Iardheisceart Átha Cliath le linn blianta na Réabhlóide, 1916-23 le Kerron Ó Luain (Seachtain Náisiúnta na hOidhreachta)
Leabharlann Phobail Ghaoth Dobhair
Aislann Ghaoth Dobhair, Na Doirí Beaga, Leitir Ceanainn, Co Dhún na nGall F92 PT38
Iardheisceart Átha Cliath le linn blianta na Réabhlóide, 1916-23 le Kerron Ó Luain (Seachtain Náisiúnta na hOidhreachta)
@ Leabharlann Phobail Ghaoth Dobhair
Festival Lecture / TalkB'fhorbairt an-dearfach a bhain le Deich mBliana na gCuimhneachán an taighde a rinneadh ar go leor ceantair áitiúil le linn blianta na Réabhlóide, 1912-23. Foilsíodh sraith leabhair a rianaigh na blianta sin ag leibhéal an chontae agus a thug léargas úr ar cheisteanna tábhachtacha. Rinneadh imscrúdú i roinnt foilseacháin ar cheantair áitiúil ag leibhéal ní ba ghéire ná sin fiú.
Tuigtear níos mó anois faoi mar a chuaigh mórcheisteanna náisiúnta an lae i bhfeidhm ag an leibhéal logánta. Go deimhin, ar an lámh eile, tá tuiscint níos fearr againn ar an mórphictiúr náisiúnta de bharr mionstaidéir éagsúla ó gach cearn den tír.
Sa chaint seo tabharfaidh an Dr Kerron Ó Luain léargas ar bhlianta na Réabhlóide ina cheantar dúchais féin, iardheisceart Átha Cliath. Cíorfar an choimhlint laistigh den náisiúnachas, an ghéarchéim Rialtas Dhúchais 1912-14, teacht chun cinn na nÓglach agus Éirí Amach na Cásca 1913-16, an tréimhse atheagraithe agus Cogadh na nDúchrónach 1917-1919, cúrsaí aicmeacha, ceardchumainn agus stailc na n-oibrithe feirme in 1919-23, agus an Cogadh Cathartha/Frithréabhlóid sa cheantar in 1922-23.
Tuilleadh eolais anseo.
*** Cliceáil anseo chun na himeachtaí as Gaeilge uilig atá á reáchtáil i rith 'Seachtain Náisiúnta na hOidhreachta' a fheiceáil, nó cuardaigh 'Seachtain Náisiúnta na hOidhreachta' anseo ar PEIG ***
