Boycat: uirlis nua iontach do shiopadóirí eiticiúla
Tá aip nua ar fáil a chuireann ar chumas daoine siopadóireacht a dhéanamh ar bhealach níos eiticiúla.
Boycat is ainm don aip scanála agus taighde lenar féidir leat táirgí agus gnólachtaí a sheiceáil roimh ré ionas go mbeidh tú in ann cinntí níos eolasaí a dhéanamh faoin mhéid a cheannaíonn tú.
Níl le déanamh ach barrachód táirge a scanadh agus gheobhaidh tú eolas faoin earra féin agus faoin chomhlacht a chruthaigh é, eolas a bhaineann le cleachtas soláthair an chomhlachta agus faoi cé acu atá nó nach bhfuil siad páirteach i gcleachtais chonspóideacha.
Cuireann Boycat sonraí ar fáil faoi ghnólachtaí a bhféadfadh baint a bheith acu le sáruithe ar chearta daonna, leis an scrios ar an chomhshaol nó le mí-úsáid a gcuid oibrithe.
Tá an aip anois ina comhpháirtí oifigiúil de chuid na gluaiseachta BDS (Baghcat, Dífheistiú, Smachtbhannaí), rud a fhágann go mbeidh tú in ann a chinntiú nach mbíonn aon bhaint ag na táirgí a cheannaíonn tú le comhlachtaí a ghlacann páirt sa slad ar mhuintir na Palaistíne.
Tá Boycat ar fáil le híoslódáil ar ghléasanna Android agus táthar ag súil go mbeidh sé ar fáil ar iOS go luath chomh maith.
Is féidir le húsáideoirí a bpróifíl féin a chruthú, spriocanna eiticiúla a leagan síos agus páirt a ghlacadh i bhfoirne áitiúla chun dul i bhfeidhm ar an mhargadh trí ghníomhartha comhchoiteanna.
Tá tuilleadh eolais le fáil anseo: https://www.boycat.io/
Ní neart go cur le chéile!
The post Boycat: uirlis nua iontach do shiopadóirí eiticiúla appeared first on NÓS.
