Home
FAQ's
Age Groups
Age Group > 4
Irish Names
Playgroups
Using Irish with your Children
Raising Children with Irish Outside the Gaeltacht
Raising Children through Irish in the Gaeltacht
Support, Services & Facilities
Age Group 4 > 12
All-Irish Primary Schools
Benefits of All-Irish Education
Summer Colleges
The Gaelbhratach
Festivals
Support, Services & Facilities
Benefits of All-Irish Education
Age Group 12 > 18
All-Irish Secondary Schools
Benefits of All-Irish Education
Summer Colleges
The Gaelbhratach
Festivals
Using Your Irish Name
Benefits of All-Irish Education
Support, Services & Facilities
Age Group 18 > 22
Irish Societies & Student Unions
Learn Irish: 18-22 year olds
Irish Third Level Courses
Festivals
Support, Services & Facilities
Age Group 22+
Careers With Irish
Classes for Adults
Get Involved
Conversation Circles
Festivals
Support, Services & Facilities
Speaking to Your Grandchildren
Community
Conversation Circles
The Gaeltacht
Community Groups
Irish Language Centres
Sloinne
5 Tips
Organisations
Festivals
Seachtain na Gaeilge
Awareness Events
Irish Language Books
Learn
Learn Irish
Playgroups
All-Irish Secondary Schools
All-Irish Primary Schools
Irish in English Speaking Schools
Irish Classes for Adults
Irish Classes
Irish Services for Schools
Benefits
Rights
The Official Languages ​​Act 2003
The European Charter for Minority Languages
The 20 Year Strategy in the North
Services Available in Irish
Get Involved with Conradh na Gaeilge
Campaigns
Research and Submissions
Using Irish State Services
Irish Language Commissioner
Working With Irish
Irish language jobs (Europe)
Irish language jobs (Ireland)
Jobs
Irish Language Careers Booklet
Jobs

10 n-áit le cuairt a thabhairt orthu agus tú ar Shlí an Atlantaigh Fhiáin i dTír Chonaill

1. Cionn Mhálanna | Malin Head

Is é Cionn Mhálanna an pointe is faide ó thuaidh in Éirinn. Tá stair agus béaloideas sáite sa cheantar. Is ceantar é Cionn Mhálanna do gach duine. Tig leat a bheith ag siúl, ag iascaireacht, ag snámh, dul i mbun grianghrafadóireachta, staidéar a dhéanamh ar fhoirmíochtaí carraigeacha nó flóra neamhchoitianta.  Tá sé gar do chúrsaí gailf iontacha Inis Eoghain freisin.

2. Teach Solais Fhánada | Fanad Lighthouse

Is teach solais íocónach é Teach Solais Fhánada. Vótáladh é mar cheann de na tithe solais is áille ar domhan agus is furasta a fheiceáil cén fáth. Bíonn grianghrafadóirí go rialta ag glacadh pictiúir iontacha atmaisféaracha den struchtúr mealltach seo agus den chósta fiáin mórthimpeall air. Bíonn turais ar fáil inar féidir leat cloisteáil faoi stair an tí solais. Tá fáilte roimh ghrúpaí chomh maith chun turais a ghlacadh.

3. Trá Bhá Íochtair | Murder Hole Beach

Ní bhfaighidh bóithre ar bith anseo thú. Caithfidh fios a bheith agat cá háit gur chóir dul, cé go mbeidh muintir na háite sásta thú a threorú sa treo ceart. Is trá é atá suite ar cheann an Mhill Mhóir ag taobh na nDúnaibh i dTír Chonaill. Tá rún faoi leith ag baint leis an áit, mar sin má tá an seans agat, b’fhiú duit cuairt a thabhairt air.

