![imeachtai-na-feile-broid](/wp-content/themes/yootheme/cache/e0/41163-imeachtai-na-feile-broid-e0763827.jpeg)
Imeachtaí na Féile Bróid
Dána: Seimineár ar Léann na Collaíochta agus na Gnéasúlachta sa Ghaeilge
Aoine 25 Meitheamh @16::00
Tá seimineár eagraithe ag Fiontar agus Scoil na Gaeilge DCU ina n-iniúchfar an ghnéasúlacht agus an chollaíocht i léann na Gaeilge, mar chuid d’Fhéile Bhróid Bhaile Átha Cliath.
Ní gá ach ríomhphost a sheoladh chuig sean.macristeaird@dcu.ie le clárú.
Cluiche Snatch
![](http://nos.ie/wp-content/uploads/2021/06/00174fc7-1600-1024x576.jpg)
Satharn 26 Meitheamh @13:00
Beidh an Cluiche Snatch á reáchtáil ag an ngrúpa AerachAiteachGaelach Dé Sathairn agus iomaitheoirí ag dul in aghaidh a chéile le duais €300 a bhuachan. Beidh ‘HuPaul’ (nó Hugh Carr mar is fearr aithne air) á chur i láthair agus beidh deis ag an lucht féachana duais €50 a bhuachan.
Craolfar an cluiche ar YouTube.
Rí-Rá Ciorcal Comhrá
![](http://nos.ie/wp-content/uploads/2021/03/2020-03-zoom-callbeverage-computer-cup-device-drink-laptop-1506935-pxhere.com_.jpg)
Céadaoin 30 Meitheamh @19:30
Beidh deis ann do mhná leispiacha agus déghnéasacha bualadh lena chéile ar Zoom agus bheith i mbun comhrá trí Ghaeilge. Is é LINC a d’eagraigh agus fáilte roimh gach leibhéal teanga. Bíonn ciorcal comhrá ann gach Céadaoin!
Seol ríomhphost chuig info@linc.ie le clárú
Cláir Bhróid Raidió na Life
Ar-éileamh
Bhí seachtain mhór mhaith ag Raidió na Life lán cláir speisialta, cláir faisnéise, agus seinnliostaí a roghnaigh na láithreoir go speisialta le tacaíocht a léiriú don phobal aiteach. Tá na podchraoltaí agus cláir seo ar fáil anois ar shuíomh an stáisiúin agus míreanna eile le cloisteáil ar na príomhardáin éisteachta amhail Spotify.