Tá geansaí glas an Tour de France buaite ag Sam Bennett na hÉireann.
Bhuaigh an rábálaí an staid dheireanach den rás ar an Champs-Elysées chomh maith.
As Carraig na Siúire do Bennett, an baile céanna le Seán Kelly, an duine deireanach as Éirinn a bhuaigh an geansaí glas.
“Níl aon insint béil agam ar cé chomh mór is atá mé ar bís, a dúirt Bennett i ndiaidh an ráis.
“An geansaí glas agus Champs-Élysées, craobh dhomhanda na ráibeála. Níor cheapas riamh go n-éireodh liom an staid seo a bhuachan agus tá sé fíorspeisialta gur éirigh liom é dhéanamh agus an geansaí glas orm.”
Staid an Champs-Elyées buaite ag fear na Carraige Súire SAM BENNET!!!! ☘️☘️ pic.twitter.com/I0IkSVJhUu
— TG4TV (@TG4TV) September 20, 2020
Seo an chéad uair ó 1989 ag rothaí as Éirinn ceann de na geansaithe is tábhachtaí a bhuachan ag ceann de na trí rás rothaíochta is mó ar domhan.
Bhuaigh Kelly geansaí glas an Tour don cheathrú huair i 1989.
Tadej Pogacar a bhuaigh an Tour de France i mbliana, an chéad duine riamh as an tSlóivéin a bhuaigh an rás. Beidh Pogacar 22 amárach agus is é an duine is óige a bhuaigh an rás ó 1904.