4. Corrán Binne | Horn Head

Má tá tú ag fanacht i nDún Fionnachaidh, agus mura nglacann tú ach turas cairr amháin caithfidh tú cuairt a thabhairt ar Chorrán Binne. Ón áit seo tá radharc iomlán agat ar na háiteanna is fearr i dTír Chonaill. Féach amach chun na farraige agus feicfidh tú Oileán Thoraí, Cionn Mhálanna, leithinis Ros Goill, tránna agus An Earagail. Áit ar dóigh amach is amach dar linn.

5. Oileán Thoraí | Tory Island

Tá cáil mhór ar Oileán Thoraí mar gheall ar an gceol agus damhsa traidisiúnta. Is áit iontach í d’ealaíontóirí, do ghrianghrafadóirí agus do lucht faire éin. Ní ghlacann turas báid ach 45 nóiméad ó ché Mhachaire Rabhartaigh. Tá radhairc iontacha ann agus is fiú go mór cuairt a thabhairt air am ar bith den bhliain ag brath ar an aimsir!

6. Oileán Ghabhla, Gaoth Dobhair | Gola Island

Cé go bhfuil aithne fhorleathan ar Ghaoth Dobhair mar cheantar Gaeltachta, ní féidir dearmad a dhéanamh ar na hoileáin ghalánta atá ar imeall an chósta aici. Má bhíonn tú choíche i nGaoth Dobhair le linn an tsamhraidh bí cinnte go bhfaighidh tú seans le dul amach go dtí Oileáin Ghabhla. Oileán iargúlta é ach ní thiocfadh leat a bheith in áit níos deise ar lá maith. Bíonn bád farantóireachta ann ó ché Mhachaire Gathlán agus ní ghlacann an turas ach 10 nóiméad ar a laghad ag brath ar an aimsir. Bí cinnte go bhfuil do chuid bia féin isteach leat agus beidh lá ar dóigh agat ar an oileán.

7. Ceann na Cruaiche | Crohy Head

Ceann na Cruaiche suite ar Shlí an Atlantaigh Fhiáin agus tá sé ocht gciliméadar ón gClochán Liath sna Rosa. Tá roinnt foirmíochtaí carraige an-suntasach cosúil leis an áirse chloiche darbh ainm ‘The Breeches.’ Áit iontach do ghrianghrafadóirí agus go minic bíonn pictiúir áille le feiceáil ar Instagram.

8. Trá an Dumhaigh | Dooey Beach

Suite ar chósta iarthuaisceart Thír Chonaill, tá trá an Dumhaigh thart ar 13 ciliméadar ó theas ón gClochán Liath agus tá sí suite in aice le baile beag darbh ainm Leitir Mhic an Bhaird. Trá oiriúnach do shurfáil atá ann agus tá dumhcha dochreidte le feiceáil ansin. Mholfaí stopadh anseo agus tú ag dul i dtreo dheisceart Thír Chonaill.

9. Eas Assaranca | Assaranca Waterfall

Tá an t-eas álainn seo ocht gciliméadar ó Ard an Rátha. Is cuma cén t-am den bhliain tugann sé deis uathúil grianghraf a ghlacadh i gcónaí, agus tá sé le feiceáil i go leor albam taistil faoi thurasóireacht in Éirinn

10. Málainn Bhig | Malin Beg

Is sráidbhaile beag Gaeltachta i dTír Chonaill é baile Mhálanna Bige. Tá sé ocht gciliméadar go leith ó dheas ó Ghleann Colmcille. Tá clú air mar gheall ar a Thrá Bán. Tá an Trá Bán mar a thugtar air suite i mbá a bhfuil cruth crú capaill uirthi. Deirtear go bhfuil sé ar cheann de na tránna is áille ar Shlí an Atlantaigh Fhiáin.

Tuilleadh ábhar ó PEIG.ie ar fáil anseo.

Scríofa ag Ciara Nic Gairbheith | Íomhá ó rory_odonnell ar Instagram

Sign up for the PEIG newsletter

  • Conradh na Gaeilge
  • Foras na Gaeilge