí an Prótacal a fhágáil mar atá.

Mhaígh Johnson nach raibh an méid ba ghá déanta ag an gCoimisiún Eorpach chun dul i ngleic leis na fadhbanna eacnamaíochta agus polaitiúla a bhí, dar leis, á gcruthú ag an bPrótacal.

Dúradh go ndúirt Johnson leis an Taoiseach go ndéanfadh Rialtas na Ríochta Aontaithe gníomh chun an tsíocháin agus an tseasmhacht pholaitiúil a chosaint i dTuaisceart Éireann “sa chás nach bhféadfaí teacht ar réiteach”.

Ní raibh aon tagairt shonrach in Óráid na Banríona in Westminster Dé Máirt don reachtaíocht i dtaobh an Phrótacail atá dreáchtaithe ag Rialtas na Breataine ach bhí sé le tuiscint gur ag tagairt don dréachtreachtaíocht sin a bhíothas i gcuid áirithe den óráid ina leagtar amach clár reachtaíochta an Rialtais.

Dúirt Prionsa Charles na Breataine Bige, a thug an óráid thar ceann a mháthar go raibh “rath agus sláine” na Ríochta Aontaithe ar fad “fíorthábhachtach”, ag áireamh “na ceangail eacnamaíochta inmheánacha idir na codanna go léir di [an Ríocht Aontaithe]”.

Tuairiscítear go bhfaigheadh Rialtas na Breataine réidh go haontaobhach leis na seiceálacha ar earraí a sheoltar as an mBreatain go dtí Tuaisceart Éireann.

Cheadódh an reachtaíocht chomh maith do lucht gnó sa Tuaisceart neamhaird a dhéanamh ar rialacha an Aontais Eorpaigh agus bhainfeadh sí de Chúirt Bhreithiúnais na hEorpa an t-údarás rialú faoi cheisteanna a bhaineann leis an Tuaisceart.

Níos mó

Cláraigh do nuachtlitir PEIG

  • Conradh na Gaeilge
  • Foras na Gaeilge