Home
FAQ's
Age Groups
Age Group > 4
Irish Names
Playgroups
Using Irish with your Children
Raising Children with Irish Outside the Gaeltacht
Raising Children through Irish in the Gaeltacht
Support, Services & Facilities
Age Group 4 > 12
All-Irish Primary Schools
Benefits of All-Irish Education
Summer Colleges
The Gaelbhratach
Festivals
Support, Services & Facilities
Benefits of All-Irish Education
Age Group 12 > 18
All-Irish Secondary Schools
Benefits of All-Irish Education
Summer Colleges
The Gaelbhratach
Festivals
Using Your Irish Name
Benefits of All-Irish Education
Support, Services & Facilities
Age Group 18 > 22
Irish Societies & Student Unions
Learn Irish: 18-22 year olds
Irish Third Level Courses
Festivals
Support, Services & Facilities
Age Group 22+
Careers With Irish
Classes for Adults
Get Involved
Conversation Circles
Festivals
Support, Services & Facilities
Speaking to Your Grandchildren
Community
Conversation Circles
The Gaeltacht
Community Groups
Irish Language Centres
Sloinne
5 Tips
Organisations
Festivals
Seachtain na Gaeilge
Awareness Events
Irish Language Books
Learn
Learn Irish
Playgroups
All-Irish Secondary Schools
All-Irish Primary Schools
Irish in English Speaking Schools
Irish Classes for Adults
Irish Classes
Irish Services for Schools
Benefits
Rights
The Official Languages ​​Act 2003
The European Charter for Minority Languages
The 20 Year Strategy in the North
Services Available in Irish
Get Involved with Conradh na Gaeilge
Campaigns
Research and Submissions
Using Irish State Services
Irish Language Commissioner
Working With Irish
Irish language jobs (Europe)
Irish language jobs (Ireland)
Jobs
Irish Language Careers Booklet
Jobs
  • Home
  • Covid-19
  • Toradh dearfach do Covid-19 ar níos lú ná beirt as gach 100 a ndéantar tástáil orthu
<a-href="https://tuairisc.ie"-class="credit-tuairisc"-target="-blank"-rel="noopener-noreferrer"></a>-toradh-dearfach-do-covid-19-ar-nios-lu-na-beirt-as-gach-100-a-ndeantar-tastail-orthu

Toradh dearfach do Covid-19 ar níos lú ná beirt as gach 100 a ndéantar tástáil orthu

Bíonn toradh dearfach ar thástáil do Covid-19 ar níos lú ná beirt as gach 100 duine a ndéantar tástáil orthu, de réir na bhfigiúirí is déanaí. 

Faoi mheán oíche Dé Luain, 348,416 tástáil don ghalar a bhí déanta ó dheas.

Rinneadh 22,621 tástáil le seachtain anuas agus fuarthas go raibh an galar ar 389 duine, nó 1.7% de na daoine a tástáladh, i gcomparáid le 2.1% an tseachtain seo caite. 

Tá an laghdú ar líon na dtorthaí dearfacha agus líon na n-éileamh ar thástálacha tite chomh mór sin go bhfuil an Roinn Sláinte anois ag impí ar dhaoine tástáil a fháil.

Tá imní chomh maith ar na húdaráis sláinte go bhfuil daoine a bhfuil siomptóim an ghalair orthu á fhágáil rófhada sula lorgaíonn siad tástáil a luaithe is a airíonn siad aon cheann de na comharthaí.

Dúirt an Dr Ronan Glynn, Leas-Phríomhoifigeach Leighis na Roinne Sláinte:

“I gcás 47% de na daoine, tógann sé breis is ceithre lá iad a thástáil ó thagann comharthaí an ghalair orthu i dtosach. Táimid ag moladh go láidir don phobal ar fad a bheith ar an eolas faoi chomharthaí sóirt an Covid-19 agus comhairle leighis a lorg an dá luath a airíonn siad aon cheann de na comharthaí sin.”

