Home
FAQ's
Age Groups
Age Group > 4
Irish Names
Playgroups
Using Irish with your Children
Raising Children with Irish Outside the Gaeltacht
Raising Children through Irish in the Gaeltacht
Support, Services & Facilities
Age Group 4 > 12
All-Irish Primary Schools
Benefits of All-Irish Education
Summer Colleges
The Gaelbhratach
Festivals
Support, Services & Facilities
Benefits of All-Irish Education
Age Group 12 > 18
All-Irish Secondary Schools
Benefits of All-Irish Education
Summer Colleges
The Gaelbhratach
Festivals
Using Your Irish Name
Benefits of All-Irish Education
Support, Services & Facilities
Age Group 18 > 22
Irish Societies & Student Unions
Learn Irish: 18-22 year olds
Irish Third Level Courses
Festivals
Support, Services & Facilities
Age Group 22+
Careers With Irish
Classes for Adults
Get Involved
Conversation Circles
Festivals
Support, Services & Facilities
Speaking to Your Grandchildren
Community
Conversation Circles
The Gaeltacht
Community Groups
Irish Language Centres
Sloinne
5 Tips
Organisations
Festivals
Seachtain na Gaeilge
Awareness Events
Irish Language Books
Learn
Learn Irish
Playgroups
All-Irish Secondary Schools
All-Irish Primary Schools
Irish in English Speaking Schools
Irish Classes for Adults
Irish Classes
Irish Services for Schools
Benefits
Rights
The Official Languages ​​Act 2003
The European Charter for Minority Languages
The 20 Year Strategy in the North
Services Available in Irish
Get Involved with Conradh na Gaeilge
Campaigns
Research and Submissions
Using Irish State Services
Irish Language Commissioner
Working With Irish
Irish language jobs (Europe)
Irish language jobs (Ireland)
Jobs
Irish Language Careers Booklet
Jobs
  • Home
  • National
  • Ar a iarratas féin a baineadh próifíl príomhoide de shuíomh Shinn Féin
<a-href="https://tuairisc.ie"-class="credit-tuairisc"-target="-blank"-rel="noopener-noreferrer"></a>-ar-a-iarratas-fein-a-baineadh-proifil-priomhoide-de-shuiomh-shinn-fein

Ar a iarratas féin a baineadh próifíl príomhoide de shuíomh Shinn Féin

Is ar a iarratas féin a baineadh de shuíomh idirlín de chuid Shinn Féin próifíl de Thomás Ó Searcaigh, príomhoide Choláiste Chú Chulainn i gContae Lú.

Tá Ó Searcaigh, atá ina chomhairleoir contae do Shinn Féin chomh maith, ag plé faoi láthair leis an aighneas mór atá ar siúl faoi stádas Choláiste Lú, an t-aonad Gaeilge i gColáiste Chú Chulainn.

Tuairiscíodh níos luaithe an tseachtain seo gur baineadh de shuíomhanna idirlín éagsúla tagairtí do Choláiste Lú, ina measc na tagairtí a bhí i próifíl Uí Shearcaigh ar shuíomh idirlín Shinn Féin i gcontae Lú.

Dúirt Tomás Ó Searcaigh i ráiteas a cuireadh ar fáil do Tuairisc.ie tráthnóna gur baineadh anuas a phróifíl de shuíomh Shinn Féin ar iarratas uaidh féin mar gheall gur úsáideadh an pictiúr a bhí ann gan chead.

“D’iarr mé go ndéanfaí é sin mar go raibh ceisteanna ann maidir le mo phictiúr a bheith á úsáid sa dearadh a bhí ar bhileog eolais/póstaer a rinneadh gan chead,  agus mar gheall [ar a thionchar sin] ar mo stádas mar Chomhairleoir Contae agus m’obair ghairmiúil.

“Tá comhoibriú á lorg agam ó fhoireann agus ó oifigigh Shinn Féin chun an scéal sin a fhiosrú,” a dúirt Tomás Ó Searcaigh tráthnóna.

Dheimhnigh Tomás Ó Searcaigh agus Sinn Féin le Tuairisc.ie inniu go bhfuil sé ina bhall den pháirtí sin i gcónaí.

Tugadh le fios freisin go bhfuil iarrtha ag Ó Searcaigh ar Shinn Féin fiosrúchán a chur ar bun  maidir leis an mhí-úsáid a deir sé a baineadh as a phróifíl ar shuíomh an pháirtí.

Tá an príomhoide agus comhairleoir contae de chuid Shinn Féin sáite i gconspóid le roinnt seachtainí anuas mar gheall an tsáinn ina bhfuil an t-aonad lán-Ghaeilge, Coláiste Lú, aonad atá faoi chúram Choláiste Chú Chulainn.

Tá tuismitheoirí agus daltaí de chuid Choláiste Lú i mbun agóide ó thús na míosa chun a míshástacht a chur in iúl faoina laghad ábhar atá á dteagasc trí mheán na Gaeilge sa scoil agus cuireadh picéad ar oifigí LMETB, Bord Oideachais agus Oiliúna Lú agus na Mí.

Mhaígh an grúpa tuismitheoirí an tseachtain seo go bhfuil iarracht ar bun Coláiste Lú “a ghlanadh” den saol i ndiaidh gur baineadh ainm an aonaid Ghaeilge ó shuíomhanna éagsúla, suíomh na scoile, suíomh an LMETB agus an suíomh de chuid Shinn Féin ina measc.

Tá Gerry Adams, iaruachtarán Shinn Féin agus Teachta Dála de chuid an pháirtí i gcontae Lú, i measc na bpolaiteoirí a bhfuil tacaíocht léirithe acu do  thuismitheoirí agus do dhaltaí Choláiste Lú.

Dúirt Adams chomh maith nár chóir ceist phearsanta a dhéanamh den scéal, ná aon iarracht a dhéanamh míchlú a tharraingt ar aon duine, príomhoide na scoile, Tomás Ó Searcaigh, san áireamh.

Tuairiscíodh ar an suíomh seo ar maidin go bhfuil cás conspóideach Choláiste Lú, an t-aonad Gaeilge i gColáiste Chú Chulainn, anois á fhiosrú ag an gCoimisinéir Teanga.

Níos mó

Méabh Ní Thuathaláin

Sign up for the PEIG newsletter

  • Conradh na Gaeilge
  • Foras na Gaeilge