Féile Ceoil: Cad atá le tabhairt leat?

Tá séasúr na féile buailte linn.

Mar is eol do gach éinne, bhí dhá bhliain againn gan iad agus tá siad ar ais faoi dheireadh buíochas le Dia. Mar gheall air seo, b’fhéidir go bhfuil dearmad déanta ag cuid againn ar na rudaí a chaithfidh muid a thabhairt chuig féilte ceoil nó ar an lámh eile, b’fhéidir gurb í seo do chéad bhliain ag dul go dtí ceann. Má chuireann sé seo síos ort féin, tá tú san áit cheart.

Ar dtús báire, faigh d’éadaí féile as an vardrús agus roghnaigh d’fheisteas is fearr leat.

Ansin, beidh ort rudaí áirithe a thabhairt leat.

Is é do thicéad an rud is tábhachtaí le tabhairt leat. Is féidir leat é a fháil ar d’fhón póca don chuid is mó nó is féidir leat é a phriontáil amach freisin. Ina theannta sin, maidir le d’fhón póca beadh luchtaire fóin iniompartha chomh háisiúil a thabhairt leat. Bheadh sé seo úsáideach má tá do thicéad ar d’fhón go háirithe ach mholfainn do gach duine ceann a thabhairt leo.

Rudaí eile a thabhairt leat ná ort aitheantas agus airgead nó cárta creidmheasa chomh maith leis sin.

Tá a fhios againn go léir an cineál aimsir atá againn in Éirinn mar sin bheadh sé ciallmhar rudaí oiriúnacha a thabhairt do na coinníollacha aimsire éagsúla. Bí ullamh do gach cineál. Ná déan dearmad ar an uachtar gréine má tá sé grianmhar nó ar an taobh eile thóg cóta nó painseó leat má tá an aimsir go dona.

Anois tá mála éigin ag teastáil uait chun na rudaí seo go léir a choinneáil. Beadh mála beilte, mála droma nó aon chineál mála is féidir leat a chaitheamh an rogha is fearr. Ansin, ní bheidh ort a bheith buartha faoin mála a iompar. Bíonn srianta ar mhéid na málaí a cheadaítear uaireanta, mar sin déan seiceáil an bhfuil aon srianta ann ar shuíomh na féile roimh ré.

Seo iad na rudaí is tábhachtaí a thabhairt leat go dtí féile cheoil. Déan do liosta de na rudaí atá uait. Nuair a bheidh gach rud seo go léir agat i do mhála, tá tú réidh an bóthar a bhualadh.

Baint taitneamh as na féilte ceoil an samhradh seo agus fan slán. Bí réidh leis na hamhráin go léir a chanadh agus cuir ort do bhróga damhsa.