Duais don úrscéal liteartha is fearr buaite ag Darach Ó Scolaí ag Oireachtas na Samhna
Tá an chéad duais sa rannóg ‘Úrscéal – Ficsean Liteartha’ do dhaoine fásta buaite ag an údar agus an foilsitheoir Darach Ó Scolaí ag Oireachtas na Samhna i gCill Airne. €3,000 a bhuaigh fear Indreabháin dá shaothar Bódléar, saothar atá le foilsiú faoi chlúdach crua ag Leabhar Breac go luath.
Úrscéal faoi fhile as iarthar na hÉireann a thugann aghaidh ar Chúirt Mhór na bhfilí i gcúige na Mumhan atá i Bódléar. Úrscéal a phléann leis an athrú a bhí ag teacht ar shaol agus ar chultúr na tuaithe ar fud na hEorpa san 19ú haois.
Tháinig Peadar Kirby as Co. Thiobraid Árann sa dara háit dá úrscéal siúd Misean go Peñiscola. €1,000 an duais a bronnadh ar Kirby. Bronnadh an duais do Bhuaicshaothar Próis na Bliana, agus €3,000, ar Dháithí Mac an Bhaird as Cill Dara.
Ba é Bronnadh Dhuaiseanna na gComórtas Liteartha an chéad ócáid a bhí ar siúl ag Oireachtas na Samhna 2024. Ba é an tAire Stáit don Ghaeltacht Thomas Byrne a d’oscail an fhéile go hoifigiúil agus a bhronn an duaischiste €30,000 ar bhuaiteoirí in 32 rannóg. Bhí ocht rannóg déag acu sin dírithe ar scríbhneoirí fásta agus ceithre rannóg déag dírithe ar scríbhneoirí óga.
“Is ábhar dóchais do thodhchaí na teanga é líon agus caighdeán na saothar nuascríofa a bhí istigh ar Chomórtais Liteartha na bliana seo agus díríonn ócáidí mar seo aird ar an bhfuinneamh agus ar an gcruthaitheacht bheo bhríomhar atá i measc ghlúin óg úr scríbhneoirí Gaeilge ach go háirithe,” a dúirt an tAire Byrne agus na gradaim á mbronnadh aige.
Ar dhuine eile de bhuaiteoirí na gComórtas Liteartha bhí colúnaí de chuid Tuairisc, Maitiú Ó Coimín, a thug leis an chéad duais sa chomórtas don iriseoireacht scríofa dá alt 35 bliain ó bunaíodh an Ghaeltacht Dhigiteach. Duais €500 a bhí luaite leis an gcomórtas sin.
Rinne Máirín Nic Dhonnchadha, Ceannasaí an Oireachtais, comhghairdeas le buaiteoirí uile na gComórtas Liteartha.
“Déanaim comhghairdeas ó chroí leis na scríbhneoirí ar fad a thug leo duaiseanna liteartha inniu. Táimid go mór faoi chomaoin ag na hurraithe ar fad a thacaíonn leis na comórtais liteartha gach bliain. Braitheann forás na nualitríochta Gaeilge ar dheiseanna agus ar thacaíochtaí leordhóthain a bheith ar fáil do scríbhneoirí, chun go mbeidh ar a gcumas iad féin a thumadh sa chruthaitheacht, agus do na foilsitheoirí leabhar a dtiteann tromlach an chúraim orthu na saothair a ullmhú do léitheoirí,” a dúirt sí.
BUAICSHAOTHAR PRÓIS NA BLIANA
Urraithe ag TG4
Duais: €3,000
Réabhlóid Oideachais Daithí Mac an Bhaird, Nás na Ríogh, Co. Chill Dara
COMÓRTAS A1: ÚRSCÉAL – FICSEAN LITEARTHA
An Chéad Duais: €3,000
Bódléar Darach Ó Scolaí, Indreabhán, Co. na Gaillimhe
An Dara Duais: €1,000
Misean go Peñiscola Peadar Kirby, Cloch Shiurdáin, Co. Thiobraid Árann
COMÓRTAS A2: FICSEAN DO DHAOINE ÓGA (9/10-12)
An Chéad Duais: €2,000
Lughaidh Leabhair Gabrielle Ní Mheachair, Wisconsin, Stáit Aontaithe Mheiriceá
COMÓRTAS A3: FICSEAN DO DHAOINE ÓGA (13-15)
An Chéad Duais: €2,000
Grete Éamonn Ó Loingsigh, Cnoc Tua, Baile an Chláir, Co. na Gaillimhe
COMÓRTAS A4: SAOTHAR PRÓIS
Duais: €1,250
An Té a Bhíonn ag Gáire… Louis de Paor, Uachtar Ard, Co. na Gaillimhe
COMÓRTAS A5: SAOTHAIR DO DHAOINE FÁSTA
An Chéad Duais: €2,000
Stáblaí Stiofáin Éamonn Ó Loingsigh, Cnoc Tua, Co. na Gaillimhe
An Dara Duais: €750
Paule Míne Mhic Cóil, Ráth Chairn, Co. na Mí
COMÓRTAS A6: CUR CHUN CINN NA GAEILGE
Maoinithe ag Conradh na Gaeilge i gcuimhne Lil Nic Dhonncha
Duais: €1,000
Iarrachtaí Coilínithe – Ráth Chairn agus Iarchonnachta 1985 Máire Nic Ghiolla Phádraig, Fothair an Choill, Baile Átha Cliath
COMÓRTAS A7: GEARRSCÉAL – DUAIS AN MHAOLÁNAIGH
Maoinithe ag Údarás na Gaeltachta
An Chéad Duais: €500
Beir an Solas leat Niall Ó Siadhail, An Cuarbhóthar Thuaidh, Baile Átha Cliath.
