Tá an tEarrach linn, nach mór, agus tá Oifig na Gaeilge ar bís le sraith imeachtaí a fhógairt do Sheachtain na Gaeilge agus Lá Fhéile Pádraig, a bheidh dírithe ar an nGaeilge a chur chun cinn agus oidhreacht shaibhir chultúir na tíre a cheiliúradh.
Mar chuid de Sheachtain na Gaeilge, a bheidh ar siúl ón 1-17 Márta, beidh gníomhaíochtaí éagsúla ann arb é is aidhm dóibh an fhoireann agus an pobal araon a mhealladh i dtreo na Gaeilge. I measc na mbuaicphointí, beidh:
- Ceardlanna Gaeilge: Seisiúin idirghníomhacha a bheidh oiriúnach do dhaoine ar gach leibhéal scile, ag díriú ar chomhrá na Gaeilge agus ar úsáid phraiticiúil na Gaeilge sa saol laethúil.
- Imeachtaí Cultúir: Léirithe ceoil agus damhsa traidisiúnta, agus seisiúin ghrinn i nGaeilge chun rannpháirtithe a thumadh i gcultúr na hÉireann.
- Tionscnaimh Phobail: Comhoibriú le grúpaí pobail áitiúla chun an Ghaeilge a chur chun cinn ag rith spraoi maidine agus ag Pop-Up Gaeltacht le Ceol.
An 17 Márta, déanfaimid Lá Fhéile Pádraig a cheiliúradh le dhá pharáid áitiúla i nDún Laoghaire agus sa Chéim, a bheidh mar léiriú ar an tiomantas atá againn don Ghaeilge agus don chultúr Gaelach. Iarraimid ar gach duine a bheith linn chun Seachtain na Gaeilge agus Lá Fhéile Pádraig a cheiliúradh, agus an Ghaeilge a chur chun cinn ina saol laethúil.
