5 leid do do mheabhairshláinte agus tú sa bhaile

Téigh amach faoin ngrian – déan aclaíocht

Gach maidin moltar do chuid géag a shearradh tar éis duit éirí ón leaba. Coinníonn an cleachtas seo na matáin solúbtha agus mar aon leis sin cabhraíonn leis an gcolainn agus leis an intinn múscailt i gceart. Tá eolas faoi na cineálacha searrtha atá amuigh ansin agus faoi conas cúpla ceann bunúsach a dhéanamh anseo.

Déanann cleachtaí domhainanálaithe an-difear don intinn nuair atáthar ag ullmhú don lá.

Tá roinnt cineálacha cleachtaí amuigh ansin a bhfuil tionchair éagsúla acu ar an gcorp. Lena linn déan iarracht machnamh a dhéanamh faoin méid a thit amach sa lá nó faoin méid atá os do chomhair roimh thús ceart an lae. Tar éis an dá nóiméad sin de chleachtaí beidh tú breá réidh dul i do choladh ná le héirí i gceart ón leaba.

Tabhair aire dá chéile

Ba chóir dúinn aire a thabhairt dá chéile i gconaí, go háirithe agus muid ag dul tríd an tréimhse dhúshlánach seo os ár gcomhair. Is dócha go bhfuil comhairle mar seo cloiste agat cheana agus tá muid dóchasach go dtuigeann muintir na hÉireann ar fad an dualgas atá orainn aire a thabhairt dá chéile. Fiosraigh an bhfuil dóthain bia agus earraí eile ag bhur gcomharsana agus bí airdeallach faoi féinleithlisiú. An rud is tábhachtaí áfach ná gach aon iarracht a dhéanamh na treoracha atá leagtha amach ag an Rialtas a leanúint mar is ceart.

#BíCineálta ach bí freagrach as do chuid gníomhartha. Má tá tuilleadh eolais faoi COVID-19 uait brúigh anseo.

Ná breathnaigh ar na meáin shóisialta an iomarca

Is minic go mbíonn sé deacair gan a bheith ag breathnú ar na hardáin shóisialta agus tú ar an mbaile ar feadh tréimhse fhada. Tagann na huasdátaithe nua faoin víreas isteach go tiubh te tapa agus bíonn muid ar fad ag iarraidh iad a leanúint go dlúth. Ach sin ráite d’fhéadadh síorleanúint na n-uasdátuithe cur isteach ar do chuid meabhairshláinte agus cur leis an éadóchas faoin staid ina bhfuil muid. Déan iarracht uair amháin in aghaidh an lae a chaitheamh saor ó theicneolaíocht. Tabharfaidh an sos seo spás duit smaoineamh faoi chúrsaí a bhíonn ag tarlú san fhíorshaol in ionad sa saol digiteach.

Moltar gan an iomarca ama a chaitheamh ag breathnú ar na meáin shóisialta go ginearálta – 10/15 nóiméad in aghaigh an lae más féidir. Tá an-chuid eile ar an idirlíon nach iad agus cinnte go ndéanfaidh an chéim seo maitheas duit agus do shláinte na hintinne.

Bí i dteagmháil le daoine eile go fíorúil

Cé nach moltar a bheith i gcomhluadar daoine eile go fisiciúil níl bac ar bith ar theagmháil a dhéanamh le daoine eile go fíorúil. Mar sin tapaigh an deis seo fanacht i dteagmháil le do chairde agus do theaghlach trí mheán na n-aipeanna éagsúla atá amuigh ansin. Tá leithéidí Facetime, Skype, WhatsApp agus roinnt eile ar fáil anois inar féidir glaoch físeáin a dhéanamh iontu. Cinnte ní bheidh sé díreach mar an gcéanna leis an teach tabhairne oíche Shathairn ach is deas an nós le tosú é.

Moltar am i rith an lae a roghnú i gcomhair na nglaonna agus iarracht a dhéanamh cloí leis le linn na tréimhse seo amach romhainn. Ansin is féidir a bheith ag súil leis nuair a thosaíonn na laethanta ag sleamhnú thart.

Cuir tús le cleachtas aireachais

Moltar sos a thabhairt don intinn nuair atá tú críocnaithe le cúrsaí oibre don lá. Bain triail as tasc a bhaineann úsáid as cineál éagsúil intleachta ná an cineál a mbaineann tú úsáid as sa phost atá agat.

Má bhíonn tú ag suí ag deasc i rith an lae caith seal amach faoin ngrian nó téigh i mbun cócaireachta. Má bhíonn tú i do sheasamh agus tú ag obair caith seal i mbun crosfhocail nó i mbun Sudoku, nó Íoga fiú. Ach an rud is tábhachtaí ná do scíth a ligint agus tú fhéin a chur ar do shuaimhneas.

Foireann PEIG.ie