Oifigeach Acmhainní Daonna agus Forbartha Foirne

Tá Comhar Naíonraí na Gaeltachta (CNNG) ag lorg iarrthóirí do phost mar Oifigeach Acmhainní Daonna agus Forbartha Foirne leis an eagraíocht. Beidh an té a cheapfar freagrach as bainistiú na feidhme acmhainní daonna chun tacú le spriocanna iomlána Chomhar Naíonraí na Gaeltachta.
Ní mór d’iarrthóirí taithí ar bhainistiú foirne a bheith acu, chomh maith le taithí agus cáilíocht sa réimse acmhainní daonna.
Beifear ag súil go mbeidh na cáilíochtaí cuí ag an té a roghnófar i bhforbairt pearsanra agus i mbainistiú na feidhme acmhainní daonna. Beifear ag súil go mbeidh taithí i mbainistíocht pearsanra agus eolas ar reachtaíocht agus dlíthe a bhaineann le pearsanra agus bainistiú acmhainní daonna aige/aici.
Is post lánaimseartha é seo, ag obair ó Luan go hAoine. Beidh an té a cheapfar lonnaithe sa bpríomhoifig ar an gCeathrú Rua.
Socrófar tuarastal agus coinníollacha pá leis an té a cheapfar.
Tá tuilleadh eolais agus dualgais an phoist le fáil ar shuíomh idirlín an chomhlachta: www.cnng.ie.
Seol litir iarratais mar aon le CV cuimsitheach, ar ríomhphost amháin, chuig Stiúrthóir Bainistíochta CNNG roimh an 19/08/2022. Seoladh ríomhphost: eolas@cnng.ie
Ba choir sonraí teagmhála do bheirt mholtóirí a sholáthar i d’iarratas. Tá sé beartaithe na hagallaimh a reáchtáil an tseachtain 22-26 Lúnasa 2022.
Fostóir comhdheiseanna is ea Comhar Naíonraí na Gaeltachta.