Riarthóir
Conradh na Gaeilge
Tá clú agus cáil ar Chonradh na Gaeilge mar eagras deonach atá tiomnaithe do chur chun cinn na Gaeilge ar fud na cruinne. Dubhghlas de hÍde, Eoin Mac Néill agus eile a bhunaigh é in 1893, tá an eagraíocht ar thús cadhnaíochta ó shin i leith in athbheochan úsáid na teanga agus ag múscailt spéise sa Ghaeilge agus sa chultúr Gaelach.
Tá sé i gceist ag an gConradh, le tacaíocht ó Fhoras na Gaeilge, riarthóir a fhostú le tacaíocht riaracháin a thabhairt do reáchtáil na heagraíochta.
Cur síos ar an bpost
Faoi cheannas an Bainisteoir Acmhainní Daonna agus Buanchoiste an Chonartha, beidh de dhualgas ar an Riarthóir na dualgais a leanas a chomhlíonadh:
- Córais a chur i bhfeidhm sa Chonradh le hoifig éifeachtach a chur ar fáil le hobair an mhór réimse a chur i gcrích.
- Miontuairiscí le glacadh ag gach mórchruinniú de chuid na heagraíochta
- Plé le fiosrúcháin ón bpobal agus eagraíochtaí eile maidir le hobair an réimse
- Riaradh a dhéanamh ar íocaíochtaí a bheidh le déanamh ag Conradh na Gaeilge
- Tacaíocht oifige a chur ar fáil don fhoireann sa cheanncheathrú
- Comhdhálacha, seisiúin oiliúna agus imeachtaí mór-réimse eile a riaradh
- Dualgais eile de réir mar is gá
Cur síos ar an té a cheapfar
- Caighdeán maith Gaeilge, idir labhartha agus scríofa
- Scileanna láidre idirphearsanta
- Scileanna maithe eagrúcháin, ar a n-áirítear:
- scileanna ríomhaireachta
- scileanna bainistíochta ama
- scileanna maithe réiteach faidhbe
Spriocdháta: Is gá CV agus litir chumhdaigh a chur chuig post@cnag.ie faoin 15 Aibreán ag 11:00.
Eolas eile:
- Socrófar an dáta tosaithe leis an té a n-éiríonn leo an post a bhaint amach
- Tuarastal – pro rata d’Oifigeach Cléireachais €27,882- €44,865. Tá sé i gceist an post á ofráil ag an gcéad phointe ar an scála (ag braith ar thuarastal reatha an té a n-éiríonn leo an post a bhaint amach)
- Beidh na hagallaimh don phost seo ar siúl ar an 19 Aibreán ar Zoom.
- Beidh an post seo lonnaithe i mBaile Átha Cliath
- Bíonn Conradh na Gaeilge ag feidhmiú ar bhonn uile-Éireann & bíonn cúraim uile-Éireann ag gach fostaí dá réir sin
- Tá an post seo maoinithe ag Foras na Gaeilge.
Job Features
Job Category | Conradh na Gaeilge, Earnáil Phoiblí, Gach Folúntas |