Dúirt an Dr. Tony Holohan, Príomhoifigeach Leighis na Roinne Sláinte gur thart ar 25% den thart ar 500 cás is déanaí den choróinvíreas a bhain leis an scaipeadh sa phobal. Is é sin le rá gur bhain 75% de na cásanna is déanaí sin le braisle cásanna in áiteanna amhail ionaid dianchúraim agus monarchana feola.

“Cuireadh thart ar 500 cás nua den Covid-19 in iúl dúinn le seachtain, bhí 54% de na daoine sin idir 24-55 bliain d’aois agus bhí na cásanna sin scaipthe ar fud 21 contae in Éirinn. Cé go bhfuil ag éirí go maith linn, tá an baol ann i gcónaí go bhféadfadh an galar scaipeadh i ngach réigiún sa tír,” arsa an Dr Tony Holohan.

D’fhógair an Roinn Sláinte tráthnóna inné go raibh ochtar eile a raibh Covid-19 orthu básaithe agus go raibh 10 gcás nua den ghalar deimhnithe.

2,184 duine ar a laghad atá básaithe in Éirinn ó thús na paindéime, 1,658 duine ó dheas den teorainn agus 526 ó thuaidh di.

B’ionann an 10 gcás is déanaí a fógraíodh agus an líon is lú cásanna a fógraíodh aon lá ón 11 Márta.

D’fhógair Roinn Sláinte an Tuaiscirt go raibh beirt eile a bhí buailte ag an ngalar básaithe agus go rabhthas tagtha ar cheithre chás nua.

29,798 cás den ghalar Covid-19 atá deimhnithe go dtí seo in Éirinn, 25,066 cás ó dheas den teorainn agus 4,732 cás ó thuaidh di.

D’fhógair an Fhoireann Náisiúnta um Éigeandáil sa tSláinte Phoiblí (NPHET) go raibh baint le hionad cúraim ag 1,049 den 1,658 duine a bhásaigh de bharr an ghalair go n-uige seo ó dheas, nó 63.3%. Bhain 917 de na cásanna sin, nó 55.3% acu, le tithe altranais.

Fágann sin gur bhain beirt as gach triúr a bhásaigh ó thús na ráige le teach altranais nó le hionad cúraim eile. 

De réir an eolais is déanaí ón Roinn Sláinte, a bhain leis an 25,056 cás a bhí deimhnithe faoi mheán oíche Dé Domhnaigh, an 31 Bealtaine:

  • Fir a bhí i gceist le 43% de na cásanna agus mná iad 57%
  • An aois airmheáin a bhí ann i measc na n-othar ná 48 bliain d’aois
  • Cuireadh cúram san ospidéal ar 3,286 duine, 13%
  • As na daoine sin, cuireadh 408 duine in ICU, nó Aonad Dianchúraim
  • Oibrithe sláinte a bhí i gceist le 7,986 cás
  • I mBaile Átha Cliath a bhí an líon is mó cásanna le 12,090 cás, nó 48%, bhí Corcaigh sa dara háit, le 1,517 cás, nó 6%, agus Cill Dara a bhí sa tríú háit le 1,419 cás, nó 6%
  • 482 cás a bhí i gcontae na Gaillimhe (1.9%), 308 a bhí i gcontae Chiarraí (1.2%), 477 cás bhí i nDún na nGall (1.9%), 153 cás a bhí i bPort Láirge (0.6%), 800 cás a bhí i gcontae na Mí (3.2%) agus 570 cás (2.3%) a bhí deimhnithe i Maigh Eo
  • Scaipeadh sa phobal ba chúis le 39% de chásanna, gartheagmháil le hothar eile ba chúis le 58% agus taisteal thar lear ba chúis le 2%

Dúirt Príomh-Oifigeach Leighis na Roinne Sláinte, an Dr Tony Holohan, nach raibh aon fhianaise feicthe go fóill a thabharfadh le fios nach bhféadfaí tús a chur leis an dara céim de scaoileadh na srianta dianghlasála an tseachtain seo chugainn.

Níos mó

tuairisc.ie

Sign up for the PEIG newsletter

  • Conradh na Gaeilge
  • Foras na Gaeilge