Home
Age Groups
Age Group > 4
Irish Names
Playgroups
Using Irish with your Children
Raising Children with Irish Outside the Gaeltacht
Raising Children through Irish in the Gaeltacht
Support, Services & Facilities
Age Group 4 > 12
All-Irish Primary Schools
Benefits of All-Irish Education
Summer Colleges
The Gaelbhratach
Festivals
Support, Services & Facilities
Benefits of All-Irish Education
Age Group 12 > 18
All-Irish Secondary Schools
Benefits of All-Irish Education
Summer Colleges
The Gaelbhratach
Festivals
Using Your Irish Name
Support, Services & Facilities
Benefits of All-Irish Education
Age Group 18 > 22
Irish Societies & Student Unions
Irish Third Level Courses
Festivals
Support, Services & Facilities
Learn Irish: 18-22 year olds
Age Group 22+
Careers With Irish
Classes for Adults
Get Involved
Conversation Circles
Festivals
Support, Services & Facilities
Speaking to Your Grandchildren
Community
10 Reasons to Register to our Business Directory
Conversation Circles
The Gaeltacht
Community Groups
Irish Language Centres
Surnames
Organisations
Festivals
Seachtain na Gaeilge
Awareness Events
5 Tips
Irish Language Books
Learn
Learn Irish
Playgroups
All-Irish Secondary Schools
All-Irish Primary Schools
Irish in English Speaking Schools
Irish Classes for Adults
Irish Classes
Irish Services for Schools
Benefits
Rights
The Official Languages ​​Act 2003
The European Charter for Minority Languages
The 20 Year Strategy in the North
Services Available in Irish
Get Involved with Conradh na Gaeilge
Campaigns
Research and Submissions
Using Irish State Services
Irish Language Commissioner
Working With Irish
Irish language jobs (Europe)
Irish language jobs (Ireland)
Jobs
Irish Language Careers Booklet
Jobs
cead-faighte-ag-conradh-na-gaeilge-on-ard-chuirt-dushlan-stormont-a-thabhairt-faoi-straiteis-ghaeilge

Cead faighte ag Conradh na Gaeilge ón Ard-Chúirt dúshlán Stormont a thabhairt faoi straitéis Ghaeilge

Tuairisc
| Tuairisc.ie | , ,

Tá cead tugtha ag an Ard-Chúirt i mBéal Feirste do Chonradh na Gaeilge athbhreithniú breithiúnach a lorg i dtaca le teip Fheidhmeannas Stormont straitéis don Ghaeilge a thabhairt isteach.

Tá ceithre bliana ann ó rialaigh an Ard-Chúirt go raibh teipthe ar an bhFeidhmeannas Straitéis Ghaeilge a thabhairt isteach faoi mar a gealladh i gComhaontú Chill Rímhinn in 2006.

Tá Conradh na Gaeilge, a thug an cás sin in 2017, anois ag dul i muinín an dlí arís in iarracht a chinntiú go dtabharfar feidhm don rialú sin.

I mí an Mhárta i mbliana, sheol Conradh na Gaeilge litir chuig an bhFeidhmeannas ag bagairt an dlí orthu mar gheall ar an moill leanúnach ar an straitéis don Ghaeilge, a gealladh arís sa chomhaontú Ré Nua, Cur Chuige Nua mí Eanáir seo caite. Níor thug an Feidhmeannas aon fhreagra ar an litir sin.

Dúirt Uachtarán Chonradh na Gaeilge Niall Comer gur “trua” leis an eagraíocht gur gá dóibh dul chun cúirte arís ach nach raibh aon dul as acu.

“Tá breis agus 15 bliain imithe ó cuireadh an choimitmint don Straitéis seo sa dlí i gComhaontú Chill Rímhinn. Ba chuid lárnach í seo fosta den chomhaontú a rinneadh anuraidh, Ré Nua, Cur Chuige Nua, agus is sampla eile é an bac leanúnach ar dhul chun cinn na straitéise seo ar an imeallú leanúnach atá á dhéanamh orainn mar phobal teanga, imeallú a thagann salach ar bhundualgais dhlíthiúla de chuid an Fheidhmeannais,” arsa Uachtarán Chonradh na Gaeilge, Niall Comer.

Dúirt Comer nach raibh “aon leithscéal réasúnta” ann gan na dualgais i leith na teanga a chomhlíonadh. Ceist na straitéise agus na reachtaíochta Gaeilge a léireodh cén mianach atá sa DUP sna seachtainí romhainn, arsa Comer.

Dúirt aturnae Chonradh na Gaeilge Mícheál Ó Flannagáin gur díol suntais é gur chinn an Breitheamh gur “go furasta” a shásaigh iarratas Chonradh na Gaeilge ar athbhreithniú breithiúnach na riachtanais chun cás a thógáil.

Gealladh reachtaíocht don Ghaeilge arís mar chuid de Chomhaontú Ré Nua, Cur Chuige Nua in Eanáir 2020 agus gealladh go mbeadh straitéis ann laistigh de shé mhí ón gComhaontú.

Sa bhreis air sin, bhí amscála maidir le forbairt agus cur i bhfeidhm na straitéise le bheith foilsithe agus aontaithe ag an bhFeidhmeannas taobh istigh de 100 lá ach níl na gealltanais sin curtha i bhfeidhm go fóill, breis is bliain i ndiaidh an chomhaontaithe.

In 2017 rialaigh an Ard-Chúirt i mBéal Feirste gur theip ar Fheidhmeannas Stormont na dualgais reachtúla atá air maidir le cur chun cinn na Gaeilge ó thuaidh a chomhlíonadh de réir mar a leagadh amach iad i gComhaontú Chill Rímhinn.

Chinn an Breitheamh Paul Maguire gur theip ar an bhFeidhmeannas alt 28 d’Acht Thuaisceart Éireann 1998 a chomhlíonadh, alt a chuireann dualgas ar an bhFeidhmeannas straitéis Ghaeilge agus straitéis Ultaise a thabhairt isteach.

Níos mó

Sign up for the PEIG newsletter

  • Conradh na Gaeilge
  • Foras na Gaeilge