Home
FAQ's
Age Groups
Age Group > 4
Irish Names
Playgroups
Using Irish with your Children
Raising Children with Irish Outside the Gaeltacht
Raising Children through Irish in the Gaeltacht
Support, Services & Facilities
Age Group 4 > 12
All-Irish Primary Schools
Benefits of All-Irish Education
Summer Colleges
The Gaelbhratach
Festivals
Support, Services & Facilities
Benefits of All-Irish Education
Age Group 12 > 18
All-Irish Secondary Schools
Benefits of All-Irish Education
Summer Colleges
The Gaelbhratach
Festivals
Using Your Irish Name
Benefits of All-Irish Education
Support, Services & Facilities
Age Group 18 > 22
Irish Societies & Student Unions
Learn Irish: 18-22 year olds
Irish Third Level Courses
Festivals
Support, Services & Facilities
Age Group 22+
Careers With Irish
Classes for Adults
Get Involved
Conversation Circles
Festivals
Support, Services & Facilities
Speaking to Your Grandchildren
Community
Conversation Circles
The Gaeltacht
Community Groups
Irish Language Centres
Sloinne
5 Tips
Organisations
Festivals
Seachtain na Gaeilge
Awareness Events
Irish Language Books
Learn
Learn Irish
Playgroups
All-Irish Secondary Schools
All-Irish Primary Schools
Irish in English Speaking Schools
Irish Classes for Adults
Irish Classes
Irish Services for Schools
Benefits
Rights
The Official Languages ​​Act 2003
The European Charter for Minority Languages
The 20 Year Strategy in the North
Services Available in Irish
Get Involved with Conradh na Gaeilge
Campaigns
Research and Submissions
Using Irish State Services
Irish Language Commissioner
Working With Irish
Irish language jobs (Europe)
Irish language jobs (Ireland)
Jobs
Irish Language Careers Booklet
Jobs
<a-href="https://tuairisc.ie"-class="credit-tuairisc"-target="-blank"-rel="noopener-noreferrer"></a>-‘ni-doigh-go-bhfacthas-a-leitheid-de-thinte-ealaine-sa-spideal-cheana’

‘Ní dóigh go bhfacthas a leithéid de thinte ealaíne sa Spidéal cheana’

Caolseans gur dhíbir an tine mhór is na lóchrainn a bhí lasta an fuacht as cnámha na ndaoine a bhí bailithe ag Seanchéibh an Spidéil tráthnóna aréir, ach is cinnte gur bhain an slua mór a bhí i láthair sult as an ócáid a eagraíodh mar chuid de shearmanas oscailte Gaillimh 2020.

Go gairid i ndiaidh a sé a chlog, agus an ghealach ag lonradh go fann sa spéir, tháinig an banna Dris-Óg chun stáitse le tús a chur leis an spraoi. Scoláirí as Coláiste Chroí Mhuire sa Spidéal a bhunaigh an banna seo cúpla bliain ó shin.

Tá siad an-dílis don Ghaeilge agus i measc na n-amhrán a chas siad aréir bhí ceann dá gcuid féin, ‘Réabhlóid’, chomh maith lena leagan de ‘Stand By Me’, ar a dtugann siad ‘Labhair Í’.

Bhí lucht eagraithe na hócáide i mbun oibre ó mheán lae inné ag feistiú stáitse gar do cheann na seanchéibhe.

Bhí neart fear slándála ar an láthair, iad sách préachta ag breathnú. I sráidbhaile an Spidéil ní raibh chuile dhuine cinnte céard go díreach a bhí ag tarlú. Cé go raibh roinnt póstaer crochta le tamall is bratacha ildaite Gaillimh 2020 ar foluain, bhí daoine den tuairim go bhféadfaí an scéal a scaipeadh níos fearr.

Ach níor stop an aimsir ná an easpa réamheolais na daoine ó ghabháil ag an ócáid. Bhí go leor de mhuintir na háite i láthair, tuismitheoirí lena gcuid gasúr agus cuairteoirí. Bhí siad ann as an Mhalae, an Bhriotáin  agus an Ghearmáin.

Pictiúr: Seán Ó Mainnín/Tuairisc.ie

An tine téama na hoíche agus ní raibh a gcuid casta ag Dris-Óg nuair a tháinig na drumadóirí. Mháirseáil na scórtha acu amach as an dorchadas i dtreo an stáitse, iad ag lascadh a gcuid drumaí agus á dtionlacan ag lucht na lóchrann. Is iomaí sin uair fhada atá caite ag na rannpháirtithe seo ag cleachtadh i gColáiste Chonnacht sa Spidéal chuile Shatharn le roinnt seachtainí anuas faoi stiúir Wonder Works, an chuideachta a bhí freagrach as an searmanas oscailte ag Cluichí Oilimpeacha 2012 i Londain.

Ba í an craoltóir Síle Nic Chonaonaigh a bhí ina bean an tí faoin aer aréir agus ise a d’aithris an dán ‘An tEarrach Thiar’ le Máirtín Ó Direáin – a guth á iompar ag an ngaoth chomh fada le hÁrainn féin, b’fhéidir. Tá línte an dáin sin ‘Currach lán éisc ag teacht chun cladaigh ar órmhuir mhall i ndeireadh lae’ greanta ar an sféar miotail inar lasadh an tine mhór ag searmanas na hoíche aréir.

Tháinig na tinte ealaíne ar cheann na céibhe aniar aduaidh ar dhaoine. Cé go bhfuil neart taithí ag muintir chontae is chathair na Gaillimhe ar thaispeántais den chineál seo ó tháinig Macnas ar an saol, baineadh geit agus cnead as a raibh i láthair. Ní dóigh go bhfacthas a leithéid sa Spidéal cheana.

Chomh luath is a chríochnaigh na tinte ealaíne, thosaigh roinnt den slua ag déanamh a mbealach abhaile. B’fhéidir go raibh daoine den tuairim go raibh deireadh leis an ócáid nó b’fhéidir go raibh an ceann is fearr faighte ag an bhfuacht orthu. Ach is gearr go raibh an banna rac Rofi James, as Gaillimh, ar stáitse is iad ag iarraidh an slua a théamh. Is ar éigean go raibh siad in ann a gcuid gléasanna ceoil a chasadh leis an bhfuacht, a dúirt an t-amhránaí, ach ina ainneoin sin chas siad a gcuid amhrán bríomhar.

Pictiúr: Seán Ó Mainnín/Tuairisc.ie

Leanfar leis an Turas Tine in oirthear na Gaillimhe ar feadh na seachtaine:  i dTuaim a bheas siad anocht; i mBéal Átha na Sluaighe amárach; i bPort Omna ar an Déardaoin agus i mBaile Átha an Rí ar an Aoine. Ar an Satharn a bheas an Searmanas Oscailte do Gaillimh 2020 ar bun ag a 6 tráthnóna ar an Pháirc Theas ar an gCladach i gCathair na dTreabh. Go mbaine muid uilig sult as imeachtaí Ghaillimh 2020.

Níos mó

Ciarán Ó Cualáin

Sign up for the PEIG newsletter

  • Conradh na Gaeilge
  • Foras na Gaeilge