Saoire ghairid sa bhaile: An Daingean
Ceann de na háiteanna is fearr liom dul in Éirinn ná Daingean Uí Chúis, i gcontae Chiarraí. Is aoibhinn liom féin ag dul go Daingean. Téim ann gach bliain agus níl mé braon de fós. Tá an oiread sin le feiceáil agus le déanamh ann freisin. Phioc mé amach cuid de na rudaí is fearr liom a dhéanamh agus mé ar leithinis Dhaingean Uí Chúis. Tá cúig rud roghnaithe agam le déanamh má thugann tú cuairt ar an áit mhóréilimh seo.
1. Turas Báid
Bhí mé ar roinnt turas báid le linn mo chuairteanna go Daingean. Tá clú agus cáil ar an deilf ‘Fungi’ a bhíodh ina cónaí ann. Bhí turais bháid chun Fungi a fheiceáil. Cé nach bhfuil ‘Fungi’ ann a thuilleadh, téann na báid amach ar a fharraige fós ar thuras an chósta. Mholfainn é sin do gach duine. Tá go leor comhlachtaí báid éagsúla ann agus tá siad ar fad lonnaithe ag an muiríne.
2. Uisceadán
Caithfear cuairt a thabhairt ar an uisceadán má bhíonn tú riamh sa Daingean Uí Chúis. Baineann gach duine taitneamh as a dtaithí ar an uisceadán is cuma cén aois atá tú. Is áit iontach é lá báistí a chaitheamh mar is eol gach duine, ní bhíonn an aimsir go breá i gcónaí in Éirinn. Téim ann gach uair a bhím sa Daingean agus níl mé bréan de ar cuairt fós. Tá réimse leathan ainmhithe ann ó ainmhithe farraige go hainmhithe talún fiú.
D’fhógair Mara Beo an Daingean gur rugadh cúig shicín piongain ann le déanaí. Ní amháin go raibh an nuacht seo iontach don uisceadán ach tá an speiceas seo de phiongain leochaileach go leor. Léiríonn sé seo cé chomh tábhachtach agus atá an t-uisceadán maidir le go leor speiceas ainmhithe a choinneáil sábháilte. Bíonn an samhradh an séasúr is gnóthaí mar sin molann siad do thicéid a chur in áirithe ar líne. Bí cinnte cuairt a thabhairt ann.
3. Slí Ceann Sléibhe
Tá an-tóir ag Slí Cheann Sléibhe i measc na gcuairteoirí go Daingean. Is tiomáint é a thosaíonn agus a chríochnaíonn sa Daingean. Tá radhairc agus suíomhanna iontacha ann. Tiocfaidh tú trasna ar shráidbhailte beaga agus tránna áille ar an mbealach. Tá go leor le fiosrú ar Shlí Cheann Sléibhe. Is bealach iontach é cúpla uair de do laethanta saoire sa bhaile a chaitheamh.
4. An Blascaod Mór
Tá turas go dtí An Blascaod Mór riachtanach má bhíonn tú i gCorca Dhuibhne. Tá an t-oileán seo lán de stair cé nach bhfuil aon duine ina chónaí ann níos mó fiú. Tá clú agus cáil ar an oileán seo mar gheall ar a chainteoirí dúchais Gaeilge a chum litríocht an-tábhachtach. Téann báid amach go dtí An Blascaod Mór ón muiríne sa Daingean agus ón Dún Chaoin freisin.
5. Ag ithe, ag ól agus ag siopadóireacht
Tá go leor bialanna, tithe tábhairne agus caiféanna iontacha ar an mbaile freisin. Tá an chuid is mó acu suite i mbaile an Daingin. Ina theannta sin, tá go leor siopaí deasa sa bhaile. Is breá liom lá a chaitheamh ag dul ó shiopa go siopa agus ansin sos bia nó dí a ghlacadh i gceann de na bialanna áitiúla nuair atá mé ann. Tá an iliomad roghanna agat sa Daingean.
Ceapaim gur áit iontach é an Daingean Uí Chúis le haghaidh saoire sa bhaile mar tá an oiread sin is féidir leat a dhéanamh ann. Molaim do gach duine é. Caithfidh mé cúpla lá a chur in áirithe ann anois.