Sruthanna beo ar Instagram agus IGTVanna as Gaeilge

Sruthanna beo ar Instagram agus IGTV’anna as Gaeilge

Le linn dúinn go léir a bheith i gcoraintín, tá muid ag caitheamh níos mó ama ar ár gcuid bhfón agus go háirithe ar na meáin shóisialta. Feictear anois go bhfuil níos mó daoine ag baint úsáid as sruthanna beo ar Instagram ar na meáin shóisialta agus iad i mbun oibre nó ag roinnt ábhar lena gcuid cairde. Tá PEIG.ie chun cúpla moladh a roinnt faoi na cuntais Instagram is fearr linn a dhéanann sruthanna beo ar Instagram nó IGTVanna as Gaeilge.

‘Bandeadd’ nó Éadaoin Fitzmaurice

 

View this post on Instagram

 

It’s Love Island final day! 🎉 What better time to share some of the key phrases from this popular TV Show as Gaeilge. Brushing up on your Irish doesn’t have to be rooting out Grammar An Draoí from your attic! Special shout out to @caoimhechats for grammar-checking my work ❤️ #gaeilge #loveIsland #learnirish #irishlanguage #snag

A post shared by Éadaoin I Dublin Creator (@bandeadd) on Feb 23, 2020 at 9:48am PST

Ar dtús ba mhaith an cuntas Instagram ‘Bandeadd’ nó Éadaoin Fitzmaurice a lua. Is cruthaitheoir ábhair í Éadaoin a dhéanann Tráth na gCeist seachtainiúil ar a leathanach Instagram gach Céadaoin. Chomh maith leis sin rinne sí IGTV ar ‘Love Island As Gaeilge’ ar cuireadh an-spéis ann nuair a bhí an clár iomráiteach ar siúl.

‘Caoimhechats’ nó Caoimhe Ní Chathail

 

View this post on Instagram

 

Mar is eol daoibh, tá mé iontach tógtha le héadaí athláimhe. Chaith mé roinnt ama i nGlaschú le déanaí agus tá siopaí carthanachta ar dóigh acu! Seo roinnt de na héadaí gur cheannaigh mé ann. 🌎👖🌎👕 Charity shops are brilliant for finding gems that not everyone will have and is a much more sustainable way of buying clothes! Check out @depop @thriftify and vintage stores online to find second hand clothes during isolation and let me know how you get on! ✨ . . . #SustainableFashion #SecondHand #FaiseanInbhuanaithe #CharityShops #CharityShopFinds #ootd #ootn #sustainable #vintage #Glasgow #Gaeilge #Irish #CaoimheChats #environment #EarthDay

A post shared by Caoimhe Ní Chathail (@caoimhechats) on Apr 24, 2020 at 7:57am PDT

An dara moladh atá againn ná cuntas ‘Caoimhechats’ nó Caoimhe Ní Chathail. Bíonn go leor rudaí idir lámha ag Caoimhe, ó iriseoireacht go láithreoireacht go léiriúchán. Go minic bíonn scéalta ar a cuntas agus í ag labhairt as Gaeilge agus cuireann sí aistriúcháin na bhfocal atá ráite aici ar na scéalta chomh maith.

Tá IGTVanna aici chomh maith agus faoi chúrsaí éadaí nó turas agus iad uilig as Gaeilge. Is cuntas iontach é seo le leanúint agus tú ag iarraidh ábhar bríomhar agus difriúil as Gaeilge a fheiceáil ar d’fhotha Instagram. 

Micheál Ó Ciaraidh le BLOC TG4

 

View this post on Instagram

 

Tá @michealociaraidh ar ais linn agus é sáinnithe sa bhaile anois le dhá mhí anuas. Céard iad na trí rud is mó a chronaíonn dó ón ghnáthshaol meas tú? . . . . #selfisolation #quarantine #covid_19 #coronavirus #BLOCTG4 #TG4 #Gaeilge #NáCaillanBLOC #fansambaile

A post shared by BLOC TG4 (@bloc_tg4) on May 18, 2020 at 12:04pm PDT

An chéad cheann eile ar an liosta ná cuntas BLOC TG4 atá á reachtáil ag Micheál Ó Ciaraidh. Bíonn go leor imeachtaí ar siúl aige agus é i mbun reáchtáil an chuntais; bíonn dushláin ann chun cupán BLOC a bhuachan gan ach ceann amháin a lua. Glacann daoine difriúla seilbh ar an gcuntas ó am go ham, mar shampla bíonn cuntas ‘Environmental Éadaí’ le feiceáil go minic agus taispeánann sí conas do chuid éadaí féin a dhéanamh.

Bíonn agallaimh éagsúla ar an gcuntas le daoine cáiliúla i saol na Gaeilge chomh maith. Is cuntas maith é chun léargas a thabhairt do dhaoine go bhfuil beocht faoi leith sa teanga ar an idirlíon.

‘Dochailinrut’ nó Rút Ní Theimhneáin

 

View this post on Instagram

 

Seo dán a scríobh mé don bhfeachtas #seoíanghaeltacht ✨ Bain sult as ❤️ #filíocht #poetry #ráthchairn

A post shared by 💕DO CHAILÍN RÚT💕 (@dochailinrut) on May 4, 2020 at 11:41am PDT

Ní féidir dearmad a dhéanamh ar an gcuntas ‘Dochailinrut’ nó Rút Ní Theimhneáin nuair atá cuntais Ghaeilge ar Instagram á bplé. Is cuntas iontach é seo ó thaobh spreagadh agus caomhnú na Gaeilge de ar na meáin sóisialta. Tá gach postáil a dhéanann sí as Gaeilge agus tá spraoí ag baint leis an ábhar ar fad a chuireann sí í láthair.

Tá IGTVanna déanta aici agus í i mbun ceoil ar a cuntas chomh maith. Tugann an cuntas seo léargas duit ar cé chomh easca is atá sé an Ghaeilge a úsáid go laethúil. Ní féidir a shéanadh go bhfuil bród ar Rút agus í ag baint úsáid as a teanga agus is inspioráid mhór í do roinnt i bpobal na Gaeilge.  

Sin iad moltaí de na cuntais a dhéanann sruthú beo ar Instagram nó IGTVanna as Gaeilge. Molaimid d’aon duine a bhfuil suim acu sa Ghaeilge súil a chaitheamh ar na cuntais spéisiúla Instagram seo.