Tá post an Phríomhfheidhmeannaigh i bhForas na Gaeilge fógartha.
€131,650 an tuarastal atá luaite leis an bhfolúntas atá fógartha toisc deireadh a bheith ag teacht le conradh cúig bliana Shéain Uí Choinn, ceannasaí na heagraíochta teanga trasteorann.
Ag deireadh na bliana seo a thiocfaidh deireadh le conradh Uí Choinn ar féidir leis cur isteach ar an bpost in athuair más mian leis.
Bord Fhoras na Gaeilge a cheapann na Príomhfheidhmeannach.
I gCeannáras Fhoras na Gaeilge i lár Bhaile Átha Cliath a bhíonn na Príomhfheidhmeannach i mbun a chuid oibre.
Dé hAoine an 22 Deireadh Fómhair an sprioc d’iarratais ar an bhfolúntas do cheann de na poist is sinsearaí in earnáil na Gaeilge.
