‘Tá an aisling seo agam’ – óráid cháiliúil MLK curtha i nGaeilge do leabhar nua
Tá Gaeilge curtha ag an aistritheoir Aibhistín Ó Duibh ar an óráid cháiliúil a thug an gníomhaí ceart sóisialta Martin Luther King uaidh in 1963 ag an ‘Mórshiúl ar Washington’.
Foilseofar an t-aistriúchán ar an óráid mhór, a spreag na mílte daoine gorma seasamh ar son a gceart le linn thréimhse sin an ghníomhachais sna Stáit Aontaithe, sa leabhar Óráidí a Chuaigh i gCion níos deireanaí i mbliana.
Roinn an teach foilsitheoireachta i gCois Fharraige Leabhar Breac téacs na hóráide aistrithe ar a shuíomh idirlín inniu i ndlúthpháirtíocht leis an ngluaiseacht Black Lives Matter agus an feachtas ‘An Mháirt Dhubh’ atá ar siúl inniu.
Deirim libh, inniu, a chairde: bíodh is go bhfuil deacrachtaí an lae inniu agus an lae amárach amach ar ár n-aghaidh, go fóill féin tá an aisling seo agam; aisling í atá fréamhaithe go domhain san aisling Mheiriceánach:
Is féidir an téacs iomlán Gaeilge a léamh anseo.
