Tá leabhar Gaeilge nua do pháistí faoin dianghlasáil curtha ar fáil saor in aisce ag lucht a chruthaithe, Malachy Doyle agus Andrew Whitson.
Insíonn Muireann agus an Dianghlasáil, scéal an chailín óig, Muireann, atá ina cónaí lena teaghlach, lena cairde agus lena comharsana ar oileán amach ó chósta na mórthíre.
Sa scéal, cuirtear síos ar an dóigh a dtéann Muireann agus a teaghlach i ngleic le dúnadh an oileáin de dheasca víris, macasamhail na dianghlasála atá i bhfeidhm fud fad na cruinne faoi láthair.
Déanann Muireann míreanna mearaí, seinneann sí an fhidil, tugann sí aire dá peataí.
Bíonn a máthair ag cuidiú le muintir an oileáin agus tá a daidí i bhfad ar shiúl, é gafa ar an mórthír.
I gcomhar leis an fhoilsitheoir Éireannach, An tSnáthaid Mhór, atá lonnaithe i mBéal Feirste, eiseofar an scéal, i dtrí theanga ag an am chéanna – i nGaeilge, i mBreatnais agus i mBéarla.
“Is acmhainn iontach é seo don scolaíocht bhaile agus do pháistí níos sine fosta atá ag iarraidh theacht ar bhealaí leis an am a mheilt,” arsa Andrew Whitson ó An tSnáthaid Mhór.
Is é Muireann agus an Teach Solais an chéad leabhar eile sa tsraith ‘Muireann’ agus foilseofar i bhformáid ríomhleabhair é ar an 26 Meitheamh 2020.
Ar na leabhair eile sa tsraith ‘Muireann’, tá Muireann agus an Fharraige Fhiáin agus Muireann agus an Míol Mór, dhá leabhar eile a foilsíodh i nGaeilge, i mBreatnais agus i mBéarla.
Beidh Muireann agus an Dianghlasáil ar fáil saor in aisce go dtí an 1 Iúil 2020.
Is féidir qn leabhar a íoslódail anseo.
Agus más mian libh breathnú ar an fhíseán Ghaeilge agus an t-údar Myra Zepf ag léamh Muireann agus an Dianghlasáil, tá sé le feiceáil
