‘Naoi gCeist’ le Manchán Magan
Tugann Manchán Magan freagraí dúinn anseo ar ár gceistneoir Naoi gCeist, atá bunaithe ar mhúnla an Cheistneora Proust.
Déanann an scríbhneoir, colúnaí agus craoltóir cur síos ar cathain a bhíonn sé is sona sásta, ar céard a chaitheann sé a chuid airgid, na leabhair is fearr leis agus níos mó.
Cathain a bhíonn tú is sona sásta? Nuair a bhím ag tochailt im gharraí, nó ag tabhairt aire dom crainn.
Cén duine a mhaireann an bhfuil an meas is mó agat orthu? Tá meas iontach mór agam ar chrógacht agus dílseacht Sinéad O’Connor. Braithim go raibh sí toilteanach rúin a scaoileadh agus an fhírinne a scaipeadh faoi rudaí a bhí faoi cheilt le fada. Bhí sí ionraic, dílis, cróga i gcónaí.
Céard é an só is mó ar a gcaitheann tú d’airgead? Cnónna. Is breá liom cnónna. D’íosfainn ó mhaidin go hoíche iad, dá bhféadfainn.
Cén sórt giúmar atá ort faoi láthair? Tá sceitimíní orm. Táim díreach tar éis trí sheachtain a chaitheamh le ceannairí agus saoithe bundúchasacha na hAstráile. Tá mo chroí agus m’anam lán go barr, agus mé ag súil anois leis an eolas agus an léargas a scaipeadh go poiblí.
Cén tréith is luachmhaire leat i gcara? Fonn grinn agus dearfacht.
Cén focail nó nathanna cainte a úsáideann tú rómhinic? Pé scéal é, ach go háirithe (tá sé deacair dom gan an dá abairt a shníomh le chéile, mar a dhein Nell Purge i gCorca Dhuibhne nuair a bhíos óg).
Ainmnigh cúpla rud a chuireann isteach ort? Diúltachas, cnáimhseáil agus aighneas.
Cé hiad na húdair/an leabhar is fearr leat? Is breá liom saothair an údair Kerri Ní Dochartaigh.
Dá bhféadfá rud amháin a athrú fút féin, céard a roghnófá? Dhéanfainn iarracht a bheith beagán níos réchúisí – gan a bheith i gcónaí chomh gnóthach agus dírithe ar rudaí a chur amach go tapa agus go beacht.
Go raibh míle maith ag Manchán as a chuid freagraí suimiúla.
Tuilleadh ón tsraith seo:
