![cursa-gaidhlig-ar-line-do-chainteoiri-gaeilge](/wp-content/themes/yootheme/cache/36/70403-cursa-gaidhlig-ar-line-do-chainteoiri-gaeilge-36e91557.png)
Cúrsa Gàidhlig ar líne do chainteoirí Gaeilge
Cuirfear tús an tseachtain seo chugainn le cúrsa ar líne i nGaeilge na hAlban do chainteoirí Gaeilge na hÉireann.
Is é an ceoltóir agus an t-oide aitheanta Brian Ó hEadhra a bheidh i mbun an chúrsa ceithre seachtaine, a thosóidh an Luan beag seo, an 4 Meán Fómhair.
Tá breis agus 25 bliana caite ag Brian ag teagasc ranganna ar an nGàidhlig agus tá taithí ar leith aige ar theanga na hAlban a mhúineadh ar bhealach tarraingteach nádúrtha do mhuintir na Gaeilge.
“Bha mi a’ teagasg Gàidhlig na h-Albain do luchd na Gaeilge aig colaiste Sabhal Mòr Ostaig san Eilean Sgitheanach beagan seachdainean air ais agus bha iarratas làidir ann bho na sgolairean clasaichean a bharrachd a chumail tron bhliadhna,” arsa Brian le NÓS.
“Sin an adhbhar (fáth) gu bheil mi a’ tabhainn (tairiscint) na clasaichean a tha seo an-dràsta (anois).
“Ma tha thu a’ leughadh seo gu furasta is dòcha gum bi ùidh (suim) agad pàirt a ghabhail.”
Is ar Zoom a thabharfar an cúrsa – a bhfuil £25 air san iomlán – agus is féidir tuilleadh eolais a fháil faoi anseo.
Gun tèid leat!