Home
Age Groups
Age Group > 4
Irish Names
Playgroups
Using Irish with your Children
Raising Children with Irish Outside the Gaeltacht
Raising Children through Irish in the Gaeltacht
Support, Services & Facilities
Age Group 4 > 12
All-Irish Primary Schools
Benefits of All-Irish Education
Summer Colleges
The Gaelbhratach
Festivals
Support, Services & Facilities
Benefits of All-Irish Education
Age Group 12 > 18
All-Irish Secondary Schools
Benefits of All-Irish Education
Summer Colleges
The Gaelbhratach
Festivals
Using Your Irish Name
Benefits of All-Irish Education
Support, Services & Facilities
Age Group 18 > 22
Irish Societies & Student Unions
Learn Irish: 18-22 year olds
Irish Third Level Courses
Festivals
Support, Services & Facilities
Age Group 22+
Careers With Irish
Classes for Adults
Get Involved
Conversation Circles
Festivals
Support, Services & Facilities
Speaking to Your Grandchildren
Community
Conversation Circles
The Gaeltacht
Community Groups
Irish Language Centres
Sloinne
5 Tips
Organisations
Festivals
Seachtain na Gaeilge
Awareness Events
Irish Language Books
Learn
Learn Irish
Playgroups
All-Irish Secondary Schools
All-Irish Primary Schools
Irish in English Speaking Schools
Irish Classes for Adults
Irish Classes
Irish Services for Schools
Benefits
Rights
The Official Languages ​​Act 2003
The European Charter for Minority Languages
The 20 Year Strategy in the North
Services Available in Irish
Get Involved with Conradh na Gaeilge
Campaigns
Research and Submissions
Using Irish State Services
Irish Language Commissioner
Working With Irish
Irish language jobs (Europe)
Irish language jobs (Ireland)
Jobs
Irish Language Careers Booklet
Jobs
  • Home
  • Film
  • Tá neart buanna ag Ed Sheeran ach níl an aisteoireacht ar cheann acu
<a-href="https://nos.ie"-class="credit-nos"-target="-blank"-rel="noopener-noreferrer"></a>-ta-neart-buanna-ag-ed-sheeran-ach-nil-an-aisteoireacht-ar-cheann-acu

Tá neart buanna ag Ed Sheeran ach níl an aisteoireacht ar cheann acu

Le tamall anuas bhí mé le liosta de na scannáin a bhí mé ag iarradh a fheiceáil an samhradh seo a chuir le chéile. D’athraigh sé i gcónaí ach bhí scannán amháin ag barr an liosta — Yesterday. 

Ó mhí Feabhra nó mar sin, bhí ábhar poiblíochta feicthe agam chuile áit le haghaidh scannán nua Danny Boyle agus Richard Curtis, a bhfuil ceol ó The Beatles ann. Is maith liom Richard Curtis, is breá liom Danny Boyle, agus is aoibhinn liom The Beatles. Bhí mé ar bís. 

Mar sin, bhí mé ag dul isteach sa scannán seo ag súil le teacht amach ina dhiaidh le gliondar ar mo chroí, ag canadh ‘Here Comes The Sun’ in ard mo ghutha an bealach ar fad abhaile. Ach ina áit sin, tháinig mé amach as an bpictiúrlann agus díomá ar mo chroí  — ach mé fós ag canadh ‘Here Comes The Sun’, mar is amhrán deas é agus bhí an aimsir go breá. 

Ní hé go bhfuil an scannán seo go dona, níl ann ach nach bhfuil aon chroí ná anam ann. Rud a chuir ionadh orm, mar bhí na heilimintí ar fad ann. Tá an scéal sách suimiúil — leantar an t-amhránaí agus an scríbhneoir Jack Malik (Himesh Patil), agus a bhainisteoir/tiománaí/cara Ellie (Lilly James) agus iad ag iarradh réalta ceoil a dhéanamh de Jack. 

Níl ag éirí leo go dtí go ndúisíonn Jack suas tar éis timpiste agus foghlaimíonn sé gurb eisean an t-aon duine ar domhan gur cuimhin leis The Beatles. Mar sin, socraíonn sé ar amhráin Lennon agus McCartney a thaifead mar a chuid amhráin féin, agus baineann sé clú agus cáil amach mar gheall orthu. 

As sin, téann an scannán sa treo ina mbeadh tú ag súil leis, ach gan aon draíocht, cruthaitheacht ná spraoi. Fiú an scéal grá, rud atá Curtis an-mhaith a scríobh, níor chuir mé aon suim ann.

Níor airigh mé go raibh aon charachtair réalaíoch, mar sin níor thréaslaigh mé le Jack agus a chuid rún. Go deimhin, níor thaitin Jack liom ar chor ar bith, rud atá tábhachtach do phríomhcharachtar i scannán mar seo. Ní chuirim an milleán ar Himesh Patil anseo, cé gurb é seo an chéad phríomhscannán aige. Cuirim an milleán ar an scríbhneoireacht. 

Mar a deir mé, áfach, ní drochscannán é seo. Tá cúpla radharc barrúil ann agus tá Patil in ann canadh, bail ó Dhia air. Tá an aisteoireacht go maith den chuid is mó, Lily James agus Kate McKinnon ach go háirithe, agus déanann Sanjeev Baskar, Alexander Arnold agus Joel Fry an méid agus is féidir leo leis an méid a tugadh dóibh. 

Agus breathnaigh, tá an ceol thar cionn. Fiú amhráin Ed Sheeran, cuireann siad leis an scannán an méid céanna is a chuireann amhráin The Beatles. Ach is aisteoir fíordhona é. Caithfidh sé go ndúirt Ed le duine éigin go raibh sé ag iarradh bheith ina aisteoir agus tugadh an iomarca dó le déanamh anseo, agus faraor, an t-aon rud a léirigh sé ná nach bhfuil bua na haisteoireachta aige. Neart buanna eile, ach ní aisteoireacht.

Níor lua mé Danny Boyle, stiúrthóir an scannáin fós, agus tugann sé sin le fios an laghad a chuaigh a chuid stiúrthóireachta i bhfeidhm orm anseo. Níl aon chruthaitheacht in aon radharc, agus ní airíonn sé ar nós gur fhág sé a lorg ar aon rud.  

Bhí mé ag súil le trí rud ón scannán seo ar a laghad: an chruthaitheacht ó Danny Boyle; an croí ó Richard Curtisl agus an ceol ó The Beatles. Ach ní bhfuair mé ach gné amháin acu siúd — an ghné a mhair in ainneoin an scannán seo.

Níos mó

Sign up for the PEIG newsletter

  • Conradh na Gaeilge
  • Foras na Gaeilge