An Dara Duais: €250
An Tórramh Meiriceánach Micheál Ó Conghaile, An Spidéal, Co. na Gaillimhe.
COMÓRTAS A8: SCÉAL DÍRITHE AR DHÉAGÓIRÍ
Maoinithe ag Ard-Chomhairle Chumann Lúthchleas Gael
Duais: €500
Eimhin & Emily Éamonn Ó Loingsigh, Cnoc Tua, Baile an Chláir, Co. na Gaillimhe.
COMÓRTAS A9: DÁN
Maoinithe ag Éigse Éireann
Duais: €400
An Choinneal Pádraig de Bléine, An Lorgain, Co. Ard Mhacha.
COMÓRTAS A10: CNUASACH FILÍOCHTA
Maoinithe ag Bord Oideachais agus Oiliúna na Gaillimhe agus Ros Comáin, Chiarraí, Chorcaí, Dhún na nGall, Mhaigh Eo, Shligigh agus Liatroma
Duais: €1,500
Scáil an Chaorthainn Louis de Paor, Uachtar Ard, Co. na Gaillimhe.
COMÓRTAS A11: DRÁMA RAIDIÓ
Maoinithe ag Coimisiún na Meán.
Cairde go deo Fionnuala Ní Fhlatharta, Baile An tSléibhe, An Spidéal, Co. na Gaillimhe
An Dara Duais: €750
Teasargan Ré Ó Laighléis, Loch Reasca, Co. an Chláir
An Tríú Duais: €500
Tréigean Brian Ó Tiomáin, Cromghlinn, Baile Átha Cliath.
COMÓRTAS A12: DRÁMA AONGHNÍMH
Maoinithe ag Údarás na Gaeltachta
Duais: €750
Cuairteoir ar Scoil Éanna Brian Ó Tiomáin, Cromghlinn, Baile Átha Cliath.
COMÓRTAS A13:
Maoinithe ag an gCumann Scoildrámaíochta agus ag an Oireachtas
Duaischiste: €1,200
ROINN A – COMÓRTAS CUIMHNEACHÁIN AOIDH UÍ RUAIRC
An Chéad Duais: €400
An Chircín Rua Áine Ní Ghlinn, Ráth Fearnáin, Baile Átha Cliath.
ROINN B – COMÓRTAS CUIMHNEACHÁIN CARMEL NÍ BHOLGUIDHIR
An Chéad Duais: €400
An Maistín Alan Titley, Glas Naíon, Baile Átha Cliath.
ROINN C – COMÓRTAS CUIMHNEACHÁIN DHONNCHA UÍ SHÚILLEABHÁIN
An Chéad Duais: €400
An Tinneall Ama Ray Mac Mánais, Baile Mhic Líon, Co. na Mí.
COMÓRTAS A14: SAOTHAR SPIORADÁLTACHA / CREIDIMH / ÁBHAR MARANA
Maoinithe ag An Timire – Foilseacháin Ábhair Spioradálta
Duais: €750
Lá Breithe Alan Titley, Glas Naíon, Baile Átha Cliath.
COMÓRTAS A15: IRISEOIREACHT
An Chéad Duais: €500
35 bliain ó bunaíodh an Ghaeltacht Dhigiteach Maitiú Ó Coimín, Na hAille, Co. na Gaillimhe
An Dara Duais: €300
Mórchuid turasóireachta, gannchuid tithíochta Tomaí Ó Conghaile, An tIúr, Co. Ard Mhacha.
An Tríú Duais: €200
An Dá Imirce Alan Titley, Glas Naíon, Baile Átha Cliath.
COMÓRTAIS LITEARTHA DON SCRÍBHNEOIR ÓG
COMÓRTAS B1: GREANNÁN (RANG 3 – Bunscoileanna Lán-Ghaeilge & Gaeltachta)
Maoinithe ag Gaeloideachas
An Chéad Duais: €75
Míla agus an Mála Síona Ní Bhaoighill, Ard Aidhin, Baile Átha Cliath.
An Dara Duais: €50
An Clóca Draíochta Eleanor Marascal, Baile an Mhuir, Inis Meáin, Co na Gaillimhe.
COMÓRTAS B2: GREANNÁN (RANG 4 – Bunscoileanna Lán-Ghaeilge & Gaeltachta)
Maoinithe ag Gaeloideachas
An Chéad Duais: €75
Ollphéist na Mara Cillian Ó hUrmholtaigh, Gaelscoil Uí Riordáin, Carraig an Earra, Co. Chorcaí
An Dara Duais: €50
An Madra Fiáin Eve Nic Giolla Bríde, Gaelscoil Thaobh na Coille, Baile Átha Cliath.
