![](/wp-content/themes/yootheme/cache/b6/Seoda-1-b6dc72a6.jpeg)
Seoda cultúrtha ceilte na hardchathrach
Tá 14 Henrietta Street lonnaithe i dteach cathrach Seoirseach ar an taobh ó thuaidh den chathair agus tá stair fhada thaibhsiúil aige. Tá stair na hardchathrach í fhéin fite fuaite leis an bhfoirgneamh seo a tógadh i dtús báire do scothaicme na tíre ach a ndearnadh tionóntán de sa bhliain 1877. Bhí cónaí ar níos mó ná 100 duine sa teach faoin mbliain 1911 ach ba thionóntán fós é go dtí deiredh na 1970í.
Foghlaim faoi scéalta pearsanta na cathrach agus faoi scéalta chruachás na ndaoine a raibh cónaí orthu sa teach stairiúil seo le linn an chéid seo caite.
![](https://peig.ie/wp-content/uploads/2019/08/trna.jpg)
Grianghraf a glacadh taobh istigh den teach
Eolas faoi do chuairt
Is féidir rochtain a fháil ar 14 Henrietta Street ar thuras treoraithe amháin. Maireann an turas thart ar 75 nóiméad agus moltar iad a chur in áirithe roimh ré.
Faigh treoracha chuig 14 Henrietta Street anseo.
Turais
Céadaoin – Satharn: 10.00; 11.00; 12.00; 13.00; 14.00; 15.00; 16.00
Domhnach: 12.00; 13.00; 14.00; 15.00; 16.00
Luan & Máirt: Dúnta
Ticéid
€9.00 do dhaoine fásta
€6.00 ar lacáiste (OAP, mac léinn, páiste idir 5-18)
€20.00 do theaghlach (2 duine fásta and 3 páiste)
Cuir ticéad in áirithe anseo
Is é an Gallery of Photography lárionad náisiúnta na grianghrafadóireachta comhaimseartha in Éirinn. Tá sé suite i gcroílár Bharra an Teampaill ar Chearnóg Theach an Tionóil i bhfoirgneamh álainn nua-aimseartha. Bíonn cúpla taispeántas ar siúl acu ag aon am amháin i gcónaí ag léiriú scoth na grianghrafadóireachta ó Éirinn agus ó áiteanna eile timpeall na cruinne.
Faoi láthair tá taispeántas ar siúl darb ainm ‘A Modern Eye: Helen Hooker O’Malley’s Ireland’ a thugann léargas ar shaothair luath Helen Hooker O’Malley’s, Meiriceánach a raibh ‘grá aici do thírdhreach, stair agus muintir na hÉireann.’
![](https://peig.ie/wp-content/uploads/2019/08/mayo.jpg)
Carrowmore Races, Co. Mhaigh Eo 1938. Ceann de na grianghraif sa bhailiúchán.
Eolas faoi do chuairt
Tá iontráil chuig an Gallery of Photography saor ó chostas.
Faigh treoracha chuig an Gallery of Photography anseo.
Uaireanta oscailte
Domhnach – Luan: 13:00 – 18:00
Máirt – Satharn: 11:00 – 18:00
D’oscail doirse an Science Gallery sa bhliain 2008 agus ó shin tá an ‘turgnamh beo’ faoi lánseol. Cuirtear fáilte roimh thaispeántais de gach saghas teacht chuig an Science Gallery ar mhaithe le léargas a thabhairt don lucht freastail ar ábhair shainspéise, ‘ranging from design and violence to light and love, and from contagion and biomimicry to the futures of the human species and play.’
I láthair na huaire tá taispeántas fíorspéisiúil ar siúl dar teideal ‘Perfection’ a cuireadh ar taispeáint den chéad uair sa i Melbourne na hAstráile. Nochtann an taispeántas uathúil seo an tóir leanúnach atá ag daoine daonna d’fhoirfeacht a fheiceáil i ngach gné den saol. Féach thíos ar an bhfíseán (Béarla) le tuilleadh eolais a fhoghlaim faoi.
Eolas faoi do chuairt
Tá iontráil chuig an Science Gallery saor ó chostas.
Faigh treoracha chuig an Science Gallery anseo.
Uaireanta oscailte (Lúnasa)
Taispeántas – 11:00 – 18:00
Caifé – 08:00 – 17.15
Siopa – 11:00 – 17:00
Is é an Músaem Náisiúnta Cló an t-aon músaem in Éirinn dá leithéid. Cuirtear bailúchán de threalamh clódóireachta ar taispeáint ann mar aon le roinnt mhaith déantán luachmhara, bunchóip de Fhorógra na Cásca 1916 cuir i gcás. Tá caife álainn neamhspleach darbh ainm Press lonnaithe ar an láthair chomh maith agus is féidir bualadh isteach ann i gcomhair greim bia i ndiaidh na cuairte.
I láthair na huaire tá taispeántas ar siúl darb ainm To the Moon a fhaigheann inspioráid ón gcéad thuirlingt ar an ngealach 50 bliain ó shin. Tá tuilleadh eolais faoin taispeántas sin ar fáil anseo.
![](https://peig.ie/wp-content/uploads/2019/08/moon.jpg)
Cúpla ceann de na priontaí sa taispeántas To the Moon
Eolas faoi do chuairt
Tá iontráil chuig an Músaem Náisiúnta Cló saor ó chostas.
Faigh treoracha chuig an Músaem Náisiúnta Cló anseo.
Uaireanta oscailte
Luan – Aoine – 09.00 – 17.00
Satharn – Domhnach – 14.00 – 17.00
Is Institiúid Náisiúnta Cultúrtha bríomhar í Leabharlann Chester Beatty atá suite i mBaile Átha Cliath agus ina bhfuil bailiúchán de lámhscríbhinní, de leabhair uathúla, agus de sheoda eile ón Eoraip, ón Meánoirthear, ón Afraic Thuaidh agus ón Áise. Is ionann an t-ábhar seo agus leabharlann phríobháideach, tráth dá raibh, de Sir Alfred Chester Beatty (1875–1968), innealtóir mianadóireachta rathúil Meiriceánach a bhí ina fhear bailiúcháin agus daonchairdis.*
Sa leabharlann mór le rá seo tá na céadta ornáid agus lámhscríbhinn ó na réigiúin thuasluaite a léiríonn conas chomh ilghnéitheach agus saibhir is atá an bailiúchán. Moltar go láidir cuairt a thabhairt ar an áit seo – an t-aon mhúsaem in Éirinn ar éirigh leis gradam ‘European Museum of the Year’ a bhaint amach.
*Tá cuid den fhoclaíocht seo tógtha ó shuíomh idirlín na Institiúide.
![](https://peig.ie/wp-content/uploads/2019/08/manu.jpg)
Soiscéal Lúcáis i nGréigis, 200-250 AD, a aimsíodh san Éigipt. Cheannaigh Chester Beatty go luath sna 1930í é.
Eolas faoi do chuairt
Tá iontráil chuig Leabharlann Chester Beatty saor ó chostas.
Faigh treoracha chuig Leabharlann Chester Beatty anseo.
Uaireanta oscailte
Luan – Aoine – 10:00 – 17:00
Satharn – 11:00 – 17:00
Domhnach – 13:00 – 17:00