Conas níos mó Gaeilge a úsáid ar d’fhón póca

Ó Oisín Staunton

Má tá tú ag iarraidh níos mó Gaeilge a úsáid ar d’fhón, seans ann go bhfuil sé níos éasca ná mar a cheapfá. Lean na céimeanna thíos agus is féidir é a dhéanamh go simplí.

Tá rogha Ghaeilge ag formhór na n-aipeanna príomhshrutha sa lá atá inniu ann. Tá aipeanna ar nós TikTok, Outlook agus Gmail ag tacú le Gaeilge mar rogha teanga. Chomh maith leis seo, tá roghanna Gaeilge ag feabhsú i gcónaí. Is féidir téacs tuarthach (predictive text) trí Ghaeilge a úsáid ar an iPhone, mar shampla.

iPhone

Faoi láthair, níl rogha Gaeilge iomláin ag an bhfoclóir iPhone, faraor, ach is féidir leat réigiún an fhóin a shocrú go hÉirinn. Ciallaíonn sé sin go mbeidh saoire bainc agus dátaí eile poiblí in Éirinn taispeánta ar an bhféilire agus an clog ar d’fhón.

1.  Chun é seo a dhéanamh ar d’fhón, téigh go dtí ‘Settings’:

2. Aimsigh ‘Language’:

3. Faoi ‘Language’ beidh tú in ann rogha teanga nua a chur leis:

Is féidir Gaeilge a roghnú mar phríomhtheanga, agus athróidh sé seo an teanga úsáide ar d’fhón go Gaeilge ar roinnt aipeanna, mar shampla, WhatsApp agus Outlook, agus ar an scáileán baile. Chomh maith leis sin, athróidh an méarchlár agus beidh rogha ann téacs tuarthach trí Ghaeilge a úsáid.

Is féidir feidhmchláir eile, ar nós Gmail agus TikTok a athrú go Gaeilge freisin.

Gmail

Chun teanga thaispeána Gmail a aistriú, logáil isteach i do chuntas Gmail agus téigh go dtí na ‘Settings’. Brú ar ‘Account’, ansin brú ‘Your privacy and security’.

1. Ag barr an leathanach beidh siombail ‘Search’:

2. Úsáid é seo chun ‘Language’ a chuardaigh:

3. Ar an leathanach sin beidh rogha agat an ‘Preferred Language’ a athrú:

4. Roghnaigh ‘Gaeilge‘ agus ansin beidh an teanga athraithe go Gaeilge duit:

Is é sin go léir atá ann dó!

TikTok

Tá TikTok ar cheann de na meáin shóisialta is mó sa lá atá inniu ann, agus is cosúil nach bhfuil deireadh ar bith leis an éileamh atá air. Nach iontach mar sin é gur féidir taitneamh a bhaint as go hiomlán trí Ghaeilge.

1. Chun TikTok a úsáid trí Ghaeilge, téigh go dtí do phróifíl, ansin cliceáil ar an gcnaipe trí líne ag barr an scáileáin. Ansin téigh chuig ‘Settings & Privacy’:

2. Faigh an teideal ‘Content & Display’:

3. Roghnaigh ‘Language’:

4. Cliceáil air agus athraigh an teanga go ‘Gaeilge‘:

Agus mar sin, beidh tú in ann TikTok a bhrabhsáil trí Ghaeilge.

Tar éis d’fhón a atosú, ba cheart go mbeidh tú in ann sult a bhaint as an teanga thaispeána nua.

Mura bhfuil an rogha ‘Gaeilge’ ar fáil ar d’fhón, féach an bhfuil aon nuashonraithe ar fáil don fhón a soláthraíonn teangacha éagsúla. Seans go bhfuil an rogha ‘Gaeilge’ ar fáil i measc na roghanna sin.