Tá na seirbhísí éigeandála ag iarraidh loscadh sléibhe mór i Rann na Feirste, i nGaeltacht Dhún na nGall a chur faoi smacht agus gnóthaí agus teach i mbaol.
Tuairiscíodh gur thosaigh an loscadh sléibhe ag a 11am.
D’fhógair an Roinn Talmhaíochta, Bia agus Mara foláireamh ‘stádas dearg’ ar fud na tíre inniu maidir le tinte toisc baol mór tinte a bheith ann sa triomach.
Beidh an foláireamh i bhfeidhm go dtí meán lae amárach.