Na 7 n-eagraíocht is mó a d’fhógair folúntais ó thús 2022

Ó thús na bliana, fógraíodh níos mó ná 250 folúntas ar PEIG – sé sin le rá, folúntais do phoist a fheidhmíonn trí Ghaeilge nó le Gaeilge. Tháinig cuid de na folúntais seo ó na heagraíochtaí féin, agus bailíodh na cinn eile ó shuíomh earcaíochta, ó fhógraí ar na meáin nó ó shuíomh na heagraíochtaí féin.  Faoi dheireadh, cláraíodh folúntais ó níos mó ná 130 eagraíocht, idir poiblí agus príobháideach, ar PEIG.

Féach thíos ar achoimre ar na 7 n-eagraíocht a d’fhógair na folúntais is mó – an 5% d’eagraíochtaí a d’fhógair 30% de na folúntais.

1. Comhar Naíonraí na Gaeltachta

Is eagraíocht í Comhar Naíonraí na Gaeltachta a fhógraíonn an-chuid folúntais i rith na bliana, agus ní aon iontas é sin agus iad ag díriú ar na seirbhísí luathbhlianta as Gaeilge sa Ghaeltacht agus na tacaíochtaí agus riaracháin a dtéann leis. Bíonn folúntais acu d’oibrí scoile agus bainisteoirí agus múinteoirí luathbhlianta de ghnáth. Is féidir tuilleadh eolais a fháil orthu agus ar a bhfolúntais reatha anseo.

📣 Seo folúntas atá oscailte ag an gComhar go dtí 15 Iúil: Príomh Mhúinteoir Luathbhlianta Naíonra Chúil Aodha

2. Údarás na Gaeltachta

Is fostóir mór é Údarás na Gaeltachta do Ghaeilgeoirí. Díríonn an eagraíocht ar fhorbairt fiontraíochta agus tionscnaimh fhostaíochta ionas gur féidir an Ghaeilge a chur chun cinn mar theanga bheo. Fógraíonn an tÚdarás folúntais san eagraíocht féin, cosúil le hoifigigh agus comhordaitheoirí éagsúla sna réimsí taighde, pleanála teanga, taighde, agus scoláireachtaí i réimsí áirithe agus mar sin de. Is féidir folúntais na heagraíochta féin, chomh maith le folúntais na heagraíochtaí lena n-oibríonn siad, a fheiceáil anseo.

📣 Seo folúntas atá oscailte ag an Údarás go dtí 22 Iúil: Príomhfheidhmeannach

3. TG4

Fostóir suntasach is ea TG4, ar ndóigh sa réimse craolacháin, agus iad sa tóir de ghnáth ar eagarthóirí do thionscadail éagsúla agus poist éagsúla eile, cosúil le scéimeanna taithí oibre. Féach ar fholúntais TG4 anseo.

📣 Seo folúntas atá oscailte ag an stáisiún go dtí 20 Iúil: Stiúrthóir Airgeadais agus Riaracháin

4. Glór na Móna

Is eagraíocht phobail agus óige í Glór na Móna, atá lonnaithe i mBéal Feirste agus a fheidhmíonn trí Ghaeilge. De bharr sin, bíonn siad ag lorg daoine cosúil le hoibrí tacaíochta óige agus comhordaitheoirí tionscadail agus pleanáil teanga.

Féach ar a shuíomh idirlín bríomhar chun níos mó eolais a fháil orthu.

5. RTÉ

Bíonn folúntais a fhógairt ag RTÉ do phoist a bhaineann leis an raidió agus an teilifís araon – láithreoirí, gan amhras, agus poist níos teicniúla freisin, cosúil le hinnealtóirí. Is féidir teacht ar a bhfolúntais reatha anseo.

📣 Seo folúntas atá oscailte ag gcraoltóir go dtí 22 Iúil: Clár Reachtaire

6. Ealaín na Gaeltachta Teo

Díríonn an eagraíocht seo ar fhorbairt na n-ealaíon dúchasach agus comhaimseartha sa Ghaeltacht – sé sin le rá, leis na seirbhísí, scéimeanna deontais agus tacaíochtaí eile atá dírithe ar na heagraíochtaí ealaíona agus ealaíontóirí aonair. Bíonn an-tóir ar áisitheoirí agus oideachasóirí ealaíona acu agus, ar ndóigh, ar phoist inmheánacha riaracháin. Fógraíonn an eagraíocht a fholúntais ar an leathanach seo ach is fiú breathnú ar na leathanaigh eile ar a shuíomh chun eolas a fháil ar na scéimeanna eile.

📣 Seo deis atá oscailte ag Ealaín na Gaeltachta go dtí 25 Iúil: Léiriú Suime- Drámaíocht don Óige sa Ghaeltacht

7. Coláiste Mhuire gan Smál

Mar a bheifeá ag súil do choláiste tríú leibhéal oideachais agus saorealaíon, bíonn MIC ag lorg léachtóirí agus comhaltaí iarchéime le Gaeilge, chomh maith le comhordaitheoirí agus teicneolaí oideachais. Is féidir folúntais reatha an choláiste a fheiceáil anseo.

Eagraíochtaí Eile

Chomh maith leis na heagraíochtaí thuas, d’fhógair go leor eagraíochtaí éagsúla eile folúntais i rith na bliana, cosúil le Coláiste Uisce, NemetonTV, Gaelchultúr, Foras na Gaeilge agus a sé cheanneagraíocht  (Cumann na bhFiann, Gaeloideachas, Glór na nGael, Conradh na Gaeilge, an tOireachtas agus Gael Linn), ollscoileanna eile, naíonraí, coistí pleanála teanga, agus ionaid cultúrtha ar fud na tíre.

📣 Coimeád súil ar PEIG.ie/folúntais i gcónaí chun folúntais reatha a fheiceáil.

Is léir go bhfuil an-chuid deiseanna oibre le Gaeilge le fáil le Gaeilge anois agus déanfaidh muid cur síos ar na réimsí oibre seo in alt eile atá le teacht go luath.

Ailt Ábhartha Eile

Suim agat i bpost le Gaeilge? Seo liosta d’ailt ábhartha ar PEIG.ie:

• Gairmeacha le Gaeilge in Éirinn – na hearnálacha éagsúla
• Gairmeacha le Gaeilge san Eoraip – na deiseanna ar fáil
• Ag lorg poist leis an nGaeilge – moltaí agus comhairle
• Cé hiad na fostóirí Gaeilge is mó? – na fostóirí éagsúla
• CV Samplach Gaeilge – chun é a bheith réidh