Ceolchoirmeacha ar siúl an samhradh seo
Tá an samhradh buailte linn faoi dheireadh thiar thall. Cé go bhfuil aimsir an tsamhraidh fós le teacht, tá go leor le bheith ag tnúth leis. Táim ag tnúth go mór le ceolchoirmeacha. Is cosúil go bhfuil níos mó ceolchoirmeacha ná riamh ar siúl an tsamhraidh seo. Mar is eol dúinn go léir, cuireadh go leor imeachtaí ar ceal ar nós ceolchoirmeacha de bharr na paindéime. Sin é an fáth go bhfuil go leor ceolchoirmeacha ar siúl an tsamhraidh seo. Táim cinnte go bhfuil gach duine chomh sceitimíneach agus atá mé.
Ag tús an tsamhraidh, tharla ceolchoirmeacha ag duine de na hamhránaithe is mó ar domhan ar fud na tíre cheana féin. Ar ndóigh, táim ag caint faoi Ed Sheeran. Rinne sé deich n-oíche san iomlán ar fud na hÉireann. Chuala mé go raibh sé dochreidte mar is gnách. Bhí mé ar cheann den bheagán daoine cé nach ndeachaigh go dtí ceann den na ceolchoirmeacha seo agus bhí an-éad orm.
Tá sraith ceolchoirmeacha ar siúl i gCorcaigh agus i mBaile Átha Cliath ag tosú an tseachtain seo chugainn. Beidh an-chuid amhránaí agus banna cheol ann oícheanta éagsúla ar feadh seachtaine nó níos faide. Mar shampla, beidh Dermot Kennedy, Lewis Capaldi, Gerry Cinnamon agus Picture This ar stáitse sa dá chathair i rith na seachtainí atá romhainn. Táthar ag siúl go mbeidh na mílte duine i láthair ag Caisleán Mhullach Íde agus ag Páirc Musgrave chomh maith. Beidh mé féin i láthair ag Picture This i gCorcaigh agus táim ar mhuin na muice.
Tá go leor ceolchoirmeacha eile ar siúl agus ba bhreá liom a bheith ag dul chuig roinnt acu. Má tá ticéad agat chun Harry Styles nó Lewis Capaldi a fheiceáil, tá an-éad orm leat. Tá súil agam go mbainfidh sibh go léir taitneamh as na ceolchoirmeacha i rith an tsamhraidh. Is féidir linn dul ar ais ag damhsa agus ag canadh faoi dheireadh thiar thall.