COMÓRTAS B3: GREANNÁN (RANG 5 – Bunscoileanna Lán-Ghaeilge & Gaeltachta)
Maoinithe ag Gaeloideachas
An Chéad Duais: €75
Burgar ag Traenáil Chun Dul go Spás Eabhan Ó Cathasaigh, Gaelscoil Mhainistir na Corann Bán, Co. Chorcaí
An Dara Duais: €50
Stoirm Scanrúil Seán Ó hAnracháin, Gaelscoil Mhainistir na Corann Bán, Co. Chorcaí.
COMÓRTAS B4: GREANNÁN (RANG 6 – Bunscoileanna Lán-Ghaeilge & Gaeltachta)
Maoinithe ag Gaeloideachas
An Chéad Duais: €75
An Boipéad Torin Ó Baoighill, Ard Aidhin, Baile Átha Cliath 5
An Dara Duais: €50
An Sár-Phiongain Michelle Ní Fhátharta, Inis Meáin, Co. na Gaillimhe
COMÓRTAS C1: SCRIPT GHEARRSCANNÁIN NÓ GREANNÁN (Bliain 1,2,3 – Iarbhunscoileanna Lán Ghaeilge & Gaeltachta)
Maoinithe ag Gaeloideachas
An Chéad Duais: €150
Seán agus an Chumhacht Ollmhór Cormac Ó Leathlabhair & Cathal Ó Seighinn, Scoil Chaitríona, Glas Naíon, Baile Átha Cliath.
An Dara Duais: €100
Ar Scáth a Chéile a Mhaireann na Daoine Mánus Ó Baoighill, Ard Aidhin, Baile Átha Cliath.
COMÓRTAS C2: SCRIPT GHEARRSCANNÁIN NÓ GREANNÁN (Bliain 4,5,6 – Iarbhunscoileanna Lán-Ghaeilge & Gaeltachta)
Maoinithe ag Gaeloideachas
An Chéad Duais: €150
An Saga Niall Seán Ó Meadhra, Coláiste na Tulchann, Baile Átha Cliath.
An Dara Duais: €100
Scaradh Fionnán Ó Baoighill, Ard Aidhin, Baile Átha Cliath.
COMÓRTAS C3: PRÓS (FAOI 18)
Maoinithe ag Ard-Chomhairle Chumann Lúthchleas Gael
An Chéad Duais: €300
Michéal Ó Muircheartaigh- Ard-Rí Chumann Lúthchleas Gael Chloe Ní Chonghaile, Coláiste Naomh Eoin, Inis Meáin, Co. na Gaillimhe
An Dara Duais: €200
An Síochánach Finín Ó Conaill, Lios a’ Chraosaigh, Co. Chorcaí
COMÓRTAS C4: IRISEOIREACHT (FAOI 18)
Maoinithe ag LeabhairCOMHAR
An Chéad Duais: €200
Fáilte na Maighdine Muire Neans Nic Dhonncha, An Cheathrú Rua, Co. na Gaillimhe.
An Dara Duais: €100
An Eite Dheis go hIdirnáisiúnta Eimear Nic Dhonnchadha, An Cheathrú Rua, Co. na Gaillimhe
COMÓRTAS C5: FICSEAN (FAOI 18)
An Chéad Duais: €200
An tLéine Nár Aistrigh Buachaill Mánus Ó Baoighill, Ard Aidhin, Baile Átha Cliath.
COMÓRTAS C6: FILÍOCHT (FAOI 18)
An Chéad Duais: €200
Lá Scoile Java Fionnán Ó Baoighill, Ard Aidhin, Baile Átha Cliath.
An Dara Duais: €100
Mo Theach Lego Aodhán Glas, Machaire Rátha, Co. Dhoire
COMÓRTAS D1: PRÓS (MIC LÉINN FOCHÉIME)
Maoinithe ag Ard-Chomhairle Chumann Lúthchleas Gael
COMÓRTAS D2: IRISEOIREACHT (MIC LÉINN FOCHÉIME)
Maoinithe ag Gaeltacht UCD, Ionad Domhanda don Teanga agus don Chultúr
An Chéad Duais: €200
Gráinne Yeats agus athbheochan na cláirseoireachta Damhnait Ní Fhátharta, Na hAille, Co. na Gaillimhe.
An Dara Duais: €100
Cearta Neamháirithe: Athchóiriú de dhíth? Liam Ó hÓgáin, Dún Chaoin, Co. Chiarraí.
COMÓRTAS D4: FILÍOCHT (MIC LÉINN FOCHÉIME)
Maoinithe ag Ionad na Gaeilge Labhartha, Coláiste na hOllscoile Corcaigh
An Chéad Duais: €300
An Nádúr a Tréigeadh Sibéal Ní Ógáin, Baile na Rátha, Co. Chiarraí
An Dara Duais: €200
Cúl an Tí Liam Ó hAnnagáin, Ráth Maoláin, Co. Dhún na nGall
