Feidhmeannach Ballraíochta agus Oideachais
Conradh na Gaeilge
Tá clú agus cáil ar Chonradh na Gaeilge mar eagras deonach atá tiomnaithe do chur chun cinn na Gaeilge ar fud na cruinne. Bunaithe ag Dubhghlas de hÍde, Eoin Mac Néill agus eile é in 1893, tá an eagraíocht ar thús cadhnaíochta in athbheochan úsáid na teanga agus ag múscailt spéise sa Ghaeilge agus sa chultúr Gaelach ó shin i leith.
Tá sé i gceist againn Feidhmeannach Ballraíochta agus Oideachais a fhostú chun freastal a dhéanamh ar bhallraíocht na heagraíochta agus le comhordú a dhéanamh ar chuid de sheirbhísí oideachais an Chonartha.
Cur síos ar an bpost
Faoi stiúradh an Stiúrthóir Forbartha agus Buanchoiste an Chonartha, beidh de dhualgas ar an bhfeidhmeannach ballraíochta agus oideachais na dualgais a leanas a dhéanamh:
- Bunachar cuimsitheach de bhallraíocht Chonradh na Gaeilge a choinneáil
- Córas teagmhála agus tacaíocht don bhallraíocht a fhorbairt
- Earcaíocht a chomhordú ar chraobhacha agus baill aonair breise
- Stiúradh agus forbairt a dhéanamh ar chúrsaí oideachais
- Earcaíocht agus ionduchtú ar Theagascóirí
- Dualgais eile de réir mar is gá
Cur síos ar an té a cheapfar
- Ardchaighdeán Gaeilge agus Béarla idir scríofa agus labhartha
- Cur amach ar MS Office agus Google Suite
- Cur amach ar na meáin shóisialta
- Cur amach ar obair dheonach na Gaeilge
- Tiomanta don fhoghlaim ar feadh an tsaoil
Scála Tuarastail:
Oifigeach Feidhmiúcháin, Ciorclán 02/2023: €33,812 – €56,127. Chomh maith leis sin íocfar 5% den tuarastal mar sholáthar pinsin ach a chomhionann a bheith á íoc ag an bhfostaí tar éis dóibh an tréimhse promhaidh a bhaint amach.
Spriocdháta:
Is gá CV agus litir chumhdaigh a chur chuig post@cnag.ie faoi 8 Aibreán 2024 ag 11:00.
Eolas eile:
- Tuarastal – pro rata d’Oifigeach Feidhmiúcháin
- Beidh na hagallaimh don phost seo ar siúl 12 Aibreán thar Zoom
- Beidh an post seo lonnaithe i mBaile Átha Cliath
Job Features
Job Category | Conradh na Gaeilge, Earnáil Phoiblí, Gach Folúntas |