Ceardlann d’oideachasóirí bunleibhéil: Teagasc agus foghlaim na léitheoireachta sa tumoideachas
Ceardlann d’oideachasóirí bunleibhéil: Teagasc agus foghlaim na léitheoireachta sa tumoideachas
@ Zoom
Ar líne04.11.2020 - Léitheoireacht sna hardranganna
Téama: Teagasc agus foghlaim na léitheoireachta sa tumoideachas
Dírithe ar: Muinteoirí bunscoile
Am agus áit: 4 Samhain 2020, 19.00, Zoom
Aoichainteoir: Jacqueline de Brún, Ollscoil Chathair Bhaile Átha Cliath
Clárúchán: https://gaeloideachas.ie/claraigh/?lang=ga
Sa cheardlann seo, beidh Jacqueline de Brún ag díriú ar theagasc agus fhoghlaim na léitheoireachta sna hardranganna bunscoile. Pléifear bainistíocht ranga do cheachtanna, scileanna, straitéisí agus an traschur ó theanga go teanga, inspreagadh agus conas dearcadh dearfach a chothú. Bhí an-tóir ar cheardlann Jacqueline ag Tionól Forbartha 2019 nuair a phléigh sí straitéisí tuisceana do léitheoireacht na Gaeilge sna hardranganna.
Is Ollamh Cúnta ar Theagasc na Gaeilge í Jacqueline de Brún in Ollscoil Chathair Bhaile Átha Cliath. Ba Chomhairleoir Oideachais san Áisaonad i mBéal Feirste í agus ba mhúinteoir Gaelscoile í roimhe sin. D’fhorbair sí na cláir Fónaic na Gaeilge (BELB) agus Cód na Gaeilge (CCEA) agus ba í an stiúrthóir a bhí ar an chlár luathléitheoireachta Cleite (An tÁisaonad).
Tá suim ar leith ag Jacqueline i leabhair do pháistí agus i léitheoireacht na Gaeilge; sin ábhar a PhD. Is iomaí leabhar atá curtha in oiriúint go Gaeilge, nó scríofa i nGaeilge aici, mar chuid d’obair an Áisaonaid agus tá úrscéal do pháistí foilsithe aici leis an Ghúm. Tá a dara húrscéal le foilsiú ag Leabhar Breac.