Soundfile ar wetransfer ar an rphost, dhá tweet le leabú anseo
Amhrán a scríobhadh le “ruainne beag dóchais agus misnigh a spreagadh” a bhuaigh duais na ngrúpaí don amhrán nuachumtha is fearr ag Oireachtas na Samhna.
Dúirt Pádraic Seoighe, an t-amhránaí as Ros an Mhíl, gur amhrán dóchais a bhí i ‘Chuile Dhuine Lena Scéal Féin’ tar éis “dhá bhliain ghruama faoi scáth na paindéime”.
“Is í teachtaireacht an amhráin ná go mbeidh scéalta áthais agus gliondar croí le n-inseacht arís againn agus muid ag bogadh ar aghaidh chuig na laethanta atá amach romhainn,” arsa Pádraic Seoighe.
Buaiteoirí Chomórtas Amhrán Úr
Pádraic Seoighe agus a chairde le ‘Chuile Dhuine Lena Scéal Féin’, a bhuaigh duais na ngrúpaí sa chomórtas amhrán úr, Oireachtas na Samhna 2021.@TG4TV @OirnaGaeilge @RTERnaG pic.twitter.com/dd3aCH6VgL
— MOLSCÉAL (@MOLSCEAL) November 1, 2021
In éineacht le Pádraic Seoighe ag casadh ‘Chuile Dhuine Lena Scéal Féin’, tá Niall, as Béal Feirste, Maidhc Ó hÉanaigh as an Spidéal, agus Neil Fitzgibbon as Baile Átha Luain,
Buaiteoirí Chomórtas Amhrán Úr
Doimnic Mac Giolla Bhríde lena amhrán ‘Dhá dTrian Catha an Misneach’, a bhuaigh an duais aonair sa chomórtas amhrán úr ag Oireachtas na Samhna 2021.@OirnaGaeilge @TG4TV @Doimnic pic.twitter.com/KlJGE7crbI
— MOLSCÉAL (@MOLSCEAL) November 1, 2021
Bhuaigh Pádraic agus Niall Comórtas Idirnáisiúnta Phan-Cheilteach 2018, agus cuireadh a nEP Taobh Le Taobh amach in 2020. Tá sé i gceist acu dul ar camchuairt roimh dheireadh na bliana seo.
Doimnic Mac Giolla Bhríde a bhuaigh an gradam aonair dá amhrán nua ‘Dhá dTrian Catha an Misneach